പ്രാങ്ക് വീഡിയോ!!! ആരാധരെ പൊട്ടന്മാരാക്കി ഷാരുഖ്... കണക്ക് പറഞ്ഞ് കാശും വാങ്ങി, കോടികള്‍???

ആസൂത്രിതം

തികച്ചും അപ്രതീക്ഷിതം എന്ന തോന്നിപ്പിക്കുന്ന തരത്തിലുള്ള സംഭവ വികാസങ്ങളായിരുന്നു വീഡിയോയില്‍ അരങ്ങേറിയത്. മണല്‍പ്പരപ്പില്‍ സംഭവിക്കാന്‍ പോകുന്ന കാര്യങ്ങളേക്കുറിച്ച് ഷാരുഖ് ഖാന്‍ സംഘാടകര്‍ വ്യക്തമായ ധാരണ നല്‍കി. പിന്നീട് അവിടെ നടന്നതെല്ലാം കിംഗ് ഖാന്റെ തകര്‍പ്പന്‍ പ്രകടനം മാത്രമായിരുന്നത്രേ.

വീഡിയോയില്‍ സംഭവിച്ചത്

ഒരു ഈജിപ്ഷ്യന്‍ പരിപാടിക്കിടെയായിരുന്നു സംഭവം. സെലിബ്രിറ്റികളെ പറ്റിക്കുന്ന ഈ പരിപാടിയില്‍ വച്ച് ഷാരുഖ് ഖാന്‍ ഇറങ്ങിപ്പോകുന്നതും ദേഷ്യം നിയന്ത്രിക്കാനാകാതെ അവതാരകനെ തല്ലാനൊരുങ്ങുന്നതുമായിരുന്നു വീഡിയോയിലുണ്ടായിരുന്നത്. വീഡിയോ സോഷ്യല്‍ മീഡിയയില്‍ വൈറലായി.

റമീസ് അണ്ടര്‍ഗ്രൗണ്ട്

റമീസ് അണ്ടര്‍ഗ്രൗണ്ട് എന്ന സൂപ്പര്‍ ഹിറ്റ് റിയാലിറ്റി ഷോയിലായിരുന്നു സംഭവം. ഷാരുഖും മറ്റൊരു സ്ത്രീയും മണല്‍ കുഴിയില്‍പെടുന്നതും കൊമോഡോ ഡ്രാഗണ്‍ ആക്രമിക്കാന്‍ വരുന്നതുമായിരുന്നു രംഗം. കൊമോഡോ ഡ്രാഗണായി എത്തിയത് അവതാരകനായ റമീസ് തന്നെയായിരുന്നു.

പരസ്പര ധാരണയോടെ

അവതാരകനായ റമിസും ഷാരുഖ് ഖാനും മുന്‍കൂട്ടി തയാറാക്കിയ തിരക്കഥ പ്രകാരമാണ് ആ വീഡിയോയിലുള്ള രംഗങ്ങള്‍ അരങ്ങേറിയത്. ഷാരുഖ് ദേഷ്യപ്പെട്ട് അഭിനയിക്കുകയായിരുന്നുവെന്ന് ഷാരുഖിന്റെ മാനേജര്‍ പൂജ ദദ്‌ലാനിയും സമ്മതിച്ചു.

പ്രതിഫലം വാങ്ങി

വെറുതേയല്ല പ്രതിഫലം വാങ്ങിയാണ് ഷാരുഖ് ഇതില്‍ അഭിനയിച്ചത്. അറബി പ്രസിദ്ധീകരണമായ അല്‍ ആലം പുറത്ത് വിട്ട വാര്‍ത്ത പ്രകാരം ഇതില്‍ അഭിനയിക്കാന്‍ 2.57 കോടി രൂപ ഷാരുഖിന് നല്‍കിയതായാണ് സൂചന. ഇതുവരം 59 ലക്ഷത്തിലധികം ആളുകള്‍ വീഡിയോ കണ്ടുകഴിഞ്ഞു.