ഹോം

ബോളിവുഡ്

ബോളിവുഡ് സിനിമാലോകം ഒന്നടങ്കം പ്രതീക്ഷയോടെ കാത്തിരിക്കുന്ന സിനിമകളിലൊന്നാണ് സീറോ. പതിവില്‍ നിന്നും വ്യത്യസ്തമായി കുള്ളനായാണ് ഷാരൂഖ് ഖാന്‍ എത്തുന്നത്. തുടക്കം മുതലേ തന്നെ ഈ സിനിമ വാര്‍ത്തകളില്‍ നിറഞ്ഞുനിന്നിരുന്നു. കിങ് ഖാന്റെ പിറന്നാള്‍ ദിനത്തിലായിരുന്നു ചിത്രത്തിന്റെ ട്രെയിലര്‍ പുറത്തുവന്നത്. ക്രിസ്മസിന് ചിത്രം തിയേറ്ററുകളിലേക്കെത്തുമെന്നാണ് റിപ്പോര്‍ട്ടുകള്‍. എന്നാല്‍ സിനിമയെക്കുറിച്ചുള്ള ചില വ്യാജപ്രചാരണങ്ങള്‍ ഇപ്പോള്‍ അരങ്ങുതകര്‍ക്കുകയാണ്. സിനിമയ്ക്കായി അക്ഷമയോടെ കാത്തിരിക്കുന്നതിനിടയിലാണ് ക്ലൈമാക്‌സ് ചോര്‍ന്നത്. അദ്‌നാന്‍ സാമിയുടെ ട്വിറ്റര്‍ അക്കൗണ്ടിലൂടെയാണ് സിനിമയുടെ ക്ലൈമാക്‌സിനെക്കുറിച്ചുള്ള സുപ്രധാന വിവരങ്ങള്‍ ചോര്‍ന്നത്.

സുബി സുരേഷിന്‍റെ ഭര്‍ത്താവായി ജോണി ആന്‍റണിയെത്തിയപ്പോള്‍ സംഭവിച്ചത്? ഡ്രാമയെക്കുറിച്ച് താരം പറഞ്ഞത്?

ഇത് ഫേക്ക് ട്വീറ്റാണെന്നും അത്തരത്തിലൊരു സംഭവവും താന്‍ പോസ്റ്റ് ചെയ്തിട്ടില്ലെന്നും വ്യക്തമാക്കി അദ്ദേഹം രംഗത്തെത്തിയിട്ടുണ്ട്. ആരാധകരെ തെറ്റിദ്ധരിപ്പിക്കുന്ന തരത്തിലാണ് ഇപ്പോഴത്തെ ട്വീറ്റെന്നും തന്റെ അക്കൗണ്ട് ഹാക്ക് ചെയ്താണ് ഇങ്ങനെ ചെയ്തതെന്നും താരം പറയുന്നു. പരാലിസിസ് ബാധിച്ച് അനുഷ്‌ക മരിക്കുമെന്നും അന്ത്യാഭിലാഷം നടപ്പിലാക്കുന്നതിനായി കിങ് ഖാന്‍ എത്തുന്നതുമാണ് സിനിമയുടെ ക്ലൈമാക്‌സെന്നാണ് ട്വീറ്റിലുള്ളത്.

ഡിസംബര്‍ 21നാണ് ചിത്രം തിയേറ്ററുകളിലേക്കെത്തുന്നത്. ആനന്ദ് എല്‍ റായി സംവിധാനം ചെയ്ത ചിത്രത്തില്‍ വന്‍താരനിരയാണ് അണിനിരക്കുന്നത്. റെഡ് ചില്ലീസാണ് ചിത്രം നിര്‍മ്മിക്കുന്നത്. റിലീസിന് മുന്‍പ് സിനിമയെക്കുറിച്ച് ഇത്തരത്തിലുള്ള വ്യാജ പ്രചാരണം അരങ്ങേറുന്നതില്‍ അണിയറപ്രവര്‍ത്തകരും അസംതൃപ്തരാണ്. സിനിമാവ്യവസായത്തെ തന്നെ ഒന്നടങ്കം നടുക്കുന്ന തരത്തിലുള്ള കാര്യങ്ങളാണ് അടുത്തിടെയായി അരങ്ങേറുന്നത്. വ്യാജപതിപ്പ് ഭീഷണിക്ക് പിന്നാലെയായാണ് ക്ലൈമാക്‌സും ചോര്‍ന്നത്.