ബോളിവുഡിലെ ഭാവി താരം !!താരസുന്ദരിയുടെ മകൾക്ക് ചുവട് വയ്ക്കാൻ സൂപ്പർ താരത്തിന്റെ പാട്ട്

ഇളയ മകളുടെ ഡാൻസ്

അധികം വാർത്തകളിൽ ഇടം പിടിക്കാത്ത സെലിബ്രിറ്റി കുഞ്ഞുങ്ങളാണ് സുസ്മിതയുടെ മക്കളാണ് റിനിയും അലീഷയും. ഇപ്പോഴിത ഇളയമകളുടെ ഡാൻസ് വീഡിയോ പുറത്തു വിട്ടിരിക്കുകയാണ് നടി. വളരെ സന്തോ‌ഷകരമായ മുഹൂർത്തം എന്നാണ് മകളുടെ ഡാൻസിനെ കുറിച്ച് അമ്മ പറയുന്നത്. ബെസ്റ്റ് ഫ്രണ്ടിനോടൊപ്പമാണ് ആലീഷ ചുവട് വെച്ചത്. അക്ഷയ് കുമാറിന്റെ സൂപ്പർ ഹിറ്റ് പാട്ടിനാണ് അലീഷയും സുഹൃത്തും ചുവട് വെച്ചത്

രണ്ട് പെൺകുഞ്ഞുങ്ങളുടെ അമ്മ

കുഞ്ഞുങ്ങളെ ദത്തെടുക്കുന്ന രക്ഷാകർത്താക്കൾ നേരിടുന്ന ആത്മ സംഘർഷത്തെ കുറിച്ച് താരം വെളിപ്പെടുത്തിയിരുന്നു. കുഞ്ഞുങ്ങളെ ദത്തെടുക്കുന്ന ദമ്പതിമാർ നിരവധി മാനസിക സംഘർഷം നേരിടാറുണ്ട്. അതിലെ പ്രധാന കാരണം , കുട്ടികൾ വലുതാകുമ്പോൾ അവരുടെ ജനനത്തെ കുറിച്ച് എങ്ങനെ പറയും, പറഞ്ഞാൽ ഇവർ തങ്ങളെ ഉപേക്ഷിച്ച് യഥാർഥ മാതാപിതാക്കളെ തേടി പോകുമോ ? എന്നിങ്ങനെ നിരവധി സംശയങ്ങളാണ്. എന്നാൽ തന്റെ ജീവിതത്തിൽ ഇത്തരത്തിലുളള ആശങ്കയോ ഭയമോയില്ലായിരുന്നെന്ന് താരം അഭിമുഖത്തിൽ വെളിപ്പെടുത്തിയിരുന്നു.

മക്കളുടെ മാതാപിതാക്കൾ

മകളോട് ജന്മ രഹസ്യത്തെ കുറിച്ച് താരം വെളിപ്പെടുത്തിയ സംഭവം വാർത്തകളിൽ ഇടം പിടിച്ചിരുന്നു. മൂത്ത മകൾ റിനിയ്ക്ക് 16 വയസ്സായപ്പോഴാണ് ആ സത്യം തുറന്ന് പറഞ്ഞത്. നിനക്കിപ്പോൾ പ്രായപൂർത്തിയായി. ഇനി വേണമെങ്കിൽ നിനക്ക് നിന്റെ സ്വന്തം മാതാപിതാക്കളെ തിരഞ്ഞ് കണ്ടു പിടിക്കാം. ഞാൻ ഒരിക്കലും അതിന് തടസം നിൽക്കില്ല. എന്നാൽ നിനക്ക് ജന്മം നൽകിയവരെ കുറിച്ചുള്ള കാര്യമായ വിവരം തന്റെ പക്കലില്ലെന്നും എന്നാൽ ഒരിക്കൽ പോലും തെറ്റായ വിവരങ്ങൾ നൽകി ചുറ്റിപ്പിക്കില്ലെന്നും താരം പറഞ്ഞിരുന്നു.

മാതാപിതാക്കളെ കണ്ടെത്താം

സ്വന്തം മാതാപിതാക്കളെ തേടി കണ്ടെത്താനുള്ള എല്ലാം അവകാശവും സ്വതന്ത്ര്യവും മകൾക്ക് നൽകിയിട്ടുണ്ട്. അവൾക്ക് വേണമെങ്കിൽ തേടി പോകാമെന്നും എന്നാൽ താൻ ഒരിക്കലും അതിന് നിർബന്ധിക്കില്ലെന്നും മകളോട് തന്നെ താര സുന്ദരി വ്യക്തമാക്കിയിട്ടുണ്ട്. അതിനുളള സ്വാതന്ത്ര്യം ഉണ്ടെന്ന് മാത്രമാണ് പറഞ്ഞത്. സ്വന്തം രക്തത്തിൽ കുഞ്ഞുണ്ടാകുന്നതിൽ എന്താണ് കൗതുകം, നീ എന്റെ ഹൃദയത്തിൽ ജനിച്ച കുട്ടിയാണെന്നും അന്ന് ഞാൻ മകളോട് താരം പറഞ്ഞിരുന്നു. സുസ്മിത തന്നെയാണ് ഇക്കാര്യങ്ങൾ പ്രേക്ഷകരുമായി പങ്കുവെച്ചത്