ഞാനൊരു മുസ്ലീമാണ്, എന്റെ ഭാര്യ ഹിന്ദുവും എന്റെ മക്കൾ ഹിന്ദുസ്ഥാനുമാണെന്ന് ഷാരുഖ് ഖാന്‍

| Updated: Monday, January 27, 2020, 14:01 [IST]

മതത്തിന്റെ പേരില്‍ രാജ്യത്ത് വലിയ പ്രതിഷേധങ്ങളും പ്രശ്‌നങ്ങളും അരങ്ങേറുന്നതിനിടെ തന്റെ നിലാപാടുമായി എത്തിയിരിക്കുകയാണ് ബോളിവുഡ് കിങ് ഷാരൂഖ് ഖാന്‍. ഒരു ഡാന്‍സ് റിയാലിറ്റി ഷോ യില്‍ പങ്കെടുക്കാന്‍ എത്തിയതായിരുന്നു താരം. പരിപാടിയ്ക്കിടെ നടത്തിയ സംഭാഷണത്തിനിടെയാണ് മതത്തെ കുറിച്ച് തന്റെ വീട്ടില്‍ സംസാരിക്കാറില്ലെന്ന് ഷാരുഖ് പറഞ്ഞത്.

ഹിന്ദു മുസ്ലിം വ്യത്യാസങ്ങള്‍ ഞങ്ങള്‍ ചര്‍ച്ച ചെയ്തിട്ടില്ല. ഞാനൊരു മുസ്ലീമാണ്. എന്റെ ഭാര്യ ഹിന്ദും, എന്റെ കുട്ടികള്‍ ഹിന്ദുസ്ഥാനുമാണ്. സ്‌കൂളില്‍ അവര്‍ക്ക് മതം ഏതാണെന്ന് പൂരിപ്പിക്കേണ്ട കോളമുണ്ടായിരുന്നു. അന്ന് എന്നോട് മകള്‍ ചോദിച്ചു നമ്മള്‍ ഏതാണ് മതമെന്ന്? ഞാന്‍ ആ കോളത്തില്‍ ഞങ്ങള്‍ക്ക് മതമില്ലെന്നും ഞങ്ങള്‍ ഇന്ത്യക്കാരാണെന്നും എഴുതി.

മതം എന്റെ വീട്ടില്‍ ഒരു വിഷയമല്ല. അതേ കുറിച്ച് സംസാരിക്കാറുമില്ല. അതിന്റെ ആവശ്യമുണ്ടെന്ന് തോന്നുന്നുമില്ലെന്നാണ് താരത്തിന്റെ വാക്കുകളില്‍ നിന്നും വ്യക്തമാവുന്നത്. തങ്ങള്‍ എല്ലാ മതങ്ങളുടെയും ആഘോഷങ്ങള്‍ നടത്താറുണ്ട്. മക്കളുടെ പേരുകള്‍ പോലും മതം നോക്കി നല്‍കിയതല്ല. ഇതിനൊപ്പം തന്റെ ആദ്യ ശമ്പളത്തെ കുറിച്ച് കൂടി ഷാരൂഖ് പറഞ്ഞിരുന്നു. ആദ്യമായി തനിക്ക് ലഭിച്ചത് കേവലം 50 രൂപയായിരുന്നു.