കത്രീനയെ വിവാഹം കഴിക്കുന്നതിന് വിക്കിയുടെ കുടുംബത്തിൽ എതിർപ്പ്? കല്യാണത്തിൽ പങ്കെടുക്കില്ലെന്ന് റിപ്പോർട്ട്

വിവാഹവുമായി ബന്ധപ്പെട്ട ഒരുക്കങ്ങൾ വളരെ രഹസ്യമായിട്ടാണ് ഇരു കുടുംബാംഗങ്ങളിലും നടക്കുന്നത്. എന്നാൽ ഇപ്പോൾ പുറത്ത് വരുന്നത് വിക്കിയുടെ കുടുംബവുമായി ബന്ധപ്പെട്ട വാർത്തയാണ്. കത്രീനയുമായുള്ള വിവാഹത്തിന് നടന്റെ കുടുംബാംഗങ്ങൾക്ക് അധികം താൽപര്യമില്ലെന്നുള്ള വിവരമാണ് പുറത്ത് വരുന്നത്. കൗശൽ കുടുംബത്തിലെ ഒരു മുതിർന്ന അംഗം വിവാഹത്തിന് എതിർപ്പ് അറിയിച്ചിരിക്കുകയാണ്. ഇദ്ദേഹത്തെ അനുനയിപ്പിക്കാനുളള ശ്രമങ്ങൾ തകൃതിയായി നടക്കുകയാണെന്നുമാണ് ഇപ്പോൾ പ്രചരിക്കുന്ന വാർത്ത.

ബോളിവുഡ് മാധ്യമമാണ് ഇതുസംബന്ധമായ വാർത്ത പുറത്ത് വിട്ടിരിക്കുന്നത്. വിവാഹത്തിന് മുതിർന്ന അംഗത്തിന് താൽപര്യമില്ലാത്തത് കൊണ്ട് ഇദ്ദേഹം കല്യാണ ഒരുക്കങ്ങളിൽ നിന്ന് മാറി നിൽക്കുകയാണ്. കൂടാതെ വിക്കിയും കത്രീനയും കല്യാണത്തിന് ശേഷം മറ്റൊരു വീട്ടിലേയ്ക്ക് താമസം മറുമെന്നും വാർത്തകൾ പ്രചരിക്കുന്നുണ്ട് . അതേസമയം ദീപാവലിയ്ക്ക് വിക്കിയുടെ അമ്മ കത്രീനയ്ക്ക് സമ്മാനം കൊടുത്ത് വിട്ടിരുന്നു. വിവാഹത്തിന് അമ്മയ്ക്ക് എതിർപ്പില്ലെന്നാണ് സൂചന.

അതേസമയം വിക്കി-കത്രീന വിവാഹം ഗോസിപ്പ് മാത്രമാണെന്ന് പറഞ്ഞ് കൊണ്ട് നടന്റെ സഹോദരി ഉപാസന രംഗത്ത് എത്തിയിരുന്നു. ദിവസങ്ങൾക്ക് മുമ്പായിരുന്നു ഇതിനെ കുറിച്ച് വെളിപ്പെടുത്തിയത്.''വിക്കിയുടേയും കത്രീനയുടെയും വിവാഹവുമായി ബന്ധപ്പെട്ട വാര്‍ത്ത മാധ്യമങ്ങള്‍ പ്രചരിപ്പിച്ചതാണ്. എല്ലാം വെറും കിംവദന്തികളാണ്. ശരിക്കും വിവാഹമാണെങ്കില്‍ അവര്‍ തന്നെ അത് പ്രഖ്യാപിക്കുമായിരുന്നു. ബോളിവുഡ് താരങ്ങളെക്കുറിച്ച് കിംവദന്തികള്‍ പ്രചരിക്കാറുള്ളതാണ്. കുറച്ച് ദിവസത്തിനുള്ളില്‍ തന്നെ അത് കെട്ടടങ്ങുകയും ചെയ്യും. ഞാന്‍ വിക്കിയോട് സംസാരിച്ചു. ഇങ്ങനെയൊന്നും നടക്കുന്നില്ലെന്ന് അവന്‍ പറഞ്ഞു. അതിനാല്‍ ഇതേക്കുറിച്ച് കൂടുതലൊന്നും പറയാനില്ല'' എന്നായിരുന്നു ഉപസാന പറഞ്ഞത്. സഹോദരിയുടെ വാക്കുകളിൽ നിന്നും കല്യാണത്തിനുളള എതിർപ്പാണ് ഇപ്പോൾ വ്യക്താമകുന്നത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

വിവാഹത്തെ കുറിച്ചുള്ള ചർച്ചകൾ സോഷ്യൽ മീഡിയയിലും സിനിമകോളങ്ങളിലും കനക്കുമ്പോൾ ഇതിനെ കുറിച്ച് താരങ്ങൾ ഇതുവരെ പ്രതികരിച്ചിട്ടില്ല. നേരത്തെ വിവാഹ വാർത്തയ കുറിച്ച് പ്രതികരിച്ച വിക്കി രംഗത്ത് എത്തിയിരുന്നു. ഇ ടൈംസിന് നൽകിയ അഭിമുഖത്തിലാണ് വിവാഹത്തെ കുറിച്ച് പ്രതികരിച്ചത്. താരങ്ങളുടെ വിവാഹനിശ്ചയം രഹസ്യമായി കഴിഞ്ഞുവെന്ന് വാർത്തകൾ പുറത്ത് വന്നിരുന്നു. ഇതിന് മറുപടിയായിട്ടായിരുന്നു വിക്കിയുടെ പ്രതികരണം. ആ വാർത്തകൾ പ്രചരിപ്പിക്കുന്നത്, നിങ്ങളുടെ സുഹൃത്തുക്കളാണ്. സമയം വരുമ്പോള്‍ ഞാന്‍ എന്‍ഗേജ്ഡ് ആകും. അതിന് സമയം വരണമെമന്നായിരുന്നു നടൻ പറഞ്ഞത്. വിക്കിയുടെ വാക്കുകൾ സിനിമ കോളങ്ങളിൽ വലിയ ചർച്ചയായിരുന്നു. ഇതിന് പിന്നാലെയായിരുന്നു താരവിവാഹത്തെ കുറിച്ച് കൂടുതൽ വാർത്തകൾ പ്രചരിക്കാൻ തുടങ്ങിയത്.