അമീഷ വ്യക്തി ജീവിതത്തിൽ അസംതൃപ്തയെന്ന് ലാറ ദത്ത; ശരീരം പോരെന്ന് ബിപാഷയും!

2005 ൽ കോഫി വിത്ത് കരണിൽ വെച്ചായിരുന്നു സംഭവം. ലാറ ദത്ത, ബിപാഷ ബസു എന്നിവരായിരുന്നു ഷോയിൽ അതിഥികൾ ആയെത്തിയത്. അന്ന് നടൻ ജോൺ എബ്രഹാമുമായി പ്രണയത്തിലാണ് ബിപാഷ. ലാറ ദത്തയും ജോൺ എബ്രഹാമും സിനിമകളിൽ ഒരുമിച്ച് അഭിനയിച്ചിട്ടുമുണ്ട്.

ജോൺ എബ്രഹാമിനെയും ലാറ ദത്തെയെയും അപകീർത്തി പെടുത്തുന്ന ഒരു പ്രസ്താവന അമീഷ പട്ടേൽ നടത്തിയിരുന്നു. ഇതേ പറ്റി കരൺ ഷോയിൽ വെച്ച് ലാറ ദത്തയോട് ചോദിച്ചു. ലാറ ഉടനെ അതിന് മറുപടിയും നൽകി.

'ഞങ്ങൾ രണ്ട് പേർക്കെതിരെ അല്ലാതെ അമീഷ നിരധി പേർക്കെതിരെ സംസാരിക്കുന്നുണ്ട്. അത് കേട്ട് കൊണ്ടിരിക്കുന്നത് അത്ര സുഖകരമല്ല. ഈ പറയുന്ന വ്യക്തി അവരുടെ വ്യക്തി ജീവിതത്തിൽ ആശയക്കുഴപ്പത്തിലാണ്. എന്നെ സംബന്ധിച്ച് അവൾ ഒപ്പം അഭിനയിക്കുന്ന നടി ആണ്. എനിക്ക് തോന്നുന്നത് അവൾ വ്യക്തി ജീവിതത്തിൽ അസംതൃപ്തയാണെന്നാണ്. എന്തെങ്കിലും പ്രശ്നമുണ്ടാവുമ്പോൾ അത് പുറത്തേക്കെടുക്കാൻ വഴി തേടും,' ലാറ ദത്ത പറഞ്ഞു.

അന്ന് ബിപാഷ ബസുവും അമീഷ പട്ടേലിനെതിരെ പരാമർശം നടത്തി. ജിസം എന്ന ബിപാഷ അഭിനയിച്ച സിനിമയിൽ താൻ അഭിനയിക്കില്ലെന്നും അത്രയും ഇന്റിമേറ്റ് രം​ഗങ്ങളടങ്ങിയ സിനിമയിൽ അഭിനയിക്കാൻ തന്റെ വീട്ടുകാർ സമ്മതിക്കില്ലെന്നും അമീഷ പറഞ്ഞിരുന്നു. ഇതാണ് ബിപാഷയെ ചൊടിപ്പിച്ചത്.

അവളുടെ ഒരു അഭിമുഖത്തിൽ ഞാൻ വായിച്ചത് ജിസം പോലെ ഒരു സിനിമയിൽ ഒരിക്കലും അഭിനയിക്കില്ലെന്നാണ്. കാരണം അവരുടെ അമ്മൂമ്മ അത് സമ്മതിക്കില്ലത്രെ. സത്യസന്ധമായി പറഞ്ഞാൽ ജിസം ചെയ്യാനുള്ള ശാരീരിക ഭം​ഗി അമീഷയ്ക്കില്ല. ഫുൾ പാക്കേജ് ആയ ഒരു സ്ത്രീയെ ആണ് ആ സിനിമയിൽ ആവശ്യം. അവളതിന് അനുയോജ്യയല്ല, ബിപാഷ പറഞ്ഞതിങ്ങനെ. ബിപാഷയുടെ ആദ്യ സിനിമയാണ് 2003 ൽ പുറത്തിറങ്ങിയ ജിസം. ചിത്രത്തിൽ ജോൺ എബ്രാഹാം ആയിരുന്നു നായകൻ.

90 കളിലും 2000 ങ്ങളുടെ തുടക്കത്തിലും ആണ് നായികമാർ തമ്മിലുള്ള തർക്കം വലിയ തോതിൽ വാർത്തകൾ ആയത്. പുതിയ കാലത്ത് ഇത്തരം പ്രവണതകൾ കുറവാണെന്ന് സിനിമാ ലോകത്തുള്ളവർ തന്നെ പറയുന്നു. സോഷ്യൽ മീഡിയയുടെ കടന്നു വരവും സിനിമ ലോകത്ത് സംഭവിച്ച മാറ്റങ്ങളുമാണ് ഇത്തരം തെറ്റിദ്ധാരണകളും പ്രശ്നങ്ങളും തുടരാതിരിക്കാൻ കാരണമായത്.