ഹോർമോൺ കുത്തിവെപ്പ് ഉണ്ടായിരുന്നു; 37ാം വയസ്സിൽ ​അമ്മയായതിനെക്കുറിച്ച് സോനം കപൂർ

Recommended Video

37ാം വയസ്സിൽ ​അമ്മയായതിനെക്കുറിച്ച് സോനം കപൂർ

സോനം കപൂറിന്റെ ആദ്യത്തെ കുഞ്ഞാണിത്. 37ാം വയസ്സിലാണ് സോനം കുഞ്ഞിന് നൽകുന്നത്. ഈ പ്രായത്തിൽ അമ്മയാവുമ്പോൾ എടുത്ത മുൻകരുതലുകളെ പറ്റിയും ​ഗർഭകാലത്തെ അനുഭവങ്ങളും സോനം അടുത്തിടെ സംസാരിച്ചിരുന്നു. ലണ്ടനിൽ ഭർത്താവിനൊപ്പം കഴിയുകയായിരുന്നു സോനം . ക്രിസ്മസ് ദിനത്തിലാണ് സോനം ​ഗർഭിണിയാവുന്നത്'

'ഭർത്താവ് ആനന്ദ് അഹുജ അന്ന് കൊവിഡ് പിടിപെട്ട് തൊട്ടടുത്ത മുറിയിൽ ഐസൊലേഷനിലായിരുന്നു. ഭർത്താവിനെ ഈ സന്തോഷ വാർത്ത അറിയിക്കാൻ ഉടനെ വീഡിയോ കോൾ ചെയ്തു. പിന്നീട് മാതാപിതാക്കളെയും ഈ വിവരം അറിയിച്ചെന്നും സോനം വ്യക്തമാക്കി. വോ​ഗിനോടാണ് നടിയുടെ പ്രതികരണം

'​ഗർഭിണിയായ സമയത്ത് ലണ്ടനിൽ കൊവിഡ് കേസുകൾ തുടരെ റിപ്പോർട്ട് ചെയ്തു കൊണ്ടിരിക്കുകയായിരുന്നു. ഒരുവേള എനിക്കും പനി വന്നു. ഭയപ്പെട്ടു പോയ ഞാൻ ഉടനെ ​ഗർഭിണിയായിരിക്കെ കൊവിഡ് വന്നാൽ എന്ത് ചെയ്യുമെന്ന് ​ഗൂ​ഗിൾ ചെയ്തു.

'എന്റെ വയറിലും തുടയിലും പ്രൊ​ഗെസ്റ്റെറോൺ ഷോട്ടുകൾ കുത്തിവെക്കുന്നുണ്ടായിരുന്നു. ശരിക്കും പറഞ്ഞാൽ ശരീരത്തിൽ എല്ലായിടത്തും. കാരണം അമ്മയാവുന്നതിനുള്ള എന്റെ പ്രായം കഴിഞ്ഞിരുന്നു. 32 ന് ശേഷം ​ഗർഭിണിയാവുന്ന സ്ത്രീകളെക്കുറിച്ച് എല്ലാവർക്കും ടെൻഷൻ ആണ്'

'അത് ചെയ്യരുത്, ഇത് ചെയ്യരുത് എന്ന് പറയും. ​ഗർഭകാല പ്രമേഹവും മറ്റും വരുമെന്ന് പറയും. പക്ഷെ ഞാൻ എനിക്കിപ്പോഴും യുവത്വം തോന്നുന്നു. എനിക്ക് എന്റെ അച്ഛന്റെ ജീനാണ് ( അനിൽ കപൂർ). ഞാനിപ്പോഴും ചെറുപ്പമാണ് കാണാൻ. കുഴപ്പമാെന്നും ഉണ്ടാവില്ലെന്ന് പറഞ്ഞു സോനം കപൂർ പറഞ്ഞതിങ്ങനെ'

അതേസമയം ​ഗർഭിണിയായ ആദ്യ മൂന്ന് മാസക്കാലം തനിക്കുണ്ടായ ശാരീരിക ബുദ്ധിമുട്ടുകളെ പറ്റി സോനം നേരത്തെ തുറന്നു പറഞ്ഞിരുന്നു. ഉറക്കത്തിന്റെ സമയക്രമം തെറ്റും. അർധ രാത്രിയായിരിക്കും ബാത്ത് റൂമിൽ പോവേണ്ടി വരിക. എല്ലാ ദിവസവും ശരീരത്തിൽ മാറ്റം വന്നു കൊണ്ടിരിക്കുമെന്നും സോനം പറഞ്ഞു.

പക്ഷെ ഈ മാറ്റങ്ങൾ ഉള്ളപ്പോൾ തന്നെ മുമ്പത്തേക്കാളധികം തന്റെ ശരീരത്തെ താൻ സ്നേഹിക്കുന്നെന്നും സോനം അന്ന് പറഞ്ഞു. 2018 ലാണ് സോനം കപൂറും ആനന്ദ് അഹുജയും വിവാഹിതരായത്. ഏറെനാളത്തെ പ്രണയത്തിന് ശേഷമായിരുന്നു വിവാഹം. വിവാഹ ശേഷം ഭർത്താവിനൊപ്പം ലണ്ടനിലേക്ക് സോനം താമസം മാറി.