കാമുകന്റെ വേര്‍പാടിന് പിന്നാലെ നടി ഷെഹനാസ് മറ്റൊരു ബന്ധത്തിലേക്ക്; നടിയെ കുറിച്ചുള്ള പുതിയ അഭ്യൂഹം പുറത്ത്

ഇന്ത്യന്‍ സിനിമാലോകം ഏറ്റവുമധികം ചര്‍ച്ചയാക്കിയ പ്രണയമാണ് ഷെഹനാസിന്റെയും സിദ്ധാര്‍ഥിന്റെയും. ഇരുവരും വിവാഹം കഴിച്ച് സന്തോഷത്തോടെ ജീവിക്കുമെന്ന് കരുതി കാത്തിരിക്കുകയായിരുന്നു ആരാധകര്‍. എന്നാല്‍ അപ്രതീക്ഷിതമായി നടന്റെ വേര്‍പാടുണ്ടാക്കിയ വേദനയില്‍ നിന്നും പുറത്ത് വന്ന ഷെഹനാസ് അഭിനയമടക്കമുള്ള തന്റെ പ്രൊഫഷണല്‍ ജീവിതത്തിലേക്ക് തിരിഞ്ഞു. ഇതിനിടയിലാണ് പുതിയൊരു ജീവിതത്തിലേക്ക് പ്രവേശിക്കാന്‍ നടി ഒരുങ്ങുന്നതായിട്ടുള്ള വിവരം വരുന്നത്.

പ്രശസ്ത ടെലിവിഷന്‍ താരവും പ്രൊഫഷണല്‍ ഡാന്‍സറുമായ രാഘവ് ജുയലുമായി ഷെഹനാസ് പ്രണയത്തിലായെന്ന് റിപ്പോര്‍ട്ടുകള്‍ പ്രചരിക്കുകയാണ്. നിലവില്‍ സല്‍മാന്‍ ഖാന്‍ നായകനായി അഭിനയിക്കുന്ന 'കഭി ഈദ് കഭി ദീവാലി' എന്ന ചിത്രത്തില്‍ അഭിനയിക്കുകയാണ് ഷെഹനാസ്. ബോളിവുഡിലേക്കുള്ള അരങ്ങേറ്റ ചിത്രം കൂടിയാണിത്. ഈ സിനിമയുടെ ലൊക്കേഷനില്‍ വച്ചാണ് ഡാന്‍സ് കൊറിയോഗ്രാഫറും നര്‍ത്തകനുമായ രാഘവ് ജുയലിനെ ഷെഹനാസ് പരിചയപ്പെടുന്നത്.

ഇരുവരും ഈ ലൊക്കേഷനില്‍ നിന്ന് തന്നെ പ്രണയത്തിലായെന്നാണ് സൂം പുറത്ത് വിട്ട റിപ്പോര്‍ട്ടില്‍ സൂചിപ്പിക്കുന്നത്. നല്ല സുഹൃത്ത് എന്നതിലുപരി ഷെഹനാസിന്റെ വ്യക്തി ജീവിതത്തില്‍ വളരെ അടുപ്പം കാണിക്കുന്ന രീതിയിലേക്ക് രാഘവിന്റെ സൗഹൃദം വളര്‍ന്നുവെന്നും പറയപ്പെടുന്നു. ഇരുവരും ഒരുമിച്ച് ഋഷികേശിലേക്ക് യാത്ര ചെയ്യുന്ന ചിത്രങ്ങള്‍ പുറത്ത് വന്നതോടെ കിംവദന്തികള്‍ ശക്തമായി പുറത്ത് വന്ന് തുടങ്ങി. വൈകാതെ താരങ്ങള്‍ തന്നെ ഇതിലൊരു വിശദീകരണം നല്‍കുമെന്നാണ് ആരാധകരും കരുതി കാത്തിരിക്കുന്നത്.

സിദ്ധാര്‍ഥുമായി ശക്തമായ പ്രണയമുണ്ടായത് പോലെ അദ്ദേഹത്തിന്റെ വേര്‍പാടില്‍ നിന്നുള്ള നടിയുടെ തിരിച്ച് വരവും ആരാധകരെ അത്ഭുതപ്പെടുത്തിയിരുന്നു. ഷെഹനാസ് എത്രത്തോളം ശക്തിയുള്ളവളാണെന്ന് അന്നേരമാണ് മനസിലായതെന്നാണ് ആരാധകരും പറഞ്ഞത്. ഇനിയൊരു ജീവിതം നടി വേഗം തന്നെ തിരഞ്ഞെടുക്കുയാണെങ്കില്‍ അത് വേദനയുടെ ആഴം കുറയ്ക്കുമെന്നും ആരാധകര്‍ കമന്റിലൂടെ പറയുന്നു. എന്നാല്‍ ഇതുള്‍കൊള്ളാന്‍ കഴിയാത്തവര്‍ നെഗറ്റീവ് കമന്റുകളുമായിട്ടും വരുന്നുണ്ട്.