'എനിക്കും വെല്ലുവിളി ഉണ്ടായിരുന്നു, അവളെ ഞാൻ നിർബന്ധിച്ചിട്ടില്ല'; ജയ സിനിമ ഉപേക്ഷിക്കാൻ കാരണം അമിതാഭ് ബച്ചനോ?

'ഗുഡ്ഡിയുടെ സെറ്റിൽ വെച്ചാണ് അദ്ദേഹത്തെ പരിചയപ്പെട്ടത്. ഹരിവംശറായി ബച്ചന്റെ മകനായതിനാൽ എനിക്ക് അദ്ദേഹത്തോട് നേരത്തെ മുതൽ ബഹുമാനമുണ്ടായിരുന്നു. അദ്ദേഹം അൽപ്പം ഭയങ്കരനായിരുന്നു. അത് പറഞ്ഞപ്പോൾ ആളുകൾ എന്നെ നോക്കി ചിരിച്ചെങ്കിലും അദ്ദേഹം വ്യത്യസ്തനാണെന്ന് എനിക്ക് തോന്നി.'

'ഞാൻ എനിക്ക് തോന്നിയ കാര്യങ്ങൾ അദ്ദേഹത്തോട് തുറന്ന് പറഞ്ഞിട്ടുണ്ട്. സാധാരണ സ്റ്റീരിയോ ടൈപ്പ് ഹീറോ അല്ല അ​ദ്ദേഹമെന്ന് എനിക്ക് അറിയാമായിരുന്നിട്ടും ഞാൻ അദ്ദേഹവുമായി വളരെ വേ​ഗം പ്രണയത്തിലായി' എന്നാണ് മുമ്പൊരിക്കൽ ജയ പറഞ്ഞത്.

വിവാഹത്തോടെ സിനിമ ഉപേക്ഷിച്ച അല്ലെങ്കിൽ അഭിനയത്തിൽ നിന്നും ഇടവേളയെടുക്കുന്ന നിരവധി നടിമാരുണ്ട്. അക്കൂട്ടത്തിൽ ഒരാളായിരുന്നു ജയ ബച്ചനും. തന്റെ കരിയറിന്റെ ഉന്നതിയിലായിരുന്ന സമയത്തായിരുന്നു ബച്ചനുമായുള്ള ജയയുടെ വിവാഹം നടന്നത്.

വിവാഹശേഷം അഭിനയത്തോട് ജയ ബൈ പറഞ്ഞത് ആരാധകരെ ഒന്നടങ്കം വിഷമിപ്പിച്ച ഒന്നായിരുന്നു. ബച്ചനാണ് ജയയുടെ സിനിമാ ജീവിത്തതിന് ഫുൾ സ്റ്റോപ്പ് വരാൻ കാരണമെന്ന് വരെ പലപ്പോഴായി ആരാധകർ ആരോപിക്കുകയും ചെയ്തിരുന്നു.

'ഒരിക്കൽ ഇത്തരം ആരോപണങ്ങൾക്ക് അമിതാഭ് ബച്ചനും ജയയും മറുപടി നൽകിയിരുന്നു. ആ മറുപടികളാണ് ഇപ്പോൾ വീണ്ടും വൈറലാകുന്നത്. എല്ലാ വിവാഹവും ഒരു വെല്ലുവിളിയാണ്.'

'എന്റേതും വ്യത്യസ്തമായിരുന്നില്ല. ജയയിൽ എനിക്ക് ഏറെ പ്രശംസനീയമായി തോന്നിയ ഒരു കാര്യം സിനിമയ്ക്കല്ല കുടുംബത്തിനാണ് അവൾ മുൻഗണന നൽകിയത് എന്നതാണ്. എന്നിൽ നിന്ന് ഒരു തടസവും അവൾ അഭിനയിക്കുന്നതിൽ ഉണ്ടായിരുന്നില്ല. അത് അവളുടെ തീരുമാനമായിരുന്നു' അമിതാഭ് ബച്ചൻ പറഞ്ഞു.

'ഞാൻ അദ്ദേഹത്തിന്റെ എന്തെങ്കിലും കാര്യങ്ങൾ മാറ്റാൻ ആഗ്രഹിക്കുന്ന വ്യക്തിയല്ല. അദ്ദേഹം ഉള്ള രീതിയിൽ ഞാൻ വളരെ സന്തുഷ്ടയാണ്. അദ്ദേഹം എങ്ങനെയാണോ ഞാൻ അങ്ങനെ അ​ദ്ദേഹത്തെ സ്നേഹിക്കുന്നു. ഇപ്പോൾ അദ്ദേഹത്തിന് പ്രായമായിരിക്കുന്നു.'

'അത്ര ഫിറ്റ്ല്ല. പക്ഷെ ഓരോ ഭാര്യയും ആഗ്രഹിക്കുന്നപ്പോലെ എപ്പോഴും ഭർത്താവ് തന്റെ അടുത്ത് വേണമെന്ന് എനിക്ക് നിർബന്ധമില്ല. കുട്ടികളോടൊപ്പവും എന്നോടൊപ്പവും സമയം ചിലവഴിക്കണമെന്ന ആ​ഗ്രഹം തീർച്ചയായുമുണ്ട്.'

'അദ്ദേഹത്തിന് എളുപ്പത്തിലും വേഗത്തിലും തീരുമാനങ്ങൾ എടുക്കാൻ കഴിയില്ല. ഞാൻ തികച്ചും വ്യത്യസ്തനായതിനാൽ അദ്ദേഹത്തിന് അത് സാധിക്കണെയെന്ന് ഞാൻ പലപ്പോഴും ആഗ്രഹിച്ചിട്ടുണ്ട്.'

'ഞങ്ങൾ ഒരിക്കലും പരസ്പരം തീരുമാനങ്ങൾ അടിച്ചേൽപ്പിക്കാറില്ല. കുടുംബത്തെ സംബന്ധിച്ച തീരുമാനമാണെങ്കിൽ ഞങ്ങൾ ഒരുമിച്ച് ഇരുന്ന് തീരുമാനിക്കും. എന്നാൽ അവനവന്റെ കാര്യത്തിൽ അവനവൻ തന്നെയാണ് തീരുമാനങ്ങൾ എടുക്കുന്നത്' ജയ ബച്ചൻ പറഞ്ഞു.