3.8 ജിബിയുളള ഉറി സിനിമ ഡൗണ്‍ലോഡ് ചെയ്തു! യുവാവിന് കിട്ടിയത് ഏട്ടിന്റെ പണി! വീഡിയോ വൈറല്‍!

ഉറി ദി സര്‍ജിക്കല്‍ സ്‌ട്രൈക്ക്

ജമ്മു കാശ്മീരിലെ ഉറിയില്‍ സൈനിക ക്യാംപിനു നേരെ നടന്ന ഭീകരാക്രമണത്തെ പ്രമേയമാക്കി ഒരുക്കിയ സിനിമയാണ് ഉറി ദി സര്‍ജിക്കല്‍ സ്‌ട്രൈക്ക്. വിക്കി കൗശലും യാമി ഗൗതമും ആണ് സിനിമയില്‍ മുഖ്യ വേഷങ്ങളില്‍ എത്തുന്നത്. ചിത്രം മികച്ച പ്രതികരണം നേടിയാണ് തിയ്യേറ്റുകളില്‍ മുന്നേറികൊണ്ടിരിക്കുന്നത്. നവാഗതനായ ആദിത്യ ധര്‍ തിരക്കഥയെഴുതി സംവിധാനം ചെയ്ത ചിത്രമാണ് ഉറി ദി സര്‍ജിക്കല്‍ സ്‌ട്രൈക്ക്. ആര്‍എസ് വിപി മൂവീസിന്റെ ബാനറില്‍ റോണി സ്‌ക്രുവാല ആയിരുന്നു സിനിമ നിര്‍മ്മിച്ചിരുന്നത്.

ബോക്‌സ് ഓഫീസ് കളക്ഷന്റെ കാര്യത്തിലും

മികച്ച പ്രതികരണത്തോടൊപ്പം ബോക്‌സ് ഓഫീസ് കളക്ഷന്റെ കാര്യത്തിലും ഉറി ദ സര്‍ജിക്കല്‍ സ്‌ട്രൈക്ക് നേട്ടമുണ്ടാക്കിയിരുന്നു, 25 കോടി മുതല്‍ മുടക്കിലായിരുന്നു സിനിമ നിര്‍മ്മിച്ചിരുന്നത്. ജനുവരി 11ന് റിലീസ് ചെയ്ത സിനിമ ഇതിനോടകം 50കോടി ക്ലബ് മറികടന്നാണ് മുന്നേറികൊണ്ടിരിക്കുന്നത്. പുതിയ കളക്ഷന്‍ വിവരങ്ങള്‍ അനുസരിച്ച് സിനിമ നൂറ് കോടി ക്ലബിനടുത്ത് എത്തിയതായും റിപ്പോര്‍ട്ടുകള്‍ വന്നിരുന്നു.

യുവാവിന് പണികിട്ടിയത്

വ്യാജ സൈറ്റില്‍നിന്നും ഉറി സിനിമ ഡൗണ്‍ലോഡ് ചെയ്ത ശേഷമായിരുന്നു യുവാവിന് പണികിട്ടിയത്. സിനിമയുടെ 3.8 ജിബി ഫയല്‍ സൈസ് ഉളള ഉറി സിനിമയുടെ പതിപ്പായിരുന്നു യുവാവ് ഡൗണ്‍ലോഡ് ചെയ്യാന്‍ നോക്കിയത്. സിനിമയുടെ സാംപിള്‍ വീഡിയോയും സ്ക്രീന്‍ ഷോട്ടും വെബ്സൈറ്റില്‍ കാണിച്ചിരുന്നു. ഇതിനൊപ്പം രണ്ടര മണിക്കൂര്‍ ദൈര്‍ഘ്യമുളള വീഡിയോ എന്നും സൈറ്റില്‍ കാണിച്ചു.

ചിത്രത്തിലെ കഥാപാത്രങ്ങള്‍ തന്നെയാണ്

എന്നാല്‍ ഡൗണ്‍ലോഡ് ചെയ്ത് യുവാവിന് കിട്ടിയത് വേറൊരു വീഡിയോ ആണെന്ന് മാത്രം. വ്യാജന്മാരെ തടയുകയും പൈറസി പ്രോല്‍സാഹിപ്പിക്കാതിരിക്കാനുമുളള സന്ദേശവുമാണ് ഡൗണ്‍ലോഡ് ചെയ്ത വീഡിയോയില്‍ കാണാന്‍ സാധിക്കുക. ചിത്രത്തിലെ കഥാപാത്രങ്ങള്‍ തന്നെയാണ് ക്യാമറയ്ക്ക് മുന്നില്‍നിന്ന് ഇക്കാര്യങ്ങള്‍ പറയുന്നത്. ബാക്കിയുളള സമയം സിനിമയുടെ ട്രെയിലറാണ് ഉള്ഡപ്പെടുത്തിയിരിക്കുന്നത്.

വീഡിയോ കാണൂ