ഒരു വലിയ മുറിയിൽ ഞങ്ങൾ‌ രണ്ട് പേർ‌! മിറയെ ആദ്യം കണ്ടപ്പോള്‍ തോന്നിയത്! ഷാഹിദ് തുറന്നു പറയുന്നു

പ്രണയ തകർച്ചയ്ക്ക് ശേഷമായിരുന്നു മിറയെ ആദ്യമായി കാണാൻ പോകുന്നത്. വീട്ടുകാർ പറഞ്ഞുറപ്പിച്ച ബന്ധമായതുകൊണ്ട് തന്നെ വിവാഹത്തിന് വേണ്ടി തന്നെയായിരുന്നു മിറയെ കാണാൻ പോയത്. 2014 ആയിരുന്നു ആദ്യമായി തമ്മിൽ കാണുന്നത്. ഒരു വലിയ മുറിയിൽ രണ്ട് സോഫകളിലായിട്ടായിരുന്നു തങ്ങൾ അന്ന് ഇരുന്നത്.

ആദ്യമായി മിറയെ കണ്ടപ്പോൾ തന്റെ മനസ്സിൽ തോന്നിയ കാര്യവും ഷാഹിദ് പങ്കുവെച്ചിട്ടുണ്ട്. ആരുമില്ലാത്ത ഒരു മുറിയിലായിരുന്നു ആദ്യ കൂടിക്കാഴ്ച. 15 മിനിറ്റ് വെറുതെ ഇരിക്കേണ്ടി വരുമോ എന്നായിരുന്നു ആദ്യം ഞാൻ ചിന്തിച്ചത്. എന്താൽ ആ ചിന്ത വെറുതെയായിരുന്നു. നീണ്ട ഏഴു മണിക്കൂറുകൾക്ക് ശേഷമാണ് ആ സംസാരം അവസാനിപ്പിച്ചത്.

അറിയാം ഓണത്തിനെത്തിയ പുതിയ നെക്‌ലൈസ് ട്രെന്‍ഡുകള്‍

ബോളിവുഡ് സിനിമയുടെ ആരാധിക അല്ലാത്തതിനാൽ ആദ്യമൊന്നും ഷാഹിദിനെ കുറിച്ച് ശ്രദ്ധിച്ചിരുന്നില്ലെന്ന് മിറ പറയുന്നു. എന്നാൽ ഇത് ആദ്യ കൂടിക്കാഴ്ചയിൽ തന്നെ പരസ്പരം മനസിലാക്കാൻ സാഹായിച്ചിരുന്നു. കരൺ ജോഹർ അവതരിപ്പിക്കുന്ന ഷോയിൽ അതിഥിയായി എത്തിയപ്പോഴാണ് മിറ ഇക്കാര്യം വ്യക്തമാക്കിയത്. 16ാം വയസ്സിലായിരുന്നു താൻ ആദ്യമായി ഷാഹിദ് കപൂറിനെ നേരിൽ കാണുന്നതെന്ന് മിറ നേരത്തെ പറഞ്ഞിരുന്നു.

ഷാഹിദുമായുളള ആദ്യ സംഭാഷണത്തെ കുറിച്ചും മിറ പറഞ്ഞിരുന്നു. തന്നേക്കാൾ പ്രായം കൂടിയെ ആളെ വിവാഹം കഴിക്കാൻ ആഗ്രഹിക്കുന്നത് എന്തുകൊണ്ടാണെന്നാണ് ആദ്യമായി ഷാഹിദ് ചോദിച്ചത്. ഇതിന് മറ്റൊരു ചോദ്യമാണ് മിറ അന്ന് ഉത്തരമായി നൽകിയത്. തന്നെക്കാൾ പ്രായം കുറഞ്ഞ ആളിനെ വിവാഹം കഴിക്കാൻ തീരുമാനിച്ചത് എന്തുകൊണ്ടാണ് എന്നായിരുന്നു മിറയുടെ ചോദ്യം. 2015 ആയിരുന്നു ഷാഹിദ് കപൂറിന്റേയും മിറയുടേയും വിവാഹം. മിഷ, സെയിൻ എന്നിങ്ങനെ രണ്ട് കുട്ടികൾ ഇവർക്കുണ്ട്.