കരീന കപൂറിന്റെ മുഖത്തിന് ഇതെന്താണ് പറ്റിയത്; സഹോദരി പങ്കുവെച്ച ചിത്രത്തില്‍ ചുവന്ന മുഖവുമായി താരസുന്ദരി

ചുവന്ന പൂക്കള്‍ ഉള്ള ക്രീം കളറിലുള്ള വസ്ത്രം ധരിച്ചാണ് കരിഷ്മ കപൂര്‍ ചിത്രത്തിലുള്ളത്. ആകാശനീല നിറമുള്ള വസ്ത്രത്തില്‍ കരീനയും നില്‍ക്കുന്നു. 'രണ്ടുപേര്‍ക്കും ഇടയില്‍ എല്ലാത്തിനും പരസ്പരം നന്ദിയുള്ളവരാണ്'. എന്നാണ് ചിത്രത്തിന് ക്യാപ്ഷനായി കരിഷ്മ കുറിച്ചത്. എല്ലാ കാലത്തെയും ഏറ്റവും മികച്ച സഹോദരിമാര്‍ എന്ന് ഹാഷ് ടാഗിലൂടെ സൂചിപ്പിക്കുകയും ചെയ്തു. ഇതിന് താഴെ ദിയ മിര്‍സ, സബ അലി ഖാന്‍ തുടങ്ങി ബോളിവുഡില്‍ നിന്നുള്ള പ്രമുഖരടക്കം കമന്റുകളുമായി എത്തി.

ചിലര്‍ കരീനയുടെ മുഖത്തിന് എന്താണ് പറ്റിയതെന്ന് ചോദിച്ച് എത്തി. നടിയുടെ മുഖം ചുവന്ന് കിടക്കുകയായിരുന്നു. അതിന്റെ കാരണം എന്താണെന്ന് ചോദിച്ച് കൊണ്ടാണ് ഓരോരുത്തരും എത്തിയത്. സൂര്യാഘാതം ഏറ്റതാണോ എന്നും വെയിലത്ത് ഇറങ്ങുമ്പോള്‍ കുറച്ച് കൂടി സുരക്ഷിതത്വം നോക്കണമെന്നുമെക്കെയുള്ള ഉപദേശങ്ങളും ആരംഭിച്ചു. എന്നാല്‍ നടിയോ താരകുടുംബമോ ഇതില്‍ വിശദീകരണം നല്‍കാനോ മറുപടികള്‍ക്കോ നിന്നില്ല. സാധാരണ സംഭവമായി കുടുംബം അത് തള്ളി കളഞ്ഞിരിക്കുകയാണ്.

കരിഷ്മയും കരീനയും കുടുംബസമേതം അവധി ആഘോഷിക്കാന്‍ മാലിദ്വീപിലേക്ക് പോയതായിരുന്നു. ഇരുവരുടെയും കൂടെ മക്കളും ഉണ്ടായിരുന്നു. കരിഷ്മയുടെ കൂടെ മക്കളായ സമൈറയും കിയാനും കരീനയുടെ കൂടെ തൈമൂറും ജഹാംഗീറും ഉണ്ട്. കഴിഞ്ഞ ആഴ്ചകളിലായി താരകുടുംബം മാലിദ്വീപില്‍ അടിച്ച് പൊളിക്കുന്നതിന്റെ ചിത്രങ്ങളും വീഡിയോസും സോഷ്യല്‍ മീഡിയകളിലൂടെ പങ്കുവെച്ചിരുന്നു. നിലവില്‍ ആമിര്‍ ഖാന്റെ കൂടെ അഭിനയിച്ച ലാല്‍ സിംഗ് ഛദ്ദ എന്ന സിനിമയുടെ റിലീസിന് വേണ്ടി കാത്തിരിക്കുകയാണ് നടി.
പേരാണോ എന്നറിയാനാണ് ഏവരും കാത്തിരിക്കുന്നത്.