അദ്ദേഹം തന്നെ പറഞ്ഞു പറ്റിച്ചു!! 28 വർഷത്തിനു ശേഷം വെളിപ്പെടുത്തി താരപത്നി ഗൗരി

ഗൗരിയുമായിട്ടുളള പ്രണയം

ബോളിവുഡിലെ സൂപ്പർ താരമാകുന്നതിനു മുൻപാണ് ഷാരൂഖാന്റേയും ഗൗരിയുടെയും വിവാഹം. വളറെ ചെറുപ്പ പ്രായത്തിൽ തന്നെ ഇവർ തമ്മിൽ പ്രണയത്തിലാവുകയായിരുന്നു. തന്റെ 18 വയസിലാണ് ആദ്യമായി ഗൗരിയെ കാണുന്നതെന്നും അന്ന് അവർക്ക് പ്രായം 14 മാത്രമായിരുന്നെന്നും ഷാരൂഖ് പറഞ്ഞു. രണ്ട് മത വിഭാഗക്കാരയതുകൊണ്ട് തന്നെ ഒരുപാട് പ്രതിസന്ധികൾ തരണം ചെയ്തതിനു ശേഷമാണ് ഇരുവരും വിവാഹതിരായത്. 28 വർഷത്തെ മനോഹരമായ ദാമ്പത്യ ജീവിതകഥയാണ് ഇരുവർക്കും പങ്കുവെയ്ക്കാറുള്ളത്.

ഷാരൂഖ് പറ്റിച്ചു

ഒരു സ്വകാര്യ ചാനലിന്റെ പുരസ്കാര ചടങ്ങിലായിരുന്നു ഷാരൂഖ് പറ്റിച്ചതിനെ കുറിച്ച് ഗൗരിഖാൻ വെളിപ്പെടുത്തിയത്. ഗൗരിയുട ഏറ്റവും വലിയ ആഗ്രഹങ്ങളിൽ ഒന്നായിരുന്നു ഹണിമൂണ്‍ ആഘോഷിക്കാൻ പാരീസിൽ പോകണമെന്നത്. ഈഫൽ ടവ്വർ കാണണമെന്ന ആഗ്രഹവും ഗൗരി ഷാരൂഖിനോട് പങ്കുവെച്ചിരുന്നു. വിവാഹത്തിനു മുൻപ് അദ്ദേഹം വാക്ക് നൽകിയിരുന്നെങ്കിലും അത് പാലിച്ചിരുന്നില്ലെന്നും ഗൗരിഖാൻ പുരസ്കര സ്വീകരണത്തിനിടെ പറഞ്ഞു.

പ്രധാനപ്പെട്ട ഫോട്ടോ

ഡാർജിലിങ്ങിലെ പരമ്പരാഗത വസത്രം ധരിച്ചു നിൽക്കുന്ന ഷാരൂഖാന്റേയും ഭാര്യയുടേയും ചിത്രം സമൂഹ മാധ്യമങ്ങളിൽ വൈറലാണ്. ഈ ചിത്രത്തിനു പിന്നിലൊരു കഥയുണ്ട്. ഈ ചിത്രം പുരസ്കാര ചടങ്ങിൽ പ്രദർശിച്ചപ്പോഴാണ് ഹണിമൂൺ സംഭവകഥ ദൗരി പങ്കുവെച്ചത്. തന്റെ ഏറ്റവും പ്രിയപ്പെട്ട ചിത്രങ്ങളിൽ ഒന്നാണ് ഇതെന്നായിരുന്നു ഗൗരിയുമായിട്ടുള്ള ആ ചിത്രത്തെ കുറിച്ച് ഷാരൂഖ് പറഞ്ഞത്. തന്റെ ജീവിതത്തിലെ നിർണ്ണായക ചിത്രത്തിനു പിന്നിലെ കഥ താരം വെളിപ്പെടുത്തി.

ജീവിതത്തിലെ മനോഹരയാത്ര

വിവാഹം നടക്കുമ്പോൾ ഞാൻ വളരെ ദരിദ്രനായിരുന്നു. ഗൗരി താരതമ്യേനേ സാമ്പത്തികമായി മെച്ചപ്പെട്ട കുടുംബത്തിലായിരുന്നു ജനിച്ചത്. വിവാഹത്തിനു മുൻപ് ഹണിമൂണിന് പാരീസിൽ പോകാമെന്ന് വാക്ക് കൊടുത്തിരുന്നു. എന്നാൽ അത് തനിയ്ക്ക് നിറവേറ്റാൻ സാധിച്ചിരുന്നില്ല. കാരണം അന്ന് എന്റെ കയ്യിൽ പണമില്ലായിരുന്നു. അതുകൊണ്ട് ഹണിമൂണിനായി ഡാർജിലിങ്ങിലേയ്ക്ക് പോകുകയായിരുന്നു. വിവാഹം കഴിഞ്ഞ് 20 ദിവസത്തിനു ശേഷമായിരുന്നു തങ്ങളുടെ ആ മനോഹരയാത്ര.