മദ്യപിക്കും, പുകവലിയ്ക്കും!! ഞാനെങ്ങനെയൊരു മോശം അമ്മയാകും,വിമർശകർക്കെതിരെ നടി ശ്വേത

എന്നെ ‍ജഡ്ജ് ചെയ്യാൻ എന്ത് അവകാശം

അതേ ഞാൻ മദ്യപിക്കും പുകവലിക്കും, പക്ഷെ ഞാൻ സത്യസന്ധയാണ്. എന്നാൽ ഇതുവെച്ച് എന്നെ ഒരു മോശമായ അമ്മയായി വിലയിരുത്തുന്നത് എങ്ങനെയാണെന്നും നടി ചോദിക്കുന്നുണ്ട്. ഇതുവരെ ഞാൻ ആരോയും മദ്യപിക്കാനോ പുകവലിയ്ക്കാനോ പ്രേരിപ്പിച്ചിട്ടില്ല. ഉപയോഗിക്കുന്നവരെ എതിർത്തുട്ടുമില്ല. പിന്നെ എന്തിനാണ് എന്റെ നേർക്ക് വരുന്നതെന്നും നടി ചോദിക്കുന്നുണ്ട്. ഇത് വെച്ച് എന്നെ ജഡ്ജ് ചെയ്യാൻ എന്ത് അവകാശമാണെന്നും നടി ചോദിക്കുന്നുണ്ട്.

എങ്ങനെ ‍ഞാൻ മോശം വ്യക്തിയാകുന്നത്

സാധരണഗതിയിൽ ഇത്തരത്തിലുളള കമന്റുകൾ ഞാൻ ശ്രദ്ധിക്കാറില്ല. അതുപോലെ ഇതിനൊന്നും മറുപടിയും കൊടുക്കാറുമില്ല. എന്നാൽ ഇതിന് മറുപടി പറയണമെന്ന് തോന്നി. ഇതൊക്കെ എങ്ങനെയാണ് ഒരാളെ ചീത്ത വ്യക്തിയും ചീത്ത അമ്മയുമാക്കി മാറ്റുന്നത്. താൻ എപ്പോഴെങ്കിലും ജീവിതം പാഴാക്കുന്നത് കണ്ടിട്ടുണ്ടോ? ഞാൻ തൊഴിലില്ലാതെ, തന്റെ കുഞ്ഞിനെ നോക്കാതെ ഇരിക്കുന്നത് കണ്ടിട്ടുണ്ടോ എന്നു ശ്വേത ചോദിക്കുന്നു.

ചോദ്യം ചെയ്യാൻ അവകാശമില്ല

തന്നെ ചോദ്യം ചെയ്യാൻ ആർക്കും അവകാശമില്ല. കാരണം ഒരേസമയം ഒരുപാട് കാര്യങ്ങൾ ചെയ്യുന്ന വ്യക്തിയാണ് ഞാൻ. അഭിനേത്രി, നർത്തകി. വ്യാവസായിക എന്നിങ്ങനെ ഒരുപാട് ഉത്തരാവിദിത്വങ്ങൾ എന്റെ ചുമരിൽ ഉണ്ട്. എന്റെ കുട്ടിയ്ക്ക് ഒരു ഉദാഹരണമാകുന്ന കാര്യത്തുൽ എന്നെയാരും ചോദ്യം ചെയ്യേണ്ടതില്ല. എന്നെ മനസ്സിലാക്കുന്ന ഒരുപാട് നല്ല സുഹൃത്തുക്കൾ എനിയ്ക്കുണ്ടെന്നും നടി ഇൻസ്റ്റാഗ്രാമിൽ കുറിച്ചു.

നല്ലതും ചീത്തയും വിലയിരുത്തുന്നത് എങ്ങനെ

നല്ല അമ്മയേയും ചീത്ത അമ്മയേയും വിലയിരുത്താൻ നമ്മൾ ആരാണ്. സമൂഹത്തിൽ നല്ലതും ചീത്തയും തിരിച്ചറിയാൻ എന്റെ കുടുംബം എന്നെ പഠിപ്പിച്ചു. അവർ കുടിക്കുകയും വലിയ്ക്കുകയും ചെയ്തു. എങ്കിലും എന്നേയും സഹോദരനേയും നന്നായി തന്നെ വളർത്തി. ഒരു പ്രായം എത്തി കഴി‍ഞ്ഞാൽ എന്ത് ചെയ്യണമെന്നും എന്ത് പാടില്ലെന്നും ഞങ്ങൾക്ക് അറിയാം. അതുപോലെ തീരുമാനമെടുക്കാനുളള സ്വാതന്ത്ര്യവും അവർ ഞങ്ങൾക്ക് നൽകി. എനിയ്ക്ക് ഒരു മനോഹരമായ കുട്ടിക്കാലമാണ് അവർ നൽകിയത്. ഇന്ന് ഞാൻ അവരോടൊപ്പമിരുന്നു മദ്യപിക്കുന്നു. എനിയ്ക്ക് കിട്ടിയതു പോലുളള ഒരു കുട്ടിക്കാലം എന്റെ കു‍ഞ്ഞിനും നൽകാൻ ഞാൻ ആഗ്രഹിക്കുന്നു.

ഇഷ്ടമുണ്ടെങ്കിൽ ഫോളോ ചെയ്യാം

ലൈക്കുകളും ഫോളോവേഴ്സിനേയും ഞാൻ വില കൊടുത്ത് വാങ്ങിയതല്ല. എന്നെ മനസ്സിലാക്കിയതിനു ശേഷമായിരിക്കും നിങ്ങൾ എന്നെ ഫോളോ ചെയ്യുന്നത്. എന്നാൽ നിങ്ങൾക്ക് എന്നെ പിന്തുടരാൻ താൽപര്യമില്ലെങ്കിൽ അൺഫോളോ ചെയ്യാമെന്നും നടി പറയുന്നു. ഗോവയിൽ കുടുംബവുമെത്ത് അവധിക്കാലം ചിലവഴിക്കുന്ന ചിത്രങ്ങളായിരുന്നു നടി പങ്കുവെച്ചിരുന്നത്. ഇതിനുനേരെയാണ് ബൈബർ ആക്രമണം ഉണ്ടായിരിക്കുന്നത്.