സഞ്ജയ് ലീല ബൻസാലിയോട് പരസ്യമായി വിവാഹ അഭ്യർഥന നടത്തിയ ദീപിക പദുകോൺ, അന്ന് സംഭവിച്ചത്!

പ്രണയത്തിലായിരിക്കുന്ന കാലത്ത് തന്നെ ബോളിവുഡിലെ ഏറ്റവും വലിയ നടി എന്ന നിലയിലല്ല രൺവീർ സിങ് ദീപികയെ കണ്ടിരുന്നത്. തന്റെ വിജയത്തിൽ അദ്ദേഹമെന്നും ഒപ്പം നിന്നുവെന്നും ദീപിക പറഞ്ഞിട്ടുണ്ട്.

തന്നേക്കാൾ വലിയ സ്റ്റാറാണ് ദീപിക എന്നത് രൺവീർ സിങ്ങും അംഗീകരിച്ചിരുന്നു. ബോളിവുഡിൽ രൺവീറിനേക്കാൾ പ്രതിഫലം വാങ്ങിയിരുന്ന താരമായിരുന്നു ദീപിക.

ഈ വിടവുകളൊന്നും തങ്ങളുടെ ബന്ധത്തെ ബാധിക്കാതെ ഇരുവരും നോക്കി. രൺവീർ ഇതെല്ലാം അംഗീകരിക്കുന്നയാളായിരുന്നുവെന്ന് ദീപിക പറഞ്ഞിട്ടുണ്ട്. ഇതൊക്കെ കൊണ്ടാണ് താൻ അദ്ദേഹത്തെ വിവാഹം ചെയ്തതെന്നും ദീപിക പറഞ്ഞിരുന്നു.

രാം ലീലയ്ക്ക് ശേഷം ബജ്റാവോ മസ്താനി, പദ്മാവത്, 83 എന്നീ ചിത്രങ്ങളിലും ഇരുവരും ഒന്നിച്ച് അഭിനയിച്ചിട്ടുണ്ട്. ഇപ്പോൾ രൺവീറുമായി സന്തോഷകരമായ ദാമ്പത്യ ജീവിതം നയിക്കുന്ന ദീപിക ഒരിക്കൽ സംവിധായകൻ സഞ്ജയ് ലീല ബൻസാലിയെ വിവാഹം ചെയ്യാൻ ആ​ഗ്രഹിക്കുന്നുവെന്ന് പരസ്യമായി പറഞ്ഞിരുന്നു.

രൺവീറിനെ പ്രണയിക്കാനും സഞ്ജയ് ലീല ബൻസാലിയെ വിവാഹം ചെയ്യാനുമാണ് താൻ ആ​ഗ്രഹിക്കുന്നത് എന്നാണ് അന്ന് ദീപിക പറഞ്ഞത്.

പദ്മാവതിന്റെ പ്രമോഷന്റെ ഭാ​ഗമായി ബി​ഗ് ബോസ് സീസൺ 11ന്റെ വേദിയിൽ ടീം അം​ഗങ്ങൾക്കൊപ്പം എത്തിയപ്പോഴായിരുന്നു ദീപികയുടെ വെളിപ്പെടുത്തൽ.

വേദിയിലെത്തിയ ദീപിക അടക്കമുള്ള താരങ്ങൾക്ക് ഒരു ​ഗെയിം സൽ‌മാൻ ഖാൻ നൽകിയിരുന്നു. കിൽ, മാരി, ഡേറ്റ് എന്നീ മൂന്ന് ഓപ്ഷൻ നൽകിയ ശേഷം ഇതിനോട് ചേരുന്ന താരങ്ങളുടെ പേര് പറയാനാണ് ദീപികയോട് സൽമാൻ ആവശ്യപ്പെട്ടത്.

അതിന് ദീപിക നൽകിയ മറുപടി. ഷാഹിദിന് കിൽ എന്ന ഓപ്ഷൻ നൽകുമെന്നും സഞ്ജയ് ലീല ബൻസാലിക്ക് മാരി എന്ന ഓപ്ഷൻ നൽകുമെന്നും രൺവീറിന് ഡേറ്റ് എന്ന ഓപ്ഷൻ നൽകുമെന്നുമായിരുന്നു.

ദീപികയുടെ രസകരമായ മറുപടി പ്രേക്ഷകരേയും സൽമാനെയും ചിരിപ്പിച്ചു. വിവാഹം കഴിക്കുന്നതിന് സഞ്ജയ് ലീല ബൻസാലിയുടെ പേര് ദീപിക തെര‍ഞ്ഞെടുക്കുമെന്ന് സൽമാൻ‌ ഖാൻ പ്രതീക്ഷിച്ചിരുന്നില്ല. കപിൽ ദേവിന്റെ ജീവതത്തെ ആസ്പദമാക്കിയുള്ള 83 ആണ് ദീപികയും രൺവീറും ഒന്നിച്ച് അഭിനയിച്ച് റിലീസ് ചെയ്ത അവസാന ചിത്രം.

ചിത്രത്തിൽ കപിൽ ആയി വേഷമിട്ടത് റൺവീർ സിങ്ങാണ്. കപിൽ ദേവിന്റെ ഭാര്യയുടെ വേഷത്തിലാണ് ദീപിക എത്തിയത്.