'സൗഹൃദം പുതുക്കുന്നതിനിടെ അപ്രതീക്ഷിതമായി ഹൃത്വിക്ക് റോഷനെ ലിപ് ലോക്ക് ചെയ്ത് നടി രേഖ'; സംഭവം ഇങ്ങനെ!

ആദ്യമായി രേഖ അഭിനയിച്ചത് 1966 ൽ തെലുഗു ചിത്രമായ രംഗുല രത്നം എന്നതിലാണ്. നായികയായി അഭിനയിച്ചത് 1969 ൽ കന്നട ചിത്രത്തിലാണ്. 1980കളിൽ അമിതാബ് ബച്ചൻ നായകനായി അഭിനയിച്ച ഒരു പാട് ചിത്രങ്ങളിൽ രേഖ നായികയായിട്ടുണ്ട്. രേഖയുടെ കുട്ടിക്കാലത്ത് ജെമിനി ഗണേശൻ രേഖയെ തന്റെ കുട്ടിയായി അംഗീകരിച്ചിരുന്നില്ല. 1970കളിൽ ചലച്ചിത്ര രംഗത്ത് ഒരു അവസരം തേടുന്ന കാ‍ലത്താണ് രേകയുടെ ഈ അറിയാക്കഥ പുറത്താകുന്നത്. നിരവധി പരിഹാസങ്ങൾ ഏൽക്കേണ്ടി വന്നപ്പോഴും ധൈര്യസമേതം ജീവിതത്തെ മുന്നോട്ട് നയിച്ചാണ് രേഖ ഇന്ന് കാണുന്ന നിലയിലേക്ക് എത്തിയത്. ഒരു കാലത്ത് രേഖ ​ഗോസിപ്പ് കോളങ്ങളിൽ നിറഞ്ഞത് ബോളിവുഡിലെ ​ഗ്രീക്ക് ദേവൻ എന്നറിയപ്പെടുന്ന സൂപ്പർ സ്റ്റൈലിഷ് താരം ഹൃത്വിക്ക് റോഷനെ ലിപ് ലോക്ക് ചെയ്യാൻ ശ്രമിച്ചതിലൂടെയാണ്.

ഹൃത്വിക്ക് റോഷനുമായി വലിയ സൗഹൃദം കാത്തുസൂക്ഷിക്കുന്ന വ്യക്തിയാണ് രേഖ. ഒരു പൊതു ചടങ്ങിൽ വെച്ചാണ് രേഖയെ വിവാ​ദത്തിലാക്കിയ സംഭവം നടന്നത്. രേഖ പങ്കെടുക്കുന്ന ചടങ്ങിൽ ​ഹൃത്വിക്ക് റോഷനിും ക്ഷണം ലഭിച്ചിരുന്നു. ഹൃത്വിക്ക് വേദിക്കരികിലേക്ക് വരുന്നത് ശ്രദ്ധയിൽപ്പെട്ട് അടുത്തേക്ക് ചെന്ന രേഖ ആദ്യം ഹൃത്വിക്കിനെ കെട്ടിപിടിച്ചു. പിന്നാലെയാണ് നെറുകയിലോ കവിളിലോ ചുംബനം നൽകുന്നതിന് പകരം ഹൃത്വിക്കിന്റെ ചുണ്ടിൽ‌ ചുംബനം നൽകാൻ രേഖ ശ്രമിച്ചത്. സംഭവം ചുറ്റും തടിച്ച് കൂടിയിരുന്ന പാപ്പരാസികളുടെ ക്യാമറയിൽ പതിഞ്ഞതോടെ ഇരുവരുടേയും ചുംബന ചിത്രങ്ങൾ കാട്ടുതീപോലെ പടർന്നു. പരിചയമുള്ളവരെ കാണുമ്പോൾ പൊതുവെ കെട്ടിപിടിച്ചും ചുംബനം നൽകിയും തന്നെയണ് രേഖ സ്വീകരിക്കാറുള്ളത്. എന്നാൽ ഹൃത്വിക്ക് വന്നപ്പോൾ മാത്രം എന്തുകൊണ്ട് അങ്ങനെ സംഭവിച്ചുവെന്നതിൽ വ്യക്തതയില്ല.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

രേഖയും ഹൃത്വിക്കും നിരവധി സിനിമകളിൽ ഒരുമിച്ച് പ്രവർത്തിച്ചിട്ടുണ്ട്. 2003ൽ ഹിറ്റ് ചിത്രമായ കോയി മിൽ ഗയയിൽ ഇരുവരും ആദ്യം ഒരുമിച്ച് പ്രവർത്തിച്ചു. തുടർന്ന് 2006ൽ ക്രിഷിലും അഭിനയിച്ചു. കോയി മിൽ ഗയയിൽ രേഖ ഹൃത്വിക്കിന്റെ അമ്മയായിട്ടാണ് അഭിനയിച്ചത്. പിന്നീട് ക്രിഷിൽ അവർ ഹൃത്വിക്കിന്റെ മുത്തശ്ശിയായി അഭിനയിച്ചു. രണ്ട് സിനിമകളും വമ്പൻ ഹിറ്റുകളായിരുന്നു. സെയ്ഫ് അലി ഖാൻ, രാധിക ആപ്‌തെ, രോഹിത് സരഫ് എന്നിവർക്കൊപ്പം വിക്രം വേദ എന്ന ചിത്രമാണ് ഇനി ഹൃത്വിക്കിന്റേതായി റിലീസിന് എത്താനുള്ളത്. വിക്രമായിട്ടാണ് ചിത്രത്തിൽ ഹൃത്വിക്ക് എത്താൻ‌ പോകുന്നത്.