ഐശ്വര്യയെ കഴിവില്ലാത്ത സുന്ദരമായ മുഖം എന്ന് വിശേഷിപ്പിച്ച ഹൃത്വിക്ക് റോഷന്‍, പിന്നീട് സംഭവിച്ചത്‌

ഐശ്വര്യയും ഋത്വിക്കും ഒന്നിച്ച് എത്തിയ മൂന്ന് ചിത്രങ്ങളും ഏറെ ശ്രദ്ധിക്കപ്പെട്ടവയാണ്. ധൂം 2 വിന് മുന്‍പ് ഇരുവരും അത്ര വലിയ സൗഹൃദമൊന്നും ഉണ്ടായിരുന്നില്ല. ആ സമയത്ത് ഐശ്വര്യ റായെ കുറിച്ച് ഹൃത്വിക്ക് റോഷന്‍ പറഞ്ഞ വാക്കുകളാണ് ഇപ്പോള്‍ സോഷ്യല്‍ മീഡിയയില്‍ വീണ്ടും വൈറലാകുന്നത്. കഴിവില്ലാത്ത സുന്ദരമായ മുഖം എന്നാണ് ധൂം 2വില്‍ അഭിനയിക്കുന്നതിന് മുന്‍പ് ഐശ്വര്യയെ കുറിച്ച് തനിക്ക് തോന്നിയത് എന്ന് ഋത്വിക്ക് റോഷന്‍ പറഞ്ഞു.

എന്നാല്‍ ഇത് പിന്നീട് മാറ്റി പറയുകയും ചെയ്തു താരം. ധൂം 2വിന്‌റെ പ്രൊമോഷന്‍ പരിപാടികള്‍ക്കിടെയാണ് ഐശ്വര്യയെ കുറിച്ച് ഋത്വിക്ക് റോഷന്‍ വീണ്ടും മനസുതുറന്നത്. നടിയെ തെറ്റായി വ്യാഖ്യാനിച്ചതിന് അന്ന് ഋത്വിക്ക് ക്ഷമാപണം നടത്തി. 'അവളുടെ സൗന്ദര്യം എല്ലാത്തിനും മുകളിലാണെന്നും അവളെ തെറ്റായി വിധിക്കുന്നത് വിഡ്ഡിത്തമായി തോന്നിയെന്നും' അദ്ദേഹം പറഞ്ഞു.

'ഞാന്‍ അവളെ തെറ്റായി വിധിച്ചുവെന്ന് തന്നെ പറയണം. ശരിക്കും ഞാന്‍ വിഡ്ഡിത്തമാണ് പറഞ്ഞതെന്ന് എനിക്ക് തോന്നി. ചിലപ്പോള്‍ സൗന്ദര്യം മറ്റ് കഴിവുകളെക്കാള്‍ ഒരുപടി മുന്നില്‍ നില്‍ക്കും. അവളുടെ മുഖത്ത് കാണിക്കുന്നതിനേക്കാള്‍ വളരെയധികം വൈദഗ്ധ്യമുള്ള ഒരാളാണ് ഐശ്വര്യ, നടിയെ കുറിച്ച് ഋത്വിക്ക് റോഷന്‍ പറഞ്ഞു. 2006ല്‍ റെഡ്ഡിഫ്.കോമിന് നല്‍കിയ അഭിമുഖത്തിലാണ് ഋത്വിക്ക് ഐശ്വര്യയെ കുറിച്ച് പറഞ്ഞത്.

Recommended Video

തെന്നിന്ത്യയുമായി ബന്ധമുളള ബോളിവുഡ് നായികമാർ ഇവരാണ്

അതേസമയം മൂന്ന് സിനിമകളിലാണ് അഭിനയിച്ചതെങ്കിലും ഋത്വിക്കിന്‌റെയും ഐശ്വര്യയുടെയും കെമിസ്ട്രി ശ്രദ്ധേയമായിരുന്നു. ധൂ 2 വലിയ ഹിറ്റായ ശേഷം ഋത്വിക്ക്-ഐശ്വര്യ കൂട്ടുകെട്ടിലുളള സിനിമകള്‍ക്കായി ആരാധകര്‍ വീണ്ടും കാത്തിരുന്നു. ധൂം 2 പോലെ തന്നെ ജോധാ അക്ബറും ഗുസാരിഷും ഹിറ്റായി മാറി. ദീപിക പദുകോണാണ് ഋത്വിക്ക് റോഷന്റെ പുതിയ ചിത്രത്തില്‍ നായിക. ആക്ഷന്‍ പാക്ക്ഡ് എന്റര്‍ടെയ്‌നറായി ഒരുങ്ങുന്ന സിനിമ സിദ്ധാര്‍ത്ഥ് ആനന്ദ് സംവിധാനം ചെയ്യുന്നു. മണിര്തനത്തിന്‌റെ പൊന്നിയിന്‍ ശെല്‍വനിലാണ് ഐശ്വര്യ റായ് അഭിനയിച്ചുകൊണ്ടിരിക്കുന്നത്. ഒരിടവേളയ്ക്ക് ശേഷം ഐശ്വര്യ വീണ്ടും തമിഴിലേക്ക് എത്തുന്ന ചിത്രം കൂടിയാണിത്.