അതൊന്നും ത്യാ​ഗം ആയിരുന്നില്ല; ഞാനാ​ഗ്രഹിച്ചതാണ്; വിവാഹ ശേഷമെടുത്ത തീരുമാനത്തെക്കുറിച്ച് ജയ ബച്ചൻ

കരിയറിനൊപ്പം തന്നെ കുടുംബ ജീവിതത്തിനും വലിയ പ്രധാന്യം നൽകുന്ന ആളാണ് അമിതാബ് ബച്ചൻ. ആഘോഷ ദിവസങ്ങളിൽ ബച്ചൻ കുടുംബത്തിലെ എല്ലാവരും ഒത്തു ചേരുന്നു. ബോളിവുഡിലെ പാർട്ടികളേക്കാളും ബച്ചൻ കുടുംബത്തിലെ അം​ഗങ്ങൾ കുടുംബത്തോടൊപ്പമുള്ള സമയത്തിനാണ് പ്രാധാന്യം നൽകുന്നത്.

ഇപ്പോഴിതാ ജയ ബച്ചൻ തന്റെ കുടുംബ ജീവിതത്തെ പറ്റി പറഞ്ഞ വാക്കുകളാണ് ശ്രദ്ധ നേടുന്നത്. അമിതാബ് ബച്ചനെ വിവാഹം കഴിച്ച ശേഷം സിനിമകളിൽ നിന്ന് ജയ ഇടവേള എടുത്തിരുന്നു. എന്നാൽ ഇത് ത്യാ​ഗം അല്ലായിരുന്നെന്ന് ജയ പറയുന്നു.

Also Read: ലോകത്തെ എല്ലാ സിനിമയും കാണും, അതിൽ നിന്ന് മറ്റൊരു സിനിമ; അന്ന് പ്രിയദർശൻ അപമാനിക്കപ്പെട്ടപ്പോൾ

നമ്മൾ ഉള്ളിൽ ആ​ഗ്രഹിച്ച് ഒരു കാര്യം ചെയ്യുമ്പോൾ അത് ത്യാ​ഗമല്ല. സിനിമാ രം​ഗം വിട്ട് കുടുംബ ജീവിതത്തിലേക്ക് ശ്രദ്ധ നൽകണമെന്നത് തന്റെ ആ​ഗ്രഹം ആയിരുന്നെന്നും ജയ ബച്ചൻ പറയുന്നു. ഞാൻ അഭിനയം നിർത്തുകയാണെന്ന് പറഞ്ഞപ്പോൾ എല്ലാവരും പറഞ്ഞു, വിവാഹത്തിനും കുട്ടികൾക്കും വേണ്ടി അവൾ ത്യാ​ഗം ചെയ്യുന്നു എന്ന്.

പക്ഷെ അത് അങ്ങനെ ആയിരുന്നില്ല. കുടുംബസ്ഥയെന്ന റോൾ ജോലിയേക്കാളും ഞാൻ ആസ്വദിച്ചു. സിനിമയിൽ ചെയ്തത് തന്നെ വീണ്ടും ചെയ്യുകയായിരുന്നെന്നും ജയ ബച്ചൻ പറഞ്ഞു.

1981 ലെ സിൽസില എന്ന സിനിമയ്ക്ക് ശേഷമാണ് ജയ ബച്ചൻ അഭിനയത്തിൽ നിന്ന് ഇടവേള എടുത്തത്. ഇക്കാലഘട്ടത്തിൽ ഭർത്താവ് അമിതാബ് ബച്ചൻ സൂപ്പർ സ്റ്റാർ ആയി വളർന്നു വന്നു. 2000 ൽ നടി സിനിമയിലേക്ക് തിരിച്ചെത്തുകയും ചെയ്തു. ഹൃതിക് റോഷൻ ഫിസ എന്ന സിനിമയിലാണ് ജയ ഇടവേളയ്ക്ക് ശേഷം ആദ്യമായി അഭിനയിച്ചത്.

ബോളിവുഡിൽ ജയയും അമിതാബ് ബച്ചനും തമ്മിലുള്ള വിവാഹവും ​ഗോസിപ്പുകളും എപ്പോഴും ചർച്ച വിഷയമാവാറുണ്ട്. നടി രേഖയെയും ബച്ചനെയും ചേർത്ത് വന്ന ​ഗോസിപ്പുകളാണ് ഇതിന് കാരണം. ഓൺസ്ക്രീനിലെ സൂപ്പർ ഹിറ്റ് ജോഡി ആയിരുന്നു രേഖയും ബച്ചനും. ഇരുവരും തമ്മിൽ പ്രണയത്തിലാണെന്ന് ​ഗോസിപ്പും അന്ന് ശക്തമായിരുന്നു.

ഇതിനിടെ ആണ് രേഖ ബച്ചനെ വിവാഹം കഴിക്കുന്നത്. വിവാഹ ശേഷവും ബച്ചൻ-രേഖ ​ഗോസിപ്പ് തുടർന്നു. രേഖ ഇപ്പോഴും ബച്ചന്റെ രഹസ്യ കാമുകി ആണെന്ന് വിശ്വസിക്കുന്നവരും ഉണ്ട്. എന്നാൽ ഇത്തരം ​ഗോസിപ്പുകളൊന്നും ജയ ബച്ചൻ കാര്യമാക്കാറില്ല. ജയയുടെ ഭർത്താവ് അമിതാബ് ​ബച്ചനും ഇതിനോട് മൗനം പാലിക്കാറാണ് പതിവ്.