1999 നവംബർ 18 ന് സൽമാൻ ഖാന്റെ വിവാഹം കഴിഞ്ഞു, സത്യം വെളിപ്പെടുത്തി അടുത്ത സുഹൃത്ത്

താനും സൽമാനും വിവാഹം കഴിക്കേണ്ട എന്ന് തീരുമാനിച്ചതായിരുന്നു. എന്നാൽ ഒരു ദിവസം അദ്ദേഹത്തിന്റെ മനസ് മാറി നമുക്ക് വിവാഹം കഴിക്കാമെന്ന് പറഞ്ഞു. സൽമാന്റെ അച്ഛന്റേയും അമ്മയുടേയും വിവാഹ വാർഷികമായ ഏപ്രിൽ 18 ന് തന്നെ തങ്ങളുടേയും വിവാഹം തീരുമാനിക്കുകയായിരുന്നു.

ആ സമയത്ത് സൽമാന്റെ മനസിൽ ഒരു പെൺകുട്ടി ഉണ്ടായിരുന്നു. എന്നാൽ തന്റെ മനസ്സിൽ ആരും ഇല്ലായിരുന്നു. അങ്ങനെ തനിക്ക് വേണ്ടി ഒരു വധുവിനെ കണ്ടെത്തുകയും ചെയ്തു. വിവാഹത്തിനായി കാർഡ് അച്ചടിക്കുകയും ചെയ്തിരുന്നു. 50 പേരെ ഉൾപ്പെടുത്തി കൊണ്ടുള്ള ചെറിയൊരു ചടങ്ങായിരുന്നു തങ്ങൾ അന്ന് പ്ലാൻ ചെയ്തത്. ഇതിന്റെ ഭാഗമായി അതിഥികളെ ക്ഷണിക്കുകയും ചെയ്തിരുന്നു.

വിവാഹത്തിന് ദിവസങ്ങൾ മാത്രം ശേഷിക്കെ സൽമാൻ വിവാഹത്തിൽ നിന്ന് പിൻമാറുന്നതായി തന്നോട് പറഞ്ഞു. വിവാഹം കഴിക്കാനുളള മൂഡ് പോയി എന്നാണ് അദ്ദേഹം എന്നോട് പറഞ്ഞത്. എന്നാൽ തനിക്ക് ഈ വിവാഹത്തിൽ നിന്ന് പിൻമാറാൻ കഴിഞ്ഞിരുന്നില്ലെന്നും സാജിദ് ഷോയിൽ വെളിപ്പെടുത്തി. വിവാഹദിവസം സൽമാൻ പറഞ്ഞ രസകരമായ സംഭവവും നിർമ്മാതാവ് വെളിപ്പടുത്തിയിരുന്നു. ഇപ്പോൾ വേണമെങ്കിൽ ഇവിടെ നിന്ന് രക്ഷപ്പെടാം , പിന്നിൽ കാർ കിടപ്പുണ്ട് എന്നായിരുന്നു സൽമാൻ പറഞ്ഞത്. ഇതിന്റെ വീഡിയോയും ഷോയിലൂടെ പുറത്ത് വിട്ടിരുന്നു.

ഒരു ചെറിയ ഇടവേളയ്ക്ക് ശേഷം സൽമാൻ വീണ്ടും സിനിമയിൽ സജീവമാകുകയാണ്. നടന്റെ ഏറ്റവും പുതിയ ചിത്രമായ രാധേയുടെ ട്രെയിലർ കഴിഞ്ഞ ദിവസം പുറത്തു വന്നിരുന്നു. നടൻ പ്രഭു ദേവയാണ് ചിത്രം സംവിധാനം ചെയ്തിരിക്കുന്നത്. ഒരു പോലീസ് ആക്ഷന്‍ ചിത്രമാണിത്. ദബാംഗ് 3ക്ക് ശേഷം സല്‍മാന്‍ പ്രഭുദേവ ജോഡി ഒന്നിക്കുന്ന ചിത്രമാണ് 'രാധേ'. ചിത്രത്തിൽ രൺദീപ് ഹൂഡ, ദിഷ പടാനി, ജാക്കി ഷ്റോഫ് എന്നിവരും പ്രധാന വേഷത്തിലെത്തുന്നുണ്ട്. മെയ് 13നാണ് ചിത്രം റിലീസാകുന്നത്.