'ഇതാണ് ഏറ്റവും നാണംകെട്ട ചോദ്യം'; കാമുകിയെ രക്ഷിക്കാൻ മാധ്യമപ്രവർത്തകരെ ആക്ഷേപിച്ച് രൺബീർ!

സഞ്ജയ് ലീല ബൻസാലി സംവിധാനം ചെയ്ത ഗോലിയോൻ കി രാസലീല രാമലീല എന്ന ചിത്രത്തിന് ശേഷം ദീപിക രൺവീർ സിങുമായി പ്രണയത്തിലായി. 2018 നവംബറിൽ ആണ് ഇവർ വിവാഹിതരായത്. ദീപികയുമായി ഒരിക്കൽ പ്രസ്മീറ്റിൽ പങ്കെടുക്കവെ ദീപികയെ അപമാനിക്കുന്ന തരത്തിലുള്ള ചോദ്യം ചോദിച്ചുവെന്ന് ആരോപിച്ച് രൺബീർ മാധ്യമപ്രവർത്തകരെ ആക്ഷേപിച്ചിരുന്നു. ദീപികയുടെ ഏറ്റവും പ്രശസ്തമായ കഴുത്തിന് പിന്നിലുള്ള ആർകെ ടാറ്റുവിനെ കുറിച്ച് ചോദിച്ചതിന്റെ പേരിലാണ് രൺബീർ മാധ്യമപ്രവർത്തകരോട് ദേഷ്യപ്പെട്ടത്. രൺബീറുമായുള്ള പ്രണയത്തിന്റെ സ്മാരകമായാണ് ദീപിക ആർകെ എന്ന് കഴുത്തിന് പിന്നിൽ ടാറ്റു ചെയ്തത് എന്നാണ് പറയപ്പെടുന്നത്. ദീപികയുമായി പ്രണയത്തിലായിരുന്നപ്പോൾ തന്നെ രൺബീർ കത്രീന കൈഫുമായി ഡൈറ്റിങ് നടത്തിയിരുന്നു.

ഇത് തിരിച്ചറിഞ്ഞ ശേഷമാണ് ദീപിക രൺബീറുമായുള്ള ബന്ധം അവസാനിപ്പിച്ചത്. ഇരുവരും ഇപ്പോൾ സുഹൃത്തുക്കൾ മാത്രമാണ്. 2013ൽ രൺബീർ കപൂറും ദീപിക പദുകോണും അഭിനയിച്ച് റിലീസ് ചെയ്ത റൊമാന്റിക് കോമഡി ചിത്രമായ യേ ജവാനി ഹേ ദീവാനിയുടെ പ്രമോഷന്റെ ഭാ​ഗമായുള്ള പ്രസ്മീറ്റിൽ ‌വെച്ചാണ് അവിടെ കൂടിയ മാധ്യമപ്രവർത്തകർ ദീപികയുടെ കഴുത്തിന് പിന്നിലെ ടാറ്റുവിനെ കുറിച്ച് ചോദിച്ചത്. ഇതോടെ രണ്ട് അഭിനേതാക്കളും അവരുടെ വ്യക്തിപരമായ കാര്യങ്ങൾ ഉൾപ്പെടുന്ന ചോദ്യമാണെന്ന് പറഞ്ഞ് മാധ്യമപ്രവർത്തകർക്ക് നേരെ പൊട്ടിത്തെറിച്ചു‌. രൺബീർ കപൂറിന്റെ പേരല്ലേ? കഴുത്തിന് പിന്നിൽ പച്ചകുത്തിയ ഇനീഷ്യലുകൾ സൂചിപ്പിക്കുന്നത് എന്നും ബച്ച്‌ന ഏ ഹസീനോ സിനിമയുടെ പ്രമോഷന് വേണ്ടിയും ദീപിക ഈ ടാറ്റു ഉപയോ​ഗിച്ചിരുന്നില്ലേ? എന്നുമാണ് മാധ്യമപ്രവർത്തകരിൽ ഒരാൾ ദീപികയോട് ചോദിച്ചത്. ഇതുകേട്ട് കലിപൂണ്ട് ദീപിക ചോദ്യത്തിന് ഉത്തരം നൽകുന്നതിന് മുമ്പ് രൺബീർ അരോചകമായ ചോദ്യത്തിന് മാധ്യമപ്രവർത്തക ആക്ഷേപിക്കുകയും ചെയ്തു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

'അതിശയകരമാംവിധം ലജ്ജാകരമായ ചോദ്യമാണെന്ന് നിങ്ങൾ ചോദിച്ചത്. ഒരു പ്രമോഷന് വേണ്ടിയല്ല ദീപിക ടാറ്റൂ കുത്തിയത്. ഇത് ശരിക്കും വിഡ്ഢിത്തമാണ്. സിനിമാരംഗത്തെ ഒരു നടനും ഒരു സിനിമയുടെ പ്രമോഷനും വിപണനത്തിനും വേണ്ടി കാര്യങ്ങൾ ചെയ്യുന്നതായി ഞാൻ കരുതുന്നില്ല. നമുക്കും ഒരു വ്യക്തിജീവിതമുണ്ട്. സിനിമയ്‌ക്ക് വേണ്ടി നമ്മൾ കാര്യങ്ങൾ ചെയ്യുന്നു. പക്ഷേ വീട്ടിൽ പോകുമ്പോൾ നമുക്ക് ഒരു ജീവിതമുണ്ട്. മാതാപിതാക്കളും കുടുംബവും സുഹൃത്തുക്കളും. അതിനാൽ നിങ്ങൾ അതിനെ ബഹുമാനിക്കണം' രൺബീർ പറഞ്ഞു. രൺബീറിന്റെ ആ വാക്കുകൾ അന്ന് വൈറലായിരുന്നു. ഇപ്പോൾ ബോളിവുഡ് യുവസുന്ദരി ആലിയ ഭട്ടാണ് രൺബീറിന്റെ കാമുകി.