Click it and Unblock the Notifications
വിവാഹ വാര്ഷിക ദിനത്തില് താരപത്നിയെ ചേര്ത്ത് നിര്ത്തി കോലി പറയുന്നു നീ എന്റേത് മാത്രമാണെന്ന്!
ബോളിവുഡില് ഈ വര്ഷം താരവിവാഹങ്ങളുടെ മേളമായിരുന്നു. ദീപിക പദുക്കോണ്-രണ്വീര് സിംഗ്, പ്രിയങ്ക ചോപ്ര-നിക്ക് ജോണ്സ് വിവാഹമായിരുന്നു അടുത്തിടെ കഴിഞ്ഞത്. കഴിഞ്ഞ വര്ഷവും ഇതുപോലൊരു ആഡംബര വിവാഹം നടന്നിരുന്നു. ബോളിവുഡിന്റെ താരസുന്ദരി അനുഷ്ക ശര്മ്മയും ക്രിക്കറ്റ് നായകന് വിരാട് കോലിയും തമ്മിലുള്ള വിവാഹമായിരുന്നു കഴിഞ്ഞ വര്ഷം ഡിസംബര് പതിനൊന്നിന് നടന്നത്.
ഇരുവരും ഒന്നിച്ച് ജീവിക്കാന് തുടങ്ങിയിട്ട് ഇന്നേക്ക് ഒരു വര്ഷമായിരിക്കുകയാണ്. ഇക്കാര്യം പറഞ്ഞ് താരങ്ങള് പരസ്പരം ആശംസകളുമായി എത്തിയിരിക്കുകയാണ്. 'കാലം കടന്ന് പോവുന്നത് അറിയാതിരിക്കുക സ്വര്ഗീയമാണ്. ഒരു നല്ല പുരുഷനെ വിവാഹം കഴിക്കുക എന്നതും സ്വര്ഗീയ'മാണെന്നാണ് വിവാഹവാര്ഷികത്തെ കുറിച്ച് അനുഷ്ക പറയുന്നത്. ഇരുവരുടെയും വിവാഹത്തിന്റെയും സത്കാരത്തിന്റെയും ദൃശ്യങ്ങള് കോര്ത്തിണക്കിയ വീഡിയോ പങ്കുവെച്ച് കൊണ്ടാണ് നടി ഇക്കാര്യം പറഞ്ഞത്.
'ഒരു വര്ഷമായെന്ന് ഒരിക്കലും വിശ്വസിക്കാന് കഴിയുന്നില്ല. എല്ലാം ഇന്നലെ കഴിഞ്ഞത് പോലെ തോന്നുകയാണ്. സമയം ശരിക്കും പറന്നാണ് പോയത്. എന്റെ ഏറ്റവുമടുത്ത സുഹൃത്തിന്, എന്റെ ആത്മസഖിക്ക്്, വിവാഹവാര്ഷിക ആശംസകള് നേരുന്നു, എന്നും എന്റേത് മാത്രം' എന്നുമായിരുന്നു വിരാട് പറഞ്ഞത്. വിവാഹനാളില് അനുഷ്കയെ ചേര്ത്ത് പിടിച്ച് നില്ക്കുന്ന ചിത്രവും താരം പങ്കുവെച്ചിരുന്നു.
ഏറെ കാലം ഗോസിപ്പു കോളങ്ങളിലും വാര്ത്തകളിലും നിറഞ്ഞ് നിന്ന വിരാട്-അനുഷക് 2017 ഡിസംബര് പതിനൊന്നിനായിരുന്നു വിവാഹിതരായത്. ഇറ്റലിയിലെ മിലാനിലുള്ള സ്വകാര്യ റിസോര്ട്ടില് നിന്നും അടുത്ത ബന്ധുക്കള്ക്കും സുഹൃത്തുക്കള്ക്കും ഒപ്പമായിരുന്നു താരവിവാഹം നടന്നത്. ശേഷം ഇന്ത്യയില് വിവാഹസത്കാരം സംഘടിപ്പിച്ചിരുന്നു.
Continue with Google