സഹോദരിയുടെ കാമുകനെ കുറിച്ചുള്ള ചോദ്യം; ഹൃത്വിക് റോഷനുമായി നല്ല ബന്ധമാണെന്ന് സുസന്നെയുടെ സഹോദരന്‍

സുസന്നെ ഖാനും നടന്‍ അര്‍സ്ലാന്‍ ഗോനിയും തമ്മില്‍ പ്രണയത്തിലാണെന്നാണ് ഗോസിപ്പുകള്‍. ഇതിനെ കുറിച്ചാണ് സെയിദിനോട് ചോദിച്ചത്. 'നമുക്ക് ആവശ്യമുള്ളപ്പോള്‍ ഒരാള്‍ കൂടെ ഉണ്ടാവുന്നത് വളരെ പ്രധാനപ്പെട്ട കാര്യമാണ്. അര്‍സ്ലാന്‍ നല്ലൊരു പയ്യനാണ്. അവന്‍ സ്വീറ്റ് ഹാര്‍ട്ടാണ്. അവര്‍ രണ്ട് പേര്‍ക്കും സന്തോഷമുണ്ടെങ്കില്‍ പിന്നെ അതിലെന്തെങ്കിലും പറയാന്‍ ഞാനാരാണ്? എന്നും സന്തോഷത്തോടെ ഇരിക്കുകയാണ് വേണ്ടതെന്ന്' അര്‍സ്ലാന്‍ വ്യക്തമാക്കുന്നു.

ഇതേ അഭിമുഖത്തില്‍ അളിയനായിരുന്ന ഹൃത്വിക് റോഷനുമായി സെയിദിനുള്ള ബന്ധത്തെ കുറിച്ചും ചോദിച്ചിരുന്നു. പത്ത് വയസ് മുതല്‍ ഹൃത്വികിനെ തനിക്ക് അറിയാം. അദ്ദേഹത്തെ താന്‍ വളരെയധികം സ്‌നേഹിക്കുകയും ബഹുമാനിക്കുകയും ചെയ്യുന്നുണ്ട്.

ഹൃത്വിക് തനിക്കൊരു സഹോദരനെ പോലെയാണ്. അദ്ദേഹവുമായി എന്ത് പങ്കുവെക്കാനും എനിക്ക് കുഴപ്പമില്ല. മാത്രമല്ല ഹൃത്വികില്‍ നിന്നും നല്ല ഉപദേശങ്ങള്‍ ലഭിക്കാറുണ്ടെന്നും സെയിദ് സൂചിപ്പിച്ചു.

2000 ത്തില്‍ വിവാഹിതരായ ഹൃത്വിക് റോഷനും സുസന്നെ ഖാനും 2014 ലാണ് വേര്‍പിരിയുന്നത്. ഈ ബന്ധത്തില്‍ രണ്ട് ആണ്‍മക്കളും ഉണ്ട്. വിവാഹമോചനത്തിന് ശേഷം മക്കളുടെ ആവശ്യങ്ങള്‍ക്ക് വേണ്ടി താരങ്ങള്‍ ഒരുമിച്ച് എത്താറുണ്ട്.

Recommended Video

ദൈവമേ ബ്ലെസ്ലിക്ക് ഇത്രയും ആരാധകരോ ? കണ്ണുതള്ളി കേരളം

ഇപ്പോള്‍ ഹൃത്വിക് സബാ ആസാദ് എന്ന ഗായികയുമായി ഇഷ്ടത്തിലാണ്. സുസന്നെ അര്‍സ്ലാനുമായി. മക്കളുടെ ആവശ്യത്തിനോ മറ്റ് ആഘോഷങ്ങളിലോ ഇരുവരും കാമുകന്റെയും കാമുകിയുടെയും കൂടെയാണ് എത്താറുള്ളത്. അങ്ങനൊരു ആത്മബന്ധവും താരങ്ങള്‍ക്കിടിയലുണ്ട്.