സാറയും സുശാന്തും പ്രണയത്തിലായിരുന്നു,താരപുത്രി ബ്രേക്കപ്പ് ചെയ്യാനുള്ള കാരണം വെളിപ്പെടുത്തി സുഹൃത്ത്

2018 ഡിസംബറിൽ പുറത്തിറങ്ങിയ അഭിഷേക് കപൂർ ചിത്രമായ കേദാർനാഥിലൂടെയായിരുന്നു സാറ അലിഖാന്റെ ബോളിവുഡ് ചുവട്വെയ്പ്പ്. സുശാന്ത് സിങ്ങ് രജ്പുത്തായിരുന്നു സാറയുടെ ആദ്യ നായകൻ. നടിയുടെ ബോളിവുഡ് എൻട്രി വളരെ ശ്രദ്ധിക്കപ്പെട്ടിരുന്നു. ചിത്രം പുറത്തിറങ്ങിയതിന് പിന്നാലെ തന്നെ സാറ , സുശാന്ത് പ്രണയകഥ ബോളിവുഡ് കോളങ്ങളിൽ ഇടംപിടിക്കുകയായിരുന്നു. എന്നാൽ അന്ന് പ്രചരിച്ച കഥ സത്യമായിരുന്നെന്നാണ് സുശാന്തിന്റെ സുഹൃത്ത് സാമുവൽ പറയുന്നത്. കേദാർനാഥ് സിനിമയിലൂടെ ഇരുവരു കൂടുതൽ അടുക്കുകയായിരുന്നു.

Recommended Video

Sushant Singh's biopic will release in OTT platform | FilmiBeat Malayalam

കേദാർനാഥിന്റെ പ്രമോഷൻ സമയത്ത് ഇരുവരും കടുത്ത പ്രണയത്തിലായിരുന്നു എന്നും സുഹൃത്ത് പറയുന്നു. ഇരുവരും പരസ്പരം ബഹുമാനിക്കുകയും ചെയ്തിരുന്നു. നിഷ്കളങ്കമായ ഒരു സ്നേഹമായിരുന്നു ഇവരിൽ കാണാൻ കഴിഞ്ഞത്. അധികമാരിലും ഇത്തരത്തിലുള്ള അടുപ്പം താൻ കണ്ടിട്ടില്ലെന്നും വളരെ അപൂർവ്വമായിരുണെന്നും സമുവൽ ഇൻസ്റ്റഗ്രാമിൽ കുറിച്ചു.

സുശാന്തിന്റെ ജീവിതത്തിലെ എല്ലാവരോടും സാറയ്ക്ക ആത്മാര്‍ത്ഥമായ ബഹുമാനമുണ്ടായിരുന്നു.കുടുംബം, സുഹൃത്തുക്കള്‍, ജോലിക്കാർ എന്നിങ്ങനെ എല്ലാവരോടും. സോഞ്ചിരിയയുടെ പരാജയത്തിന് പിന്നാലെ സുശാന്തുമായി ബന്ധം വേര്‍പ്പെടുത്താനുള്ള സാറയുടെ തീരുമാനം ബോളിവുഡ് മാഫിയയുടെ ഏതെങ്കിലും സമ്മര്‍ദ്ദം മൂലമാണോ എന്ന് ഞാന്‍ അത്ഭുതപ്പെടുന്നു" എന്നാണ് സാമുവല്‍ സോഷ്യല്‍ മീഡിയയില്‍ കുറിച്ചത്.

ഇൻസ്റ്റഗ്രാമിൽ നിന്ന് പരസ്പരം അൺ ഫോളോ ചെയ്തുവെന്ന വാർത്തയ്ക്ക് പിന്നാലെയാണ് സാറ, സുശാന്ത് ബ്രേക്കപ്പ് വാർത്ത പുറം ലോകം അറിഞ്ഞത്. തൊട്ട് പിന്നാലെ തന്നെ താരപുത്രിയുടെ പേരിനോടൊപ്പം യുവതാരം കാർത്തിക് ആര്യന്റെ പേര് ഇടം പിടിക്കുകയായിരുന്നു.സാറ തന്നെ കാർത്തിക്കിനോടുള്ള തന്റെ ക്രഷിനെ കുറിച്ച് വെളിപ്പെടുത്തിയത്. അച്ഛൻ സെയ്ഫ് അലിഖാനോടൊപ്പമെത്തിയ അഭിമുഖത്തി കാർത്തിക്കിനോടുള്ള ക്രഷിനെ കുറിച്ച് സാറ തുറന്ന് പറയുകയും ചെയ്തിരുന്നു ഇതിന് ശേഷം സാറ -കാർത്തിക് ആര്യൻ പേരുകൾ ഗോസിപ്പ് കോളങ്ങിൽ ചർച്ചയാവുകയായിരുന്നു. എന്നാൽ ഇപ്പോൾ ഇവരുടെ ബ്രേക്കപ്പ് വാർത്തകളും ഉയർന്ന് വരുന്നുണ്ട്.