sunny leone: ജീവിതം ആകെ മാറി! കൂടുതൽ മാറ്റം മകൾക്കാണ്, കുഞ്ഞുങ്ങളെ കുറിച്ചു സണ്ണി പറയുന്നതിങ്ങനെ...

ആകെ മാറ്റം

താരത്തിനും ഭർത്താവിനും കുഞ്ഞുങ്ങൾ വേണമെന്നുളള ചിന്ത തുടങ്ങിയിട്ടു കുറച്ചു നാളുകളായിരുന്നു. കുഞ്ഞുങ്ങളുടെ ബഹളവും കളിയും ചിരിയുമുള്ള ഒരു വലിയ വീടായിരുന്നു തങ്ങളുടെ സ്വപ്നം. അതാണിപ്പോൾ സാധ്യമായിരിക്കുന്നത്. കൂട്ടികളുടെ വരവോടെ ജീവിതത്തിൽ ആകെ മാറ്റമാണ് ഉണ്ടായിരിക്കുന്നതെന്നും സണ്ണി പറഞ്ഞു. ഇതാണ് ജീവിതത്തിലെ ഏറ്റവും വലിയ വിജയമെന്ന് വിശ്വസിക്കുന്നതെന്നും താരം പറഞ്ഞു.

മകളുടെ മാറ്റം

കുടുംബത്തിൽ രണ്ടു പേരും കൂടി വന്നപ്പോൾ ഏറ്റവും കൂടുതൽ മാറ്റം മകൾ നിഷയ്ക്കായിരുന്നു. അവൾ ചെറുതാണെങ്കിലും അഷറും നേർവയും സഹോദരങ്ങളാണെന്നു നിഷയ്ക്ക് അറിയാം. അവളുടെ ചേച്ചി സമയലാണ് ഏറെ രസകരമെന്നും താരം പറ‍ഞ്ഞു. കുഞ്ഞുങ്ങളുടെ കാര്യത്തിൽ അവൾ ഏറെ ശ്രദ്ധാലുവാണ്. ചേച്ചിയുടെ സ്ഥാനത്ത് നിന്ന് സഹേദരങ്ങളുടെ കാര്യങ്ങൾ നിഷ ചെയ്യാൻ ശ്രമിക്കാറുണ്ടെന്നും താരം പറ‍ഞ്ഞു.

മാതൃത്വം മാറ്റിയത്

ഏതൊരു ജോലിയായലും അത് ആസ്വദിച്ച് ചെയ്താൽ നമുക്ക് അതിനോട് മടുപ്പ് തോന്നുകയില്ല. മാതൃത്വം ഒരു ജോലിയല്ല. അത് ജീവിതത്തിലെ മനോഹരമായ ഒരു അവസഥയാണ്. കുട്ടികളുടെ കാര്യത്തിലും തനിയ്ക്കും ഭർത്താവിനു നല്ല ഉത്തരവാദിത്തമുണ്ട്. അദ്ദേഹം തൻരെ കടമകൾ നന്നായി നിറവേറ്റുന്നുമുണ്ട്. അതിനാൽ തന്നെ തന്റെ ജോലി സംബന്ധമായ തിരക്ക് കുടുംബത്തിന്റെ കാര്യത്തിൽ അനുഭവപ്പെടാറില്ലെന്നും സണ്ണി പറഞ്ഞു. തിരക്കുകള്‍ക്കിടയില്‍ അമ്മയുടെ കടമകള്‍ എങ്ങനെ ചെയ്യുന്നു എന്ന ചോദ്യത്തിനായിരുന്നു താരം ഇങ്ങനെ മറുപടി പറഞ്ഞത്.

അമ്മയായതിൽ നിരവധി സംശയം

സണ്ണി വീണ്ടും രണ്ടു കുട്ടികളുടെ അമ്മയായി എന്നുള്ള വാർത്ത ആരാധകർക്കിടയിൽ നിരവധി സംശയം ജനിപ്പിച്ചിരുന്നു. താരം ഗർഭം ധരിച്ചോ എന്നുള്ള സംശയം അന്ന് ഉയർന്നു വന്നിരുന്നത്. എന്നാൽ അതിനുള്ള മറുപടി സണ്ണി ലിയോൺ തന്നെ നൽകിയിരുന്നു. വളരെ ചുരുങ്ങിയ സമയം കൊണ്ട് തന്നെ മൂന്ന് മക്കളുടെ അമ്മയാകാൻ സാധിച്ചു. ഏറെ നാളുകളായിട്ടുള്ള ഞങ്ങളുടെ ആഗ്രഹമാണ് ഇപ്പോൾ സഫലമായിരിക്കുന്നത്. കഴിഞ്ഞ കുറച്ചു നാളുകളായി അപൂർണ്ണമായിരുന്ന ഞങ്ങളുടെ കുടുംബം ഇപ്പോൾ പൂർണ്ണമായിരിക്കുന്നുവെന്നും താരം പറഞ്ഞു. ഞങ്ങളുടെ കുട്ടികൾ ജനിച്ചിട്ട് ദിവസങ്ങൾ മാത്രമേ ആയിട്ടുള്ളു എന്നാലും അവർ വർഷങ്ങളായി തങ്ങളുടെ ഹൃദയത്തിൽ ജീവിക്കുന്നുണ്ട്. താനും തന്റെ ഭർത്താവും ഇപ്പോൾ ഏറെ അഭിമാനം കൊള്ളുന്ന നിമിഷത്തിലൂടെയാണ് കടന്നു പോകുന്നത്. മൂന്ന് മാലാഖ കുഞ്ഞുങ്ങളെയാണ് ‍ഞങ്ങൾക്ക് കിട്ടിയതെന്നു സണ്ണി ട്വീറ്റ് ചെയ്തിരുന്നു