ആദ്യ പ്രണയം പത്താം വയസില്‍, ഇഷ്ടം തോന്നിയ ആളെ കുറിച്ച് മനസുതുറന്ന് ആമിര്‍ ഖാന്‍

വളരെ കുറച്ച് പേര്‍ക്ക് മാത്രമാണ് ഇത് അറിയുക. വര്‍ഷങ്ങള്‍ക്ക് മുന്‍പ് ഞാന്‍ ടെന്നീസ് കോച്ചിംഗിനായി പോയിരുന്നു. അന്ന് അവിടെ 40-50 കുട്ടികള്‍ വരെ പരിശീലനത്തിനായി എത്തി. ആ സമയത്ത് കോച്ചിംഗിനായി വന്ന ഒരു പെണ്‍കുട്ടിയെ കണ്ട് ഞാന്‍ സ്തബ്ധനായി. അവളെ ആദ്യമായി കണ്ടപ്പോള്‍ തന്നെ എനിക്ക് പ്രണയം തോന്നി. പിന്നാലെ രാവും പകലും ഞാന്‍ അവളെക്കുറിച്ച് ചിന്തിക്കാന്‍ തുടങ്ങി.

പക്ഷേ എന്റെ ഫീലിംഗ്സ് അവളോട് പ്രകടിപ്പിക്കാന്‍ എനിക്ക് ധൈര്യം ഉണ്ടായിരുന്നില്ല. അന്ന് ഞാന്‍ വളരെ ചെറുപ്പമാണ്, അവള്‍ക്കും എന്‌റെ അതേ പ്രായമാണ്. അവള്‍ സുന്ദരിയായിരുന്നു. ഞാന്‍ കുറെ നേരം ടെന്നീസ് പ്രാക്ടീസിനായി അന്ന് ചെലവഴിച്ചു. കോച്ചിംഗിനായി അവിടെ ആദ്യം എത്തുന്ന ആളും അവസാനം പോകുന്ന ആളും ഞാനായിരുന്നു. ഞാന്‍ അവളെ ഇംപ്രസ് ചെയ്യാനും ശ്രമിച്ചു, ആമിര്‍ പറയുന്നു.

എന്നാല്‍ ഒരു വര്‍ഷം കഴിഞ്ഞ് അവളും കുടുബവും മുംബെെ നഗരം വിട്ടു. അത് അനാവശ്യമായ സ്‌നേഹമായിരുന്നു എന്ന് പിന്നീട് എനിക്ക് തോന്നി. ഒരിക്കലും നിറവേറ്റാന്‍ കഴിയാത്ത നിശബ്ദ പ്രണയം. എനിക്ക് എന്‌റെ പ്രണയം അവളോട് അന്ന് തുറന്ന് പറയാന്‍ പോലും കഴിഞ്ഞില്ല, നടന്‍ ഓര്‍ത്തെടുത്തു. രസകരമായ കാര്യം എന്താണെന്ന് വെച്ചാല്‍ രണ്ട്, മൂന്ന് തവണ എനിക്ക് പ്രണയം തോന്നിയപ്പോള്‍, അതും അനാവശ്യമായിരുന്നു എന്ന് തോന്നി. പ്രണയത്തില്‍ ഞാന്‍ ഒരിക്കലും ഭാഗ്യവാനായിരുന്നില്ല.

പ്രണയിക്കുന്നവര്‍ക്കായി തന്റെ ഹൃദയത്തില്‍ ഒരു പ്രത്യേക ഇടുമുണ്ടെന്നും, പക്ഷേ പലര്‍ക്കും അവര്‍ ആഗ്രഹിക്കുന്ന സ്‌നേഹം ലഭിക്കുന്നില്ലെന്നും ആമിര്‍ പറഞ്ഞു. നിങ്ങളുടെ ജീവിതത്തില്‍ സ്‌നേഹവും സന്തോഷവും ഉണ്ടെന്ന് ഞാന്‍ പ്രതീക്ഷിക്കുന്നു, ആരാധകരോട് നടന്‍ വ്യക്തമാക്കി. 2018ലെ വാലന്റൈന്‍സ് ഡേയില്‍ ആമിര്‍ പറഞ്ഞ വാക്കുകളാണ് സോഷ്യല്‍ മീഡിയയില്‍ വീണ്ടും വൈറലായിരിക്കുന്നത്.

Recommended Video

Bollywood- സിനിമയ്ക്ക് മുമ്പത്തെ Aamir Khanന്റെ ജീവിതം

അതേസമയം ഇക്കഴിഞ്ഞ ജൂലായിലാണ് ആമിര്‍ ഖാനും മുന്‍ഭാര്യ കിരണ്‍ റാവുവും വിവാഹ മോചിതരായത്. പതിനഞ്ച് വര്‍ഷത്തെ ദാമ്പത്യ ജീവിതത്തിന് ഒടുവിലാണ് ഇരുവരും വേര്‍പിരിഞ്ഞത്. തങ്ങളുടെ ജീവിതത്തിലെ പുതിയൊരു അധ്യായത്തിലേക്ക് കടക്കുകയാണെന്നും, ഭര്‍ത്താവ്, ഭാര്യ സ്ഥാനങ്ങള്‍ ഇനി ഇല്ലെന്നുമാണ് അടുത്തിടെ വാര്‍ത്താ കുറിപ്പിലൂടെ ആമിറും കിരണും അറിയിച്ചത്. വിവാഹബന്ധം അവസാനിപ്പിക്കാനുളള തീരുമാനം ഏറെ നാളായി ഉണ്ടായിരുന്നുവെന്നും ഇപ്പോഴാണ് അതിന് ഉചിതമായ സമയമായതെന്നും ഇവര്‍ പറഞ്ഞു.