ശ്രീദേവിയുടെ മരണത്തിലെ ദുരൂഹത നീങ്ങുന്നില്ല, താരം മദ്യപിക്കാറില്ലെന്ന് കുടുംബസുഹൃത്ത്!

ദുരൂഹത തുടരുന്നു

ശ്രീദേവിയുടെ മരണവുമായി ബന്ധപ്പെട്ടുള്ള ദുരൂഹത ഇപ്പോഴും തുടരുകയാണ്. മരണകാരണത്തെക്കുറിച്ചും മൃതദേഹം ഇന്ത്യയിലേക്ക് എത്തിക്കുന്നതിനെക്കുറിച്ചുമുള്ള റിപ്പോര്‍ട്ടുകളാണ് ഇപ്പോള്‍ പ്രചരിക്കുന്നത്.

രക്തത്തില്‍ മദ്യത്തിന്റെ അംശം

ബാത്ത്ടബ്ബില്‍ വീണ നിലയിലായിരുന്നു ശ്രീദേവിയുടെ മൃതദേഹം കണ്ടെത്തിയതെന്ന് ഹോട്ടല്‍ ജീവനക്കാരന്‍ മൊഴി നല്‍കിയിരുന്നു. രക്തത്തില്‍ മദ്യത്തിന്റെ അംശമുണ്ടായിരുന്നുവെന്ന റിപ്പോര്‍ട്ട് പുറത്തുവന്നതോടെയാണ് മരണത്തിന് പിന്നിലെ കാരണത്തെക്കുറിച്ച് പുതിയ സംശയം ഉയര്‍ന്നുവന്നത്.

വിശ്വസിക്കാന്‍ കഴിയുന്നില്ല

ശ്രീദേവിയോടും കുടുംബത്തിനോടും വളരെ അടുത്ത ബന്ധം പുലര്‍ത്തുന്ന തനിക്ക് ഇക്കാര്യത്തെക്കുറിച്ച് വിശ്വസിക്കാന്‍ കഴിയില്ല, അവര്‍ മദ്യപിക്കില്ലെന്നാണ് അമര്‍ സിംഗ് വ്യക്തമാക്കിയിട്ടുള്ളത്.

വൈന്‍ കഴിക്കാറുണ്ട്

ശ്രീദേവി മദ്യം കഴിക്കാറില്ല. പൊതുപരിപാടികളിലും മറ്റും പങ്കെടുക്കുമ്പോള്‍ അവര്‍ വൈന്‍ കഴിക്കാറുണ്ടെന്നും അമര്‍ സിംഗ് വ്യക്തമാക്കുന്നു. ദേശീയ മാധ്യമത്തിന് നല്‍കിയ അഭിമുഖത്തിനിടയിലാണ് അദ്ദേഹം ഇക്കാര്യത്തെക്കുറിച്ച് വിശദീകരിച്ചത്.

ബോണി കപൂര്‍ വിളിച്ചിരുന്നു

ശ്രീദേവി ഇനിയില്ലെന്ന കാര്യത്തെക്കുറിച്ച് അറിയിക്കാനായി ബോണി കപൂര്‍ വിളിച്ചിരുന്നു. അന്ന് രാത്രി അദ്ദേഹം ആദ്യം വിളിച്ചത് തന്നെയായിരിക്കുമെന്നും അദ്ദേഹം പറയുന്നു. എന്നാല്‍ കുടുതലൊന്നും അദ്ദേഹത്തോട് സംസാരിച്ചിരുന്നില്ല.

വല്ലാത്തൊരവസ്ഥയിലാണ്

ഭയാനകമായ അവസ്ഥയിലൂടെയാണ് കടന്നുപോവുന്നത്. ഇപ്പോള്‍ അനുഭവിക്കുന്ന അവസ്ഥയെക്കുറിച്ച് വിവരിക്കാന്‍ വാക്കുകളില്ലെന്നും അമര്‍സിംഗ് പറയുന്നു.

പോസ്റ്റ്‌മോര്‍ട്ടം റിപ്പോര്‍ട്ട് പ്രകാരം

ഹൃദയാഘാതത്തെ തുടര്‍ന്ന് ബാത്ത്ടബ്ബില്‍ വീണാണ് ശ്രീദേവി മരിച്ചെതന്നുള്ള റിപ്പോര്‍ട്ടുകളായിരുന്നു നേരത്തെ പുറത്തുവന്നത്. താരത്തിന്റെ തലയ്ക്ക് പിന്നില്‍ മുറിവുണ്ടായിരുന്നുവെന്നും വ്യക്തതയ്ക്കായി വീണ്ടും പോസ്റ്റ്‌മോര്‍ട്ടം ചെയ്യുമെന്നുമുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.