വേർപിരിഞ്ഞിട്ടും അകലാതെ; മുൻകാമുകൻ സുസ്മിതയുടെ കുടുംബത്തിന്റെ പ്രിയങ്കരൻ; ചിത്രങ്ങൾ വൈറൽ

മോഡലിം​ഗിൽ തന്റേതായ ഇടം നേടിയ സുസ്മിതയുടെ ഫാഷൻ അക്കാലത്ത് തരം​ഗം സൃഷ്ടിച്ചു. 47 കാരിയായ സുസ്മിത ഇപ്പോഴും അവിവാഹിത ആണ്. അതേസമയം രണ്ട് പെൺമക്കളുടെ അമ്മയാണ് സുസ്മിത. കരിയറിൽ തിരക്ക് പിടിച്ച കാലത്താണ് സുസ്മിത രണ്ട് കുട്ടികളെ ദത്തെടുക്കുന്നത്.

24ാം വയസ്സിലാണ് ആദ്യ മകൾ റെനിയെ ദത്തെടുക്കുന്നത്. കുറച്ച് വർഷങ്ങൾക്കുള്ളിൽ രണ്ടാമത്തെ മകളെയും ദത്തെടുത്തു. വിവാഹം കഴിക്കാതെയും പ്രസവിക്കാതെയും ഒരു സ്ത്രീക്ക് കുടുംബമുണ്ടാക്കാൻ കഴിയുമെന്ന് സുസ്മിത തെളിയിച്ചു.

Also Read: നയൻതാരയെ പോലെ ആവണം, തലൈവി എന്നൊക്കെ പറയണം; അക്കാര്യം എന്തായാലും നടക്കും!: ഗായത്രി സുരേഷ്

വിവാഹം കഴിച്ചില്ലെങ്കിലും സുസ്മിതയുടെ ജീവിതത്തിൽ കാമുകൻമാർ ഏറെയാണ്. നടൻ രൺദീപ് ഹൂഡ, ഫിലിം മേക്കർ വിക്രം ഭട്ട്, വ്യവസായി ലളിത് മോദി, മോഡൽ റഹ്മാൻ ഷോൾ എന്നിങ്ങനെ നീളുന്നു സുസ്മിതയുടെ കാമുകൻമാരുടെ നിര. ബ്രേക്ക് അപ്പ് ആയാലും സുസ്മിത ഇവരിൽ മിക്കവരുമായും സൗഹൃദം വെക്കാറുണ്ട്.

റഹ്മാൻ ഷോൾ ആണ് ഇതിൽ സുസ്മിതയുടെ അടുത്ത സുഹൃത്തുക്കളിൽ ഒരാൾ. അടുത്തിടെ ബ്രേക്ക് ആയവരാണ് ഇവർ. എന്നാൽ സുസ്മിതയുമായും താരത്തിന്റെ കുടുംബവുമായും അടുത്ത ബന്ധം റൊഹ്മാനുണ്ട്. പ്രണയ കാലത്ത് ഇരുവരും തമ്മിലുള്ള പ്രായ വ്യത്യാസം ഏറെ ചർച്ച ആയിരുന്നു. റൊഹ്മാന്റെ പ്രായം 30 ആണ്. സുസ്മിതയുടെ പ്രായം 47 ഉം.

ഇതാണ് സോഷ്യൽ മീഡിയയിൽ ചർച്ച ആയത്. എന്നാൽ പ്രായ വ്യത്യാസമൊന്നും ഇവരുടെ പ്രണയത്തെ ബാധിച്ചില്ല. ഇരുവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ പങ്കുവെക്കാറുണ്ടായിരുന്നു, പക്ഷെ കുറച്ച് നാളുകൾക്കുള്ളിൽ ഈ പ്രണയ ബന്ധം അവസാനിച്ചു.

സുസ്മിത തന്നെയാണ് സോഷ്യൽ മീഡിയയിലൂടെ ഇക്കാര്യം വ്യക്തമാക്കിയത്. പ്രണയം അവസാനിച്ചു, പക്ഷെ ഇപ്പോഴും സൗഹൃദമുണ്ടെന്നാണ് സുസ്മിത വ്യക്തമാക്കിയത്.

വേർപിരിയലിന് ശേഷവും സുസ്മിതയ്ക്കാെപ്പം റൊഹ്മാനെ കാണാമായിരുന്നു. ഇപ്പോഴിതാ ഇരുവരുടെയും മറ്റൊരു ചിത്രമാണ് ശ്രദ്ധ നേടുന്നത്.
സുസ്മിതയുടെ കസിന്റെ വിവാഹത്തിന് റെഹ്മാനും എത്തിയിരുന്നു. ഇരുവരും ഒരുമിച്ച് ഫോട്ടോയ്ക്ക് നിൽക്കുകയും ചെയ്തു. സുസ്മിത വേദിയിൽ സംസാരിച്ചപ്പോൾ റൊഹ്മാനാണ് വീഡിയോ എടുത്തത്.

സമാനമായി സുസ്മിതയുടെ സഹോദരൻ രാജീവ് സെന്നും ഇദ്ദേഹത്തിന്റെ അകന്ന് കഴിയുന്ന ഭാര്യ ചാരു അശോപയും വിവാഹത്തിന് ഒരുമിച്ചെത്തി. രണ്ട് പേരും ഒരുമിച്ച് ഡാൻസ് ചെയ്യുകയും ചെയ്തു. തങ്ങൾ വേർപിരിയുകയാണെന്ന് രാജീവും ചാരുവും നേരത്തെ പറഞ്ഞിരുന്നു. ഇതിനകം സോഷ്യൽ മീഡിയയിൽ വൈറലാണ് സുസ്മിതയുടെ കുടുംബത്തിന്റെ വിവാഹ ചിത്രങ്ങൾ. സുസ്മിതയുടെ രണ്ട് മക്കളും വിവാഹത്തിൽ താരത്തിനൊപ്പം പങ്കെടുത്തിരുന്നു.