താന്‍ വിവാഹം കഴിക്കാത്തതിന്റെ കാരണം പ്രമുഖ നടനാണെന്ന് വെളിപ്പെടുത്തി തബു! കാരണം ഇതായിരുന്നു!!!

തബു

ബോളിവുഡിലും തെന്നിന്ത്യയിലുമായി തിളങ്ങി നിന്ന നടിയായിരുന്നു തബു. പതിനഞ്ച് വയസുള്ളപ്പോഴായിരുന്നു തബു ആദ്യമായി സിനിമയിലഭിനയിച്ചിരുന്നത്. ശേഷം നിരവധി സിനിമകളില്‍ നായികയായി തബു അഭിനയിച്ചിരുന്നു.

സിനിമയില്‍ നിന്നും മാറി നിന്നു

ഇടക്കാലത്ത് തബു ഏറെ കാലം സിനിമയില്‍ നിന്നും മാറി നിന്നിരുന്നു. എന്നാല്‍ മലയാള സിനിമ ദൃശ്യത്തിന്റെ ഹിന്ദി പതിപ്പില്‍ തബുവായിരുന്നു ആശാ ശരത്ത് അവതരിപ്പിച്ച ഗീത പ്രഭാകറിന്റെ വേഷത്തിലഭിനയിച്ചത്.

വിവാഹ ജീവിതം

നടി തബു വിവാഹം കഴിക്കാത്തതെന്താണെന്നുള്ള ചോദ്യത്തിന് ഇതുവരെ ഉത്തരം ലഭിച്ചിരുന്നില്ല. എന്നാല്‍ താന്‍ വിവാഹം കഴിക്കാത്തതിന്റെ കാരണം ഇപ്പോള്‍ തബു തന്നെ വെളിപ്പെടുത്തിയിരിക്കുകയാണ്.

അജയ് ദേവഗണ്‍ ആണ് കാരണം

അടുത്തൊരു അഭിമുഖത്തിലാണ് തബു ഇക്കാര്യം തുറന്ന് പറഞ്ഞത്. അജയിയും തബുവിന്റെ കസിനായ സമീർ ആര്യയും ചാരന്മാരെ പോലെയായിരുന്നു. തന്നെ പിന്തുടരുന്ന ആണ്‍ കുട്ടികളെ എല്ലാം ഇരുവരും അടിച്ചോടിക്കുമായിരുന്നു.

പ്രണയിക്കാന്‍ ആരുമില്ലാതെയായി പോയി

തനിക്ക് പ്രണയിക്കാന്‍ ആരുമില്ലാതെയായി പോയത് അജയിന്റെയും സമീറിന്റെയും ഇക്കാര്യം കൊണ്ടായിരുന്നു. അതാണ് ഞാന്‍ വിവാഹം കഴിക്കാത്തതെന്നാണ് തബു പറഞ്ഞത്. എന്നാല്‍ ഇക്കാര്യം നടി തമാശയായിട്ടാണ് പറഞ്ഞിരുന്നത്.

അജയുമായുള്ള സൗഹൃദം

അജയ് ദേവ്ഗണും താനും 25 വർഷം നീണ്ട സൗഹൃദമായിരുന്നെന്നാണ് തബു പറയുന്നത്. തന്റെ വളർച്ചയിലെല്ലാം അജയ് കൂടെയുണ്ടായിരുന്നെന്നും തബു പറയുന്നു.

അജയിയുടെ ഉത്തരവാദിത്വമാണ്

ഇക്കാര്യം ഓർത്ത് അജയിയ്ക്ക് പശ്ചാതാപം ഉണ്ടാവുമെന്നും തന്നെ വിവാഹം കഴിപ്പിക്കുന്നത് ഇനി അജയിയുടെയും ഉത്തരവാദിത്വമാണെന്നാണ് തബു പറയുന്നത്.

ഗോസിപ്പുകള്‍

തെലുങ്കിലെ ഒരു സൂപ്പര്‍സ്റ്റാറുമായി തബു പ്രണയത്തിലായിരുന്നെന്ന് ഗോസിപ്പുകള്‍ പ്രചരിച്ചിരുന്നു. ഈ പ്രണയം തകര്‍ന്നതോടെയാണ് വിവാഹം വേണ്ട എന്ന തീരുമാനത്തിലുടെ തബു ഇത്രയും കാലം ജീവിച്ചതെന്നാണ് വാർത്തകള്‍ വന്നിരുന്നത്.