രണ്ട് വിവാഹവും 16 വര്‍ഷം കൊണ്ട് അവസാനിച്ചു; സൂപ്പര്‍താരം ആമിര്‍ ഖാന്റെ രണ്ട് വിവാഹ ബന്ധത്തിലുമുള്ള സമാനതകള്‍

1986 ആമിര്‍ ഖാനും റീന ദത്തയും വിവാഹിതരാവുന്നത്. ഇരുവരുടെയും പ്രണയം ഒരു സിനിമാക്കഥ പോലെയാണ് തുടങ്ങുന്നത്. ഇരുവരും അയല്‍വാസികളായിരുന്നു. പല ദിവസങ്ങളിലും ജനാലയിലൂടെ മണിക്കൂറോളം പരസ്പരം നോക്കി നില്‍ക്കുമായിരുന്നു. ഒടുവില്‍ ആമിര്‍ ഖാന്‍ പ്രണയം പറഞ്ഞെങ്കിലും റീന അത് നിരസിച്ചു. പല തവണ ആമിര്‍ പ്രണയം പറഞ്ഞെങ്കിലും എല്ലായിപ്പോഴും റീനയുടെ മറുപടി നോ എന്ന് തന്നെയായിരുന്നു. പിന്നെ രണ്ട് ദിവസത്തിന് ശേഷം അവള്‍ എന്നെ കണ്ടപ്പോഴും അതിലൊരു മാറ്റമില്ലെന്ന് പറഞ്ഞു.

ഇതോടെ എന്റെ ഹൃദയം തകര്‍ന്ന് പോയി. ഞാന്‍ ആ ജനാലയിലേക്ക് പിന്നെ പോയില്ല. അവളെ വേണ്ടെന്ന് വെക്കാനും അവിടെ നിന്ന് പോകാനും ആഗ്രഹിച്ചു. തന്റെ സ്‌നേഹം എങ്ങനെ എങ്കിലും അറിയിക്കാന്‍ വേണ്ടി സ്വന്തം രക്തം കൊണ്ട് ലവ് ലെറ്റര്‍ എഴുതി റീനയ്ക്ക് കൊടുത്തിരുന്നു. എന്നിട്ടും റീന അതില്‍ വീണില്ല. വീണ്ടും ഇത് ആവര്‍ത്തിക്കരുതെന്ന മറുപടിയാണ് ആമിറിന് ലഭിച്ചത്. പ്രണയകഥ ഇങ്ങനെ ആണെങ്കിലും ആമിറിന്റെ സ്‌നേഹം റീന മനസിലാക്കി. അങ്ങനെ 1986 ഏപ്രില്‍ പതിനെട്ടിന് ഇരുവരും വിവാഹിതരായി.

പതിനാറ് വര്‍ഷത്തോളം ഭാര്യ, ഭര്‍ത്താക്കന്മാരായി ജീവിച്ച ഇരുവരും 2002 ലാണ് വിവാഹമോചിതരാവുന്നത്. ഈ ബന്ധത്തില്‍ രണ്ട് മക്കളുമുണ്ട്. മക്കള്‍ക്ക് വേണ്ടി ഇരുവരും ഒരുമിക്കാറുണ്ടായിരുന്നു. മുന്‍പ് റീനയ്‌ക്കൊപ്പം പിറന്നാള്‍ ആഘോഷം നടത്തിയ ചിത്രങ്ങള്‍ ഇന്റര്‍നെറ്റില്‍ വൈറലായിരുന്നു. റീനയുടെ ബന്ധത്തില്‍ സംഭവിച്ചത് പോലെ തന്നെ പതിനാറ് വര്‍ഷങ്ങളുടെ ദാമ്പത്യത്തിന് ശേഷമാണ് ആമിര്‍ രണ്ടാമതും വിവാഹമോചിതനാവുന്നത്. രണ്ട് വിവാഹങ്ങളും ഒരേ കാലഘട്ടം പൂര്‍ത്തിയാക്കിയ ഉടന്‍ അവസാനിച്ചതിനെ കുറിച്ച് ചര്‍ച്ച ചെയ്യുകയാണ് ആരാധകര്‍.

റീനയുമായി വേര്‍പിരിഞ്ഞതിന് ശേഷമാണ് സംവിധായകയും എഴുത്തുകാരിയുമായ കിരണ്‍ റാവുവും ആമിറും പ്രണയത്തിലാവുന്നത്. രണ്ട് മൂന്ന് വര്‍ഷത്തെ പ്രണയത്തിന് ശേഷം 2005 ഡിസംബറില്‍ ഇരുവരും വിവാഹിതരായി. ആസാദ് റാവു ഖാന്‍ എന്നൊരു മകനും ഈ ബന്ധത്തിലുണ്ട്. ഇവിടെയും പതിനാറ് വര്‍ഷം നീണ്ട ദാമ്പത്യമാണ് ആമിര്‍ അവസാനിപ്പിക്കുന്നത്. രണ്ട് ബന്ധങ്ങളിലും സമാനത ആവര്‍ത്തിച്ചതിന്റെ അതിശയത്തിലാണ് ആരാധകര്‍.

Recommended Video

15 വർഷത്തെ ദാമ്പത്യ ജീവിതത്തിന് വിരാമമിട്ട് Aamir Khan and Kiran Rao | FilmiBeat Malayalam

അതേ സമയം ഭാര്യ-ഭര്‍ത്താവ് എന്നീ റോളുകള്‍ വേണ്ടെന്ന് വെച്ചെങ്കിലും ഇവിടം കൊണ്ട് ഒന്നും അവസാനിക്കുന്നില്ലെന്നാണ് താരങ്ങള്‍ പറയുന്നത്. മകന്‍ ആസാദിന് നല്ല മാതാപിതാക്കളായി എന്നും ഉണ്ടാവും. അതുപോലെ സിനിമയിലും മറ്റ് പ്രോജ്കടുകളിലും ഞങ്ങള്‍ ഒരുമിച്ച് പ്രവര്‍ത്തിക്കുമെന്നും പുറത്ത് വിട്ട പ്രസ്താവനയില്‍ അറിയിച്ചിരുന്നു.