വിവാഹത്തിന് ഒരുമിച്ച് ആടിപ്പാടി!! ഇപ്പോൾ സോനവും കരീനയും ശത്രുതയിൽ? തുറന്ന് പറഞ്ഞ് താരം...

പ്രശ്നം ഉണ്ടാകേണ്ട കാരണം

ഞാനും ബോബേ( കരീന) റിയ( സോനത്തിന്റെ സഹോദരി) ലോലോ( കരീഷ്മ)യും ഉൾപ്പെടെന്ന ഒരു വാട്സ് ആപ്പ് ഗ്രൂപ്പ് ഉണ്ട്. കപൂർ ഗോൾഡ് എന്നാണ് ഗ്രൂപ്പിന്റെ പേര് . അതിൽ തങ്ങളുടെ ബാല്യകാല ചിത്രങ്ങൾ പങ്കുവെയ്ക്കുകയും വിശേഷങ്ങൾ ഷെയർ ചെയ്യുകയും ചെയ്യുന്നുണ്ട്. ഞങ്ങളെ സംബന്ധിച്ചടത്തോളം അത് വലിയ സന്തോഷം തരുന്ന കാര്യമാണ്. അതിനാൽ തന്നെ ഞങ്ങൾ തമ്മിൽ വഴക്കും പ്രശ്നങ്ങളും ഉണ്ടാകേണ്ട സാഹചര്യം ഇപ്പോൾ ഇല്ലെന്നും സോനം പറഞ്ഞു.

15 വർഷത്തെ സൗഹൃദം

താനം കരീനയും തമ്മിൽ 15 വർഷത്തെ സൗഹൃദമുണ്ട് . അതിനാൽ തന്നെ ഇത്തരത്തിൽ പ്രചരിക്കുന്ന പാപ്പരാസി വാർത്തകൾ തങ്ങളെ ഒരു തരത്തിലും ബാധിക്കുകയില്ല. കപൂർ കുടുംബത്തിലെ മൂന്നാം തലമുറക്കാരാണ് ഞങ്ങൾ. ഇപ്പോൾ തങ്ങൾ ജീവിതത്തിൽ സുരക്ഷിതമായിരിക്കുകയാണ്. കരിയറിൽ ശക്തമായ സ്ത്രീകഥാപാത്രങ്ങൾ തങ്ങൾ രണ്ടാളും ചെയ്തിട്ടുണ്ട്. കൂടാതെ തങ്ങൾ രണ്ടാളും നല്ല സന്തോഷത്തിലാണ്. അതിനുള്ള ഒരു വ്യക്തമായ ഉദാഹരണമാണ് വിരേ ദി വെഡ്ഡിങ്ങിന്റെ ട്രെയിലർ എന്നു സേനം കൂട്ടിച്ചേർത്തു

സോനത്തിന്റെ വിവാഹത്തിന്

സോനത്തിന്റെ വിവാഹത്തിന്റെ മറ്റൊരു ഹൈലറ്റ് കപൂർ സഹോദരിമാരായിരുന്നു. തങ്ങളുടെ പ്രിയപ്പെട്ട സഹോദരിയുടെ വിവാഹത്തിന് നിറസന്നിധ്യമായിരുന്നു കരീനയും കരീഷ്മയും. തങ്ങളുടെ പ്രിയപ്പെട്ട അനുജത്തിയുടെ വിവാഹം തകർക്കുകയായിരുന്നു. മെഹന്തിയ്ക്കും പിന്നീടുളള വിവാഹത്തിനു അതിന്റെ സൽക്കാര ചടങ്ങിനുമെല്ലാം ഏറ്വും മുന്നിൽ തന്നെ ഇവർ ഉണ്ടായിരുന്നു. ഇവരുടെ ചിത്രങ്ങളും വീഡിയോയുമെല്ലാം സമൂഹ മാധ്യമങ്ങളിൽ വൈറലാണ്. കരീന കുടുംബ സമേധമായിരുന്നു വിവാഹത്തിനെത്തിയത്. ഭർത്താവും നടനുമായ സെയ്ഫ് അലിഖാനും മകൻ തൈമൂറിനൊപ്പമാണ് എത്തിയത്. കരീഷ്മ സഹോദരിയ്ക്കും കുടുംബത്തിനുമെപ്പമായിരുന്നു.

വിരേ ദി വെഡ്ഡിങ്ങ്

സോനം - കരീന ആരാധകർ ആകാംക്ഷയോടെ കാത്തിരിക്കുന്ന ഒരു ചിത്രമാണ് വിരേ ദി വെഡ്ഡിങ്ങ്. ഇവരെ കൂടാതെ സ്വര ഭാസ്കരും ശിഖയും ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നുണ്ട്. സോനത്തിന്റ സഹോദരി റിയ കപൂറും എക്ത കപൂറുമാണ് ചിത്രത്തിന്റെ നിർമ്മാതാക്കൾ. ശശാങ്ക ഘോഷ് സംവിധാനം ചെയ്യുന്ന ചിത്രം ജൂൺ 1 നാണ് തിയേറ്ററുകളിൽ എത്തുക. ഈ ചിത്രത്തെ ചുറ്റിപ്പറ്റിയാണ് വിവാദങ്ങൾ തലപൊക്കിയത്.. സിനിമയുടെ ചിത്രീകരണം മുതലാണ് ഇവർ തമ്മിൽ പ്രശ്നങ്ങൾ ഉടലെടുത്തത്രേ. എന്നാൽ പ്രചരിക്കുന്നത് നട്ടാൽ കുരുക്കാത്ത നുണകളാണെന്നാണ് സോനം വ്യക്തമാക്കുന്നത്.