കുഞ്ഞ് വയറ്റിലുണ്ടെന്ന് അറിയാതെ ഒത്തിരി സിഗററ്റ് വലിച്ചു; ആലിയയെ ഗര്‍ഭിണിയായ സമയത്തെ കുറിച്ച് സോണി റസ്ദാന്‍

സോണിയുടെ ഭര്‍ത്താവായ മഹേഷ് ഭട്ടാണ് ഗുമ്ര എന്ന ചിത്രം സംവിധാനം ചെയ്യുന്നത്. ചിത്രത്തില്‍ ശ്രീദേവിയും സഞ്ജയ് ദത്തുമായിരുന്നു പ്രധാന കഥാപാത്രങ്ങളെ അവതരിപ്പിച്ചത്. സിനിമയെ കുറിച്ച് സോഷ്യല്‍ മീഡിയയിലൂടെ പ്രചരിച്ച പോസ്റ്റിന് പങ്കുവെച്ച് കൊണ്ടാണ് തന്റെ അനുഭവങ്ങളും മുന്‍പൊരിക്കല്‍ സോണി ട്വിറ്ററിലൂടെ കുറിച്ചത്. അതില്‍ ആലിയയെ ഗര്‍ഭിണിയായിരിക്കുമ്പോള്‍ താന്‍ ഒത്തിരി സിഗററ്റ് വലിച്ചുവെന്നും നടി പറയുന്നുണ്ട്.

'എന്റെ പ്രിയപ്പെട്ട സിനിമകളില്‍ ഒന്നാണിത്. എനിക്ക് വളരെയധികം അഭിനന്ദനം ലഭിച്ച വേഷം. ആ സമയത്ത് ഞാന്‍ ആലിയ എന്റെ വയറ്റിലുണ്ട്. അതുവരെ ഞാന്‍ ഗര്‍ഭിണിയാണെന്ന് എനിക്ക് തന്നെ അറിയില്ലായിരുന്നു. മാത്രമല്ല സിനിമയിലെ ഒരു സീനില്‍ ഞാന്‍ ഒരുപാട് സിഗററ്റ് വലിക്കുന്നതായി അഭിനയിച്ചിരുന്നു' എന്നുമാണ് സോണി റസ്ദാന്‍ പറഞ്ഞത്. അങ്ങനെ സിനിമയില്‍ സോണിയുടെ പ്രധാനപ്പെട്ട രംഗങ്ങളൊക്കെ ചിത്രീകരിച്ചതിന് ശേഷമാണ് വയറ്റിലൊരാള്‍ വളരുന്നുണ്ടെന്ന കാര്യം അറിയുന്നത്.

ശ്രീദേവിയുടെ കൂടെയുള്ള അഭിനയ ജീവിതത്തെ കുറിച്ചും നടി സൂചിപ്പിച്ചിരുന്നു. 'അവിശ്വസനീയായ ശ്രീദേവിയോടൊപ്പം അഭിനയിക്കാന്‍ കഴിഞ്ഞതില്‍ വളരെയധികം സന്തോഷമുണ്ട്. വളരെ പ്രിയപ്പെട്ട ഓര്‍മ്മകളാണ് അതെന്ന്' സോണി കൂട്ടിച്ചേര്‍ത്തു. 1993 ഓഗസ്റ്റ് മൂന്നിനാണ് 'ഗുമ്ര' റിലീസ് ചെയ്യുന്നത്. അതിനും ഏറെ മുന്‍പ് മാര്‍ച്ച് മാസത്തില്‍ ആലിയ ജനിച്ചു. ഗര്‍ഭിണിയാണെന്ന് അറിയാതെ ചില മണ്ടത്തരം കാണിച്ചെങ്കിലും അതൊന്നും വയറ്റിലുണ്ടായിരുന്ന കുഞ്ഞിനെ ബാധിച്ചില്ല.

വര്‍ഷങ്ങള്‍ക്കിപ്പുറം സോണിയുടെ മകള്‍ ആലിയ ഭട്ടും അമ്മയാവാന്‍ ഒരുങ്ങുകയാണ്. നടന്‍ രണ്‍ബീറുമായിട്ടുള്ള വിവാഹം കഴിഞ്ഞ് ആദ്യ മാസത്തില്‍ തന്നെ ആലിയ ഗര്‍ഭിണിയായി. ആദ്യകണ്മണി വൈകാതെ വരുമെന്ന് നടി തന്നെയാണ് പുറംലോകത്തെ അറിയിച്ചത്. ഇപ്പോള്‍ നിറവയറില്‍ പൊതുപരിപാടികളിലൊക്കെ പങ്കെടുത്ത് കൊണ്ടിരിക്കുകയാണ് താരപുത്രി. വൈകാതെ താരകുടുംബത്തിലേക്ക് പുതിയൊരു അംഗം കൂടി എത്തുന്നതിന്റെ ആവേശത്തിലാണ് ആരാധകരും.