വിദ്യ ബാലനോടൊപ്പം ഡേറ്റ് ചെയ്യണമെന്ന് ആരാധകൻ, ആഗ്രഹം സാധിച്ച് കൊടുത്ത് നടി, മികച്ച മറുപടി

ബോളിവുഡിലും തെന്നിന്ത്യൻ സിനിമ ലോകത്തും ഒരുപോലെ ആരാധകരുള്ള താരമാണ് വിദ്യാ ബാലൻ. മിനിസ്ക്രീനിലൂടെയാണ് നടി ബിഗ് സ്ക്രീനിൽ എത്തുന്നത് ബംഗാളി ചിത്രത്തിലൂടെയാണ് വിദ്യ തന്റെ സിനിമ ജീവിതം തുടങ്ങുന്നത്. പിന്നീട് ബോളിവുഡിൽ എത്തുകയായിരുന്നു. ആദ്യ ചിത്രത്തിലൂടെ തന്നെ നടി ശ്രദ്ധിക്കപ്പെടുകയായിരുന്നു. ഫിലിംഫെയർ പുരസ്കാര ലഭിക്കുകയും ചെയ്തു.

സോഷ്യൽ മീഡിയയിൽ സജീവമാണ് താരം. ഇപ്പോൾ സമൂഹമാധ്യമങ്ങളിൽ വൈറലാകുന്നത് നടിയുടെ ക്യൂ.എ സെക്ഷനാണ്. ഷാരൂഖ് ഖാനോ അതോ സൽമാൻ ഖാനോ ആരെ തിരഞ്ഞെടുക്കും? എന്നായിരുന്നു ആരാധകന്റെ ചോദ്യം. ഉടൻ തന്നെ മറുപടിയുമായി നടി എത്തുകയായിരുന്നു. ചിത്രം പങ്കുവെച്ചുകൊണ്ടാണ് താരം തന്റെ പ്രിയപ്പെട്ട എസ്ആർകെ പ്രേക്ഷകർക്കായി പരിചയപ്പെടുത്തിയത്.

തന്റെ ഭാർത്താവും നിർമ്മാതാവു കൂടിയായ സിദ്ധാർത്ഥ് റോയ് കപൂറിന്റെ ചിത്രമായിരുന്നു നടി പങ്കുവെച്ചത്. അദ്ദേഹത്തിന്റെ പേരിന്റെ ആദ്യാക്ഷരങ്ങളാണ് എസ്ആർകെ എന്ന് നടി എഴുതിയത്. നടിയുടെ മറുപടി സോഷ്യൽ മീഡിയയിലും ബോളിവുഡ് കോളങ്ങളിലും വൈറലായിട്ടുണ്ട്.നടിയുടെ ഇഷ്ടഭക്ഷണം, പെർഫ്യൂം, വെബ് സീരീസ് എന്നിവയെ കുറിച്ചായിരുന്നു പലരും ചോദിച്ചത്. ഇതിനിടയിലാണ് ഏത് ഖാനെയാണ് നടിക്ക് കൂടുതൽ ഇഷ്ടം എന്ന ചോദ്യം വന്നത്.

മറ്റൊരു ആരാധകൻ നടിയോട് ഡേറ്റ് ചെയ്യാണമെന്നുള്ള ആഗ്രഹം പങ്കുവെച്ചിരുന്നു. വിദ്യയെ ഡേറ്റ് ചെയ്യാൻ കഴിയുമോ എന്നായിരുന്നു ചോദ്യം. ഇതിനും ഉഗ്രൻ മറുപടി നടി നൽകുകയായിരുന്നു. തീർച്ചയായും കഴിയും എന്ന് തന്നെ പറഞ്ഞു കൊണ്ട് ഈന്തപ്പഴം കഴിക്കുന്ന ചിത്രം പങ്കുവെയ്ക്കുകയായിരുന്നു.നടിയുടെ ഈ മറുപടി കയ്യടി നേടിയിട്ടുണ്ട്.

Recommended Video

നടിയുടെ ഏറ്റവും പുതിയ ചിത്രമായ 'ഷെർണി' ആമസോൺ പ്രൈമിൽ ജൂൺ 18ന് റിലീസിനെത്തുകയാണ്. ഇന്ത്യൻ ഫോറസ്റ്റ് സർവീസ് ഉദ്യോഗസ്ഥയുടെ കഥാപാത്രമാണ് വിദ്യ ചിത്രത്തിൽ അവതരിപ്പിക്കുക. കാട്ടിൽ നിന്നും നിയന്ത്രണം തെറ്റിയ ഒരു പെൺകടുവ ജനവാസമേഖലയിൽ ഉണ്ടാക്കുന്ന പ്രശ്നങ്ങളാണ് ചിത്രത്തിന്റെ പശ്ചാത്തലം. ഇവിടേയ്ക്ക് എത്തുന്ന ഫോറസ്റ്റ് സർവീസ് ഉദ്യോഗസ്ഥയാണ് വിദ്യാ ബാലന്റെ കഥാപാത്രം. ശകുന്തള ദേവിയുടെ ജീവിത കഥ പറയുന്ന ചിത്രമായിരുന്നു ഏറ്റവും ഒടുവിൽ പുറത്തു വന്ന വിദ്യാ ബാലൻ ചിത്രം. ആമസോൺ പ്രൈമിലാണ് ചിത്രം റിലീസ് ചെയ്തത്.