മുൻ കാമുകിയുമായി ഇനിയും അഭിനയിക്കാൻ താൽപര്യമുണ്ട്, കാരണം ഇതാണ്, വെളിപ്പെടുത്തി നടൻ

കരീനയ്ക്കൊപ്പം ഇനിയും അഭിനയിക്കുമോ എന്ന ചോദ്യത്തിനായിരുന്നു ഷാഹിദിന്റെ പ്രതികരണം. വളരെ രസകരമായിട്ടാണ് താരം ചോദ്യത്തിന് ഉത്തരം നൽകിയത്. താൻ ഇനിയും കരീനയ്ക്കൊപ്പം ജോലി ചെയ്യും. ഒരു അഭിനേതാവ് എന്ന നിലയിൽ പശുവിനോടൊ എരുമയോടോ പ്രണയം അഭിനനയിക്കാൻ പറഞ്ഞാൽ ചെയ്യും. കാരണം അതിന്റെ ജോലിയാണ്. നടൻ അഭിമുഖത്തിൽ പറയുന്നു.

ഷാഹിദുമായുള്ള പ്രണയ തകർച്ചയ കുറിച്ച് കരീനയും ഒരു അഭിമുഖത്തിൽ വെളിപ്പെടുത്തിയിരുന്നു. അനുപമ ചോപ്രയുമായുള്ള അഭിമുഖത്തിലാണ് നടനുമായുള്ള ബ്രേക്കപ്പിനെ കുറിച്ച് വെളിപ്പെടുത്തിയത്. നടിയുടെ വാക്കുകൾ ഇങ്ങനെ. ജബ് വി മെറ്റിലെ ഗീത് എന്ന കഥാപാത്രത്തെ അവതരിപ്പിക്കണമെന്ന് ഷാഹിദാണ് തന്നോട് പറഞ്ഞത്. ഞങ്ങള്‍ പ്രണയത്തിലായിരുന്നു. എന്നാല്‍ വിധി മറ്റൊരു വഴിയിലൂടെ സഞ്ചരിച്ചു. ആ സിനിമയ്ക്കിടെ ഒരുപാട് കാര്യങ്ങള്‍ സംഭവിച്ചു. ജബ് വി മെറ്റില്‍ അഭിനയിക്കുന്നതിനിടെ ഞാന്‍ തഷാനിലും ജോലി ചെയ്തിരുന്നു. അതിനിടെ സെയ്ഫ് അലി ഖാനുമായി അടുത്തു. ജബ് വി മെറ്റ് എന്റെ കരിയര്‍ മാറ്റി മറിച്ചു, തഷാന്‍ എന്റെ ജീവിതവും''- കരീന പറഞ്ഞു. ഷാഹിദ് -കരീന ജോഡികളുടെ ഹിറ്റ് ചിത്രമാണ് ജബ് വി മെറ്റ്.

ബ്രേക്കപ്പിന് ശേഷം ഷാഹിദും കരീനയും ഉഡ്ത പഞ്ചാബ് എന്ന ചിത്രത്തിൽ അഭിനയിച്ചിരുന്നു. എന്നാൽ ഒന്നിച്ചുള്ള സീനുകൾ ഇല്ലായിരുന്നു. 2015 ലാണ് ഷാഹിദ് മിറയെ വിവാഹ കഴിക്കുന്നത്, വീട്ടുകാർ നിശ്ചയിച്ച വിവാഹമായിരുന്നു ഇവരുടേത് കോളേജിൽ പഠിക്കുമ്പോഴാണ് മിറ വിവാഹിതയാകുന്നത്. ഇവർക്ക് രണ്ട് മക്കളുണ്ട്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അഞ്ച് വർഷത്തെ പ്രണയത്തിന് ശേഷമാണ് കരീനയും സെയ്ഫ് അലിഖാനും വിവാഹിതരാകുന്നത്. 2012 ൽ ആയിരുന്നു ഇവരുടെ വിവാഹം. ഷാഹിദുമായി വേർപിരിഞ്ഞതിന് പിന്നാലെ തന്നെ സെയ്ഫുമായി കരീന പ്രണയത്തിലാവുകയായിരുന്നു. അമൃത സിങ്ങുമായിട്ടുള്ള വിവാഹ മോചനത്തിന് ശേഷമാണ് നടിയുമായി സെയ്ഫ് പ്രണയത്തിലായത്. വിവാഹത്തിന് ശേഷവും കരീന സിനിമയിൽ സജീവമായിരുന്നു. ഇപ്പോൾ രണ്ടാമത്തെ കുഞ്ഞിന് ജന്മം നൽകിയിരിക്കുകയാണ് താരം. ഇതുവരെ കുഞ്ഞിന്റെ ചിത്രങ്ങൾ പുറത്തു വിട്ടിട്ടില്ല