ഷാഹിദിന്റെ മൂന്നാമത്തെ കുഞ്ഞ്? കരീന വീണ്ടും അമ്മയാകുമ്പോൾ ഭാര്യ മിറയോട് ചോദ്യങ്ങളുമായി ആരാധകർ

ഒരു കാലത്തെ ബോളിവുഡിലെ റൊമാന്റിക് ജോഡിയായിരുന്നു നടി കരീന കപൂർ ഖാനും ഷാഹിദ് കപൂറും. ഇവരുടെ പ്രണയം ഗോസിപ്പ് കോളങ്ങൾ ആഘോഷമാക്കിയിരുന്നു. എന്നാൽ ഇവർ വേർപിരിയുകയായിരുന്നു. പ്രേക്ഷകരുടെ പ്രിയപ്പെട്ട താരജോഡികളായിരുന്നു ഇവർ. കരീനയുമായുളള ബ്രേക്കപ്പ് തന്നെ തളർത്തിയിരുന്നു എന്ന് ഷാഹിദ് കപൂർ തുറന്നു പറഞ്ഞിരുന്നു. കരീന അമ്മയാകാൻ തയ്യാറെടുക്കുന്നതിന് പിന്നാലെയാണ് മിറയോട് ഇതേ ചോദ്യം അവർത്തിച്ച് പ്രേക്ഷകർ രംഗത്തെത്തിയത്.

സോഷ്യൽ മീഡിയയിൽ സജീവമാണ് മിറ രജ്പുത്ത്. തങ്ങളുടെ ചെറിയ വിശേഷങ്ങളും സന്തോഷങ്ങളും പങ്കുവെച്ച് താരപത്നി രംഗത്തെത്താറുണ്ട് .2016 ൽ ആയിരുന്നു ഷാഹിദ്-മിറ വിവാഹം. ഇവർക്ക് മിഷ, സെയ്ൻ കപൂർ എന്നിങ്ങനെ രണ്ട് മക്കളുണ്ട്. മികച്ച അഭിനേതാവ് മാത്രമല്ല നല്ലെരു കുടുംബനാഥനും കൂടിയാണ് ഷാഹിദ് സിനിമയിലെ തിരക്കുകൾക്കിടയിലും മിറക്കും മക്കൾക്കുമൊപ്പം സമയം ചെലവഴിക്കാറുണ്ട്.

Recommended Video

Sandra Thomas Exclusive Interview | FilmiBeat Malayalam

ഇൻസ്റ്റഗ്രാമിൽ ക്യൂഎ സെക്ഷനിൽ എത്തിയപ്പോഴാണ് മിറയോട് മൂന്നാമത്തെ കുഞ്ഞിനെ കുറിച്ച് ആരാധകൻ ആരാഞ്ഞത്. ഇതിന് താരപത്നി നൽകിയ ഉത്തരം ബോളിവുഡ് കോളങ്ങളിൽ വൈറലാവുകയാണ്. നാം രണ്ട് നമുക്ക് രണ്ട് എന്നാണ് മിറ മറുപടി നൽകിയത്. ചിരിക്കുന്ന ഇമോജിയോടെയായിരുന്നു താരപത്നിയുടെ മറുപടി. അപ്രതീക്ഷിതമായി ലഭിച്ച അവധിക്കാലം ഭാര്യക്കും മക്കൾക്കുമൊപ്പം ആഘോഷമാക്കുകയാണ് ഷാഹിദ് കപൂർ. ഇപ്പോൾ ഭാര്യക്കും മക്കൾക്കുമൊപ്പം പഞ്ചാബിൽ ക്വാറന്റൈനിൽ കഴിയുകയാണ് താരം.

മിറക്കും മക്കൾക്കുമൊപ്പം കുടുതൽ സമയം ചെലവഴിക്കാൻ കഴിഞ്ഞതിന്റെ സന്തോഷത്തിലാണ് ഷാഹിദ് കപൂർ. പാചകം ചെയ്യുന്നതിന്റേയും മറ്റും വീഡിയോകൾ മിറ സമൂഹമാധ്യമങ്ങളിൽ പങ്കുവെയ്ക്കാറുണ്ട്. പ്രത്യേകിച്ച് ഷാഹിദിന്റെ രസകരമായ വീഡിയോകളാണ് മിറ പങ്കുവെയ്ക്കാറുള്ളത്. ഭാര്യയെ ശല്യപ്പെടുത്തുന്ന വീഡിയേകൾ ഷാഹിദും പങ്കുവെയ്ക്കാറുണ്ട്. ഇവയെല്ലാം സോഷ്യൽ മീഡിയയിൽ വൈറലാണ്.