ഞാൻ ലെസ്ബിയനല്ല!! മദ്യവും മയക്കു മരുന്നും ഉപയോഗിക്കില്ല, രാഖി സാവന്തിനെതിരെ മറുപടിയുമായി തനുശ്രീ

താൻ ലെസ്ബിയനല്ല

രാഖി ഉന്നയിച്ചി ആരോപണങ്ങൾ അടപടലം എതിർത്തുകൊണ്ടായിരുന്നു തനുശ്രീ രംഗത്തെത്തിയത്. രാഖി പറയുന്നത് പച്ചകള്ളമാണ്. പൊള്ളയായ ആരോപണങ്ങളും മുതല കണ്ണീരും കൊണ്ട് ആരും ഓസ്കാർ പുരസ്കാരമെന്നും നേടിയിട്ടില്ല. കൂടാതെ താൻ ഒരിക്കലും മോശമായ ഒരു രീതിയിലും പെരുമാറിയിട്ടില്ലെന്നും തനുശ്രീ വ്യക്തമാക്കുന്നുണ്ട്.

ലെസ്ബിയനോ

തനുശ്രീ ലെസ്ബിയനാണെന്നും മാദ്യവും മയക്കു മരുന്നും ഉപയോഗിക്കുമെന്നും രാഖി ആരോപിച്ചിരുന്നു. എന്നാൽ ഇതെല്ലാം നടി എതിർത്തിട്ടുണ്ട്. താൻ ലെസ്ബിയൻ അല്ലെന്നും മദ്യവും മയക്കുമരുന്നു താൻ ഉപയോഗിക്കാറില്ലെന്നും നടി വ്യക്തമാക്കി. രഖിയുടെ ആരോപണത്തെ തുടർന്ന് 10 കോടി രൂപയ്ക്ക് മാനനഷ്ടക്കേസ് ഫയൽ ചെയ്തിട്ടുണ്ട്.

തന്നെ പീഡിപ്പിച്ചു

നാന പടേക്കറിനെതിരെയുളള തനുശ്രീയുടെ മീടൂ ആരോപണത്തിനു ശേഷമാണ് തനുശ്രിയ്ക്കെതിരെ ലൈംഗികാരോപണവുമായി രാഖി രംഗത്തെത്തിയത്. തനുശ്രീ സ്വവർഗ്ഗ അനുരാഗിയാണെന്നും തന്റെ സ്വകാര്യ ഭാഗങ്ങളിൽ സ്പർശിച്ചുവെന്നും രാഖി തുറന്നടിച്ചു. കൂടാതെ താനുമായുളള സൗഹൃദം മുതലെടുത്തു തനുശ്രീ തന്നെ പലപ്രാവശ്യം ബലാത്സംഗം ചെയ്തുവെന്നും രാഖി പറഞ്ഞിരുന്നു. കൂടാതെ ഒരു ആൺകുട്ടിയെ പോലെയാണ് തനുശ്രീ വീട്ടിനനുളളിൽ പെരുമാറിയിരുന്നതെന്നും രാഖി പറഞ്ഞു.

തനിക്ക് വന്ന ഭീഷണികള്‍

തനുശ്രീയെ കുറ്റപ്പെടുത്തിയതിന് തനിക്ക് നിരന്തരം ഭീഷണികള്‍ വന്നതായും രാഖി സാവന്ത് പറയുന്നു. തന്നെ കൂട്ടമാനഭംഗം ചെയ്യുമെന്നും വധിക്കുമെന്നും പറഞ്ഞൊക്കെ കോളുകള്‍ വന്നിരുന്നു. ഇപ്പോള്‍ തനിക്ക് സുരക്ഷിതത്വമില്ലെന്നും ജീവന് ഭീഷണിയുണ്ടെന്നും രാഖി സാവന്ത് പറയുന്നു. പെണ്ണിന്റെ ശരീരമാണെങ്കിലും ആണിന്റെ മനസാണ് തനുശ്രീക്കെന്നും രാഖി സാവന്ത് ആരോപിച്ചിരുന്നു

രാഖി അപമാനിച്ചു

ഹോൺ ഓക്കെ പ്ലീസ് എന്ന സിനിമയുടെ ലൊക്കേഷനിൽവെച്ചാണ് തനുശ്രീയ്ക്ക് മോശാനുഭവം ഉണ്ടായത്.ഇതിനെ തുടർന്ന് ഇവർ സെറ്റിൽ നിന്ന് ഇറങ്ങി പോകുകയും ചെയ്തിരുന്നു. എന്നാൽ ഈ ഗാനരംഗം രാഖി സാവന്തായിരുന്നു ചെയ്തിരുന്നത്. താന്‍ സെറ്റില്‍ നിന്ന് ഇറങ്ങിപ്പോയപ്പോള്‍ രാഖി തന്നെ അപമാനിച്ചുവെന്നും തനുശ്രീ പറഞ്ഞു. തുടർന്ന് ഇരുവരും തമ്മിൽ വൻ വൻവാക്വാദമുയർന്നിരുന്നു.