അവസ്ഥ വളരെ മോശമാണ്,ആത്മഹത്യയാണ് നല്ലതെന്ന് തോന്നുന്നു!! ഉദയ് ചോപ്രയുടെ ട്വീറ്റ് വൈറൽ

വിഷാദരോഗം

താരങ്ങൾ തങ്ങൾ നേരിടുന്ന മാനസ്സിക പ്രശ്നങ്ങ പ്രേക്ഷകരുമായി തുറന്ന് പങ്കുവെയ്ക്കാറുണ്ട്. പലതും പ്രേക്ഷകരിൽ ഞെട്ടൽ സൃഷ്ടിക്കാറുണ്ട്. തങ്ങളുടെ മുന്നിൽ ആടിപ്പാടി നിൽക്കുന്ന ഈ താരങ്ങളാണോ ഇത്രയും മാനസിക സമ്മർദം നേരിടുന്നതെന്ന് അത്ഭുതത്തൊടെ ചോദിച്ചു പോകും. വിഷദരോഗത്തെ പറ്റിയുള്ള നടി ദീപിക പദുകോണിന്റെ വെളിപ്പെടുത്തൽ പ്രേക്ഷകരെ ഞെട്ടിച്ചിരുന്നു. ആത്മഹത്യയുടെ വക്കിൽ നിന്ന് താരം ശക്തമായി തിരിച്ചു വന്നത് പലർക്കും പ്രചോദനമായിരുന്നു. നടൻ ഉദയ് ചോപ്രയും വിഷാദരോഗത്തിന്റെ പിടിയിലായിരിക്കുകയാണ്.

തന്റെ അവസ്ഥ വളരെ മോശം

ഉദയ് യുടെ ട്വീറ്റാണ് പ്രേക്ഷകരെ ഇപ്പോൾ ഞെട്ടിപ്പിച്ചിരിക്കുന്നത്. സിനിമയിൽ സജീവമല്ലെങ്കിൽ പോലും സോഷ്യൽ മീഡിയയിൽ താരം സജീവമായിരുന്നു. എന്നാൽ കഴിഞ്ഞ കുറച്ചു നാളുകളായി താരം അതിൽ നിന്നും വിട്ടു നിന്നിരുന്നു., എന്നാൽ ഇപ്പോൾ പ്രത്യക്ഷപ്പെട്ട താരത്തിന്റെ ട്വീറ്റാണ് പ്രേക്ഷകരെ ഞെട്ടിപ്പിച്ചിരിക്കുന്നത്. താൻ വിഷാദ രോഗത്തിന് പിടിയിലാണ്. തന്റെ അവസ്ഥ വളരെ മോശമാണ്. അത് മാറ്റിയെടുക്കാൻ താൻ ശ്രമിക്കുന്നുണ്ട്. എന്നാൽ താൻ പരാജയപ്പെടുകയാണെന്നും താരം ട്വീറ്റ് ചെയ്തു.

മരണത്തിലേയ്ക്ക് അടുപ്പിക്കുന്നു

ഈ ട്വീറ്റ് വൻ ചർച്ച വിഷയമായിരുന്നു. സമൂഹ മാധ്യമങ്ങളിൽ നിന്നെല്ലാം വിട്ട് നിൽക്കുന്നത് മരണത്തിലേയ്ക്ക് കൂടുതൽ അടുപ്പിക്കുന്നത് പോലെ തോന്നുവെന്നും ഉടൻ തന്നെ ആത്മഹത്യയെന്ന നഴി തിരഞ്ഞെടുക്കുന്നതാണ് ഉചിതമെന്നും താരം കുറിച്ചു ഈ രണ്ടു ട്വീറ്റുകളും ആരാധകരേയും സഹപ്രവർത്തകരേയും ഞെട്ടിപ്പിച്ചു. എന്നാൽ അധികം വൈകാതെ തന്നെ ഇവ രണ്ടു പിൻവലിക്കുകയായിരുന്നു. ഇതിനു പിന്നാലെ നിരീശ്വരവാദത്തെ കുറിച്ചുളള ട്വീറ്റും പങ്കുവെച്ചിരുന്നു.

ഇഷ്ടപ്പെട്ടവൾ അകന്നു പോയി

ഒരു വർഷം മുൻപ് ബ്രക്ക് അപ്പിനെ കുറിച്ചും ഉദയ് ചോപ്ര തുറന്നെഴുതിയിരുന്നു . പഴയ അതേ തീവ്രതയോടെ തനിയ്ക്ക് തന്നെ സ്നേഹിക്കാൻ കഴിയില്ലെന്നായിരുന്നു താരത്തിന്റെ ട്വീറ്റ്. ഞാൻ ഇഷ്ടപ്പെട്ടവൾ എന്നിൽ നിന്ന് അകന്ന് പോയി. എന്റെ ജീവിതത്തിൽ അവളുടെ സാമിപ്യം വളരെ ആവശ്യമാണന്നും താരം കുറിച്ചിരുന്നു.