കളിയാക്കലിലൂടെ തുടങ്ങിയ ഇഷ്ടം! നീതു സിങ്-ഋഷി കപൂര്‍ പ്രണയത്തിനിടയിലെ അപ്രതീക്ഷിത ട്വിസ്റ്റുകള്‍

ബോളിവുഡിലെ ബോബി

ബാലതാരമായാണ് നീതു സിങ് തുടക്കം കുറിച്ചത്. പിന്നീട് മുന്‍നിര നായികമാരുടെ ലിസ്റ്റിലേക്ക് താരവും ഇടംപിടിക്കുകയായിരുന്നു. ബോബിയിലൂടെ താരമായി മാറിയ ഋഷി കപൂറും നീതു സിങും ആദ്യമായി ഒരുമിച്ചത് സഹ്രീല ഇന്‍സാന് വേണ്ടിയായിരുന്നു. ആദ്യ കൂടിക്കാഴ്ചയില്‍ പ്രണയം തോന്നിയവരായിരുന്നില്ല ഇവര്‍. ലൊക്കേഷനില്‍ നീതുവിനെ കളിയാക്കലായിരുന്നു ഋഷിയുടെ പ്രധാന വിനോദം. മേക്കപ്പിനെക്കുറിച്ച് പറഞ്ഞായിരുന്നു പരിഹാസം. ആ കളിയാക്കല്‍ പിന്നീട് പ്രണയമായി മാറുകയായിരുന്നു.

എതിര്‍പ്പുമായി മാതാവ്

ഋഷിയുമായുള്ള ബന്ധത്തെ എതിര്‍ത്ത് നീതുവിന്റെ മാതാവ് എത്തിയിരുന്നു. നായികയായി തുടക്കം കുറിച്ച നീതുവിനെ മികച്ച അഭിനേത്രിയായി കാണാനായിരുന്നു അമ്മ ആഗ്രഹിച്ചത്. അതിനിടയില്‍ പ്രണയവും വിവാഹവുമൊന്നും മകള്‍ക്ക് തടസ്സമായി വരരുതെന്നായിരുന്നു അമ്മയുടെ നിലപാട്. ഇവര്‍ ഡേറ്റിംഗിലാണെന്നറിഞ്ഞപ്പോഴും പിന്‍മാറണമെന്നാവശ്യപ്പെട്ട് അമ്മ നീതു സിങിനെ സമീപിച്ചിരുന്നു. തങ്ങളുടെ തീരുമാനത്തില്‍ ഉറച്ച് നില്‍ക്കുകയായിരുന്നു ഇരുവരും.

വിവാദങ്ങളുടെ തോഴന്‍

ആദ്യ സിനിമ മുതല്‍ വിവാദങ്ങളും ഋഷി കപൂറിനൊപ്പമുണ്ടായിരുന്നു. ബോബിയുടെ ഷൂട്ടിംഗിനിടയിലേ നീതു സിങിനെ പരിചയപ്പെട്ടിരുന്നു അദ്ദേഹം. മറ്റൊരു ചിത്രത്തിന്റെ തിരക്കിലായിരുന്നു നീതു. ബോബിയിലെ നായികയായ ഡിംപിള്‍ കപാഡിയയുമായി അടുത്ത സൗഹൃദത്തിലായിരുന്നു ഋഷി കപൂര്‍. ഈ ബന്ധത്തെക്കുറിച്ച് മനസ്സിലാക്കിയ രാജ് കപൂര്‍ എതിര്‍പ്പുമായി രംഗത്തുവന്നിരുന്നു. നീതുവുമായി പ്രണയത്തിലായിരുന്നപ്പോള്‍ മറ്റൊരു രഹസ്യ ബന്ധമുണ്ടായിരുന്നതായുള്ള റിപ്പോര്‍ട്ടുകളും പുറത്തുവന്നിരുന്നു. ഇരുവരും പിരിയുകയാണെന്നുള്ള റിപ്പോര്‍ട്ടും പില്‍ക്കാലത്ത് പുറത്തുവന്നിരുന്നു.

മദ്യപാനം, വിവാഹമോചനം

കടുത്ത മദ്യപാനിയായി മാറിയ ഋഷി കപൂറിനെ നീതു സിങ് ഉപേക്ഷിച്ചുവെന്നുള്ള റിപ്പോര്‍ട്ടുകളായിരുന്നു ഒരിടയ്ക്ക് പ്രചരിച്ചത്. ഭര്‍ത്താവിനെതിരെ നീതു പരാതി നല്‍കിയെന്നും ഇരുവരും വേര്‍പിരിയുകയാണെന്നുമൊക്കെയായിരുന്നു അക്കാലത്തെ പ്രചാരണം. കുപ്രചാരണങ്ങള്‍ തുടരുന്നതിനിടയിലായിരുന്നു നീതു ഋഷി കപൂറിനടുത്തേക്ക് തിരിച്ചെത്തിയത്. തങ്ങള്‍ക്കിടയില്‍ അഭിപ്രായവ്യത്യാസങ്ങള്‍ ഉണ്ടായിരുന്നുവെന്നും എല്ലാം രമ്യമായി പരിഹരിച്ചുവെന്നുമായിരുന്നു താരം പറഞ്ഞത്.

Recommended Video

Veteran Bollywood actor Rishi Kapoor passes away aged 67 | FilmiBeat Malayalam

വിവാഹത്തിന് ശേഷവും

നീതു സിങുമായുള്ള വിവാഹത്തിന് ശേഷവും ഋഷി കപൂറിന് പ്രണയബന്ധങ്ങളുണ്ടായിരുന്നുവെന്ന റിപ്പോര്‍ട്ടുകളും പ്രചരിച്ചിരുന്നു. ദിവ്യ ഭാരതി, ജൂഹി ചൗള, തുടങ്ങിയവരെ ബന്ധപ്പെടുത്തിയുള്ള കാര്യങ്ങള്‍ താനും അറിഞ്ഞിരുന്നുവെന്നായിരുന്നു നീതു സിങ് അന്ന് പ്രചരിച്ചത്. അദ്ദേഹത്തിന്‍രെ നോയില്‍ തനിക്ക് വിശ്വാസമുണ്ടായിരുന്നുവെന്നും ഇത്തരത്തിലുള്ള കഥകളൊന്നും താന്‍ വിശ്വസിച്ചിരുന്നില്ലെന്നുമായിരുന്നു അന്ന് നീതു സിങ് പ്രതികരിച്ചത്.