പഠിച്ച ഏറ്റവും വലിയ പാഠം ഇതാണ്, സുസ്മിതയുമായുള്ള ബ്രേക്കപ്പിന് ശേഷം റോഹ്മാൻ, പുതിയ സന്തോഷം....

ഇപ്പോൾ സോഷ്യൽ മീഡിയയിൽ വൈറൽ ആകുന്നത് റോഹ്മാന്റെ ഇൻസ്റ്റഗ്രാം ക്യുഎ സെക്ഷനാണ്. ഈ അടുത്തയിടെ പഠിച്ച പാഠത്തെ കുറിച്ചാണ് താരം പറയുന്നത്. ആരാധകരുടെ ചോദ്യത്തിനായിരുന്നു മറുപടി നൽകിയത്. '' താൻ ഇപ്പോൾ കോവിഡിൽ നിന്ന് സുഖം പ്രാപിച്ചവെന്നും കൂടാതെ അഭിനയത്തിൽ അരങ്ങേറ്റം കുറിച്ചിട്ടുണ്ടെന്നും ആരാധകരുടെ ചോദ്യത്തിന് മറുപടിയായി പറഞ്ഞു. ഈ കൊവിഡിൽ നിന്ന് സുഖം പ്രാപിച്ചപ്പോള്‍ എന്താണ് പഠിച്ചതെന്നും ആരാധകൻ ചോദിക്കുന്നുണ്ട്. "പഠിച്ച ഏറ്റവും വലിയ പാഠം, എത്ര വലിയ പ്രശ്‌നമാണെങ്കിലും, നിങ്ങൾക്ക് ഇച്ഛാശക്തിയുണ്ടെങ്കിൽ, നിങ്ങൾക്കത് സ്വയം നേരിടാം എന്നാണ്''.

റോഹ്മാൻ തന്‌റെ ഏറ്റവും വലിയ ശക്തിയെ കുറിച്ചും പറയുന്നുണ്ട്. '' ഞാൻ എന്നോട് ഒരിക്കലും കള്ളം പറയില്ല. നിങ്ങൾക്കാണ് നിങ്ങളെ ആവശ്യം.''. ഒപ്പം തന്നെ സിനിമ അരങ്ങേറ്റത്തെ കുറിച്ചും പ്രൊജക്ടിനെ കുറിച്ചും പറയുന്നു. ഒരു ആരാധകന്‌റെ ചോദ്യത്തിനായിരുന്നു മറുപടി. '' കൊവിഡ് വരുന്നതിന് തൊട്ട് മുൻപായിരുന്നു ഷൂട്ടിംഗ്. ഇപ്പോൾ പോസ്റ്റ് പ്രൊഡക്ഷനിലാണ്. ഉടൻ തന്നെ വിശദ വിവരം അറിയിക്കാമെന്നായിരുന്നു'' നടന്റെ മറുപടി.'പുതിയ തുടക്കങ്ങൾ' എന്ന ഹാഷ്ടാഗും പങ്കുവെയ്ക്കുന്നുണ്ട്. റോഹ്മാന്റെ വാക്കുകൾ വൈറൽ ആയിട്ടുണ്ട്.

2019ലാണ് സുസ്മിതയും രോഹ്‌മനും പ്രണയത്തിലാവുന്നത്. ഇതിനു പിന്നാലെ ഇരുവരുടെയും പ്രണയം ഗോസിപ്പ് കോളങ്ങളിൽ നിറയാൻ തുടങ്ങി. ഗോസിപ്പുകളോട് സുസ്മിത പ്രതികരിച്ചില്ലെങ്കിലും താരത്തിന്റെ ചില സോഷ്യൽ മീഡിയ പോസ്റ്റുകൾ റോഹ്‌മാനുമായി താൻ പ്രണയത്തിലാണെന്ന് പറയുന്നതായിരുന്നു. ഫാഷൻ മോഡലാണ് റോഹ്മാൻ. ഒരു ഫാഷൻ ഷോയിൽവച്ചാണ് ഇരുവരും പരിചയപ്പെടുന്നത്. അതിനുശേഷം ഇരുവരും നല്ല സുഹൃത്തുക്കളാവുകയും പിന്നീട് പ്രണയത്തിലാവുകയുമായിരുന്നു. മൂന്ന് വർഷത്തെ പ്രണബന്ധമാണ് ഇപ്പോൾ അവസാനിപ്പിച്ചിരിക്കുന്നത്.

Recommended Video

ആള് കൂടിയപ്പോൾ പ്രണവിനെ ഓടിച്ചുവിടുന്ന ചാക്കോച്ചൻ. വീഡിയോ വൈറൽ | FilmiBeat Malayalam

മുൻപ് ഫിലിം കംപാനിയനു നൽകിയ അഭിമുഖത്തിൽ റോഹ്മാനുമായി പ്രണയത്തിലായതിനെ ഖുറിച്ച് സുസ്മിത വെളിപ്പെടുത്തിയിരുന്നു. വിധിയാണ് തങ്ങളെ കൂട്ടി യോജിപ്പിച്ചത് എന്നാണ് അന്ന് നടി പറഞ്ഞത്. 14 വയസിന്റെ വ്യത്യാസമായിരുന്നു ഇരുവരും തമ്മിൽ."തുടക്കത്തിൽ, ചില കാരണങ്ങളാൽ അദ്ദേഹം തന്റെ പ്രായം മറച്ചുവെച്ചു. ഞാൻ അദ്ദേഹത്തോട് ചോദിച്ചുകൊണ്ടേയിരുന്നു, ‘അപ്പോൾ, നിങ്ങൾക്ക് എത്ര വയസ്സായി? നിങ്ങൾ കാഴ്ചയിൽ വളരെ ചെറുപ്പമാണല്ലോ എന്നൊക്കെ. ‘ഊഹിച്ചെടുക്കൂ,' എന്നായിരുന്നു അദ്ദേഹത്തിന്റെ മറുപടി. പിന്നീടാണ് അവന്റെ യഥാർത്ഥ പ്രായം ഞാൻ മനസ്സിലാക്കുന്നത്. ഞങ്ങൾ തിരഞ്ഞെടുത്തതല്ല ഇത്, ഈ ബന്ധം ഞങ്ങളെ തിരഞ്ഞെടുക്കുകയായിരുന്നു, ഇത് വിധിക്കപ്പെട്ടതാണ്, " താരം അഭിമുഖത്തിൽ സുസ്മിത പറഞ്ഞിരുന്നു.