10 വര്‍ഷം മുമ്പ് തണുത്തു വിറക്കുന്ന ന്യൂയോര്‍ക്കിലെ രാത്രിയിലാണ് ആഷ് അതു പറഞ്ഞത് അഭിഷേക് ബച്ചന്‍

പ്രണയ നിമിഷം ഓര്‍ത്തെടുത്ത് അഭിഷേക് ബച്ചന്‍

പ്രണയിനി ഇഷ്ടമാണെന്നറിയിച്ച ദിവസത്തെ ഓര്‍ത്തെടുത്ത് അഭിഷേക് ബച്ചന്‍. ആഷ് അഭിഷേക് ബന്ധത്തിന് പത്തുവയസ്സായെന്ന കാര്യം ട്വിറ്ററിലൂടെയാണ് ആരാധകരെ അറിയിച്ചത്.

ഐശ്വര്യ സമ്മതം മൂളിയ ദിവസം

പത്തുവര്‍ഷം മുമ്പ് തണുത്തുവിറക്കുന്ന ആ ന്യൂയോര്‍ക്ക് ബാല്‍ക്കണിയില്‍ വെച്ച് അവള്‍ സമ്മതം മൂളി എന്നാണ് അഭിഷേക് ട്വീറ്റ് ചെയ്തിട്ടുള്ളത്. ഇതാദ്യമായാണ് ഇത്തരമൊരു ട്വീറ്റ് അഭിഷേക് ചെയ്തിട്ടുള്ളത്.

മണിരത്‌നത്തിന്റെ ഗുരുവും ഐശ്വര്യയും

കജ് രാരെ എന്ന പാട്ടില്‍ ഇരുവരും ഒന്നിച്ച് അഭിനയിച്ചപ്പോള്‍ മുതല്‍ ഇരുവരും പ്രണയത്തിലാണെന്ന വാര്‍ത്ത പരന്നിരുന്നു. പിന്നീട് മണിരത്‌നത്തിന്റെ ഗുരുവിലും ഈ താരജോഡികള്‍ ഒന്നിച്ചതോടെ ഗോസിപ്പ് പ്രചരണം ശക്തമായി.

ഗുരുവിന്റെ ന്യൂയോര്‍ക്ക് ഷൂട്ടില്‍ വെച്ച് അതു സംഭവിച്ചു

ഗുരു സിനിമയുടെ ന്യൂയോര്‍ക്ക് ഷൂട്ടിനിടയിലാണ് ഐശ്വര്യ അഭിഷേകിനോട് ഇഷ്ടമാണെന്നു പറഞ്ഞത്. 2007 ഏപ്രില്‍ 20 നാണ് ഇരുവരും വിവാഹിതരായത്.

ആരോപണങ്ങള്‍ക്ക് മറുപടി നല്‍കാതെ പെര്‍ഫെക്റ്റ് കപ്പിള്‍സ്

ബോളിവുഡിലെ മികച്ച താരജോഡികളിലൊന്നായ ഐശ്വര്യയും അഭിഷേകും പിരിയുകയാണെന്നും ഐശ്വര്യ ആത്മഹത്യയ്ക്ക് ശ്രമിച്ചിരുന്നുവെന്നുമൊക്കെ വാര്‍ത്ത പ്രചരിച്ചിരുന്നു. എന്നാല്‍ അപ്പോഴൊന്നും വിഷയത്തെക്കുറിച്ച് കാര്യമായ പ്രതികരണം ഇരുവരും നല്‍കിയിരുന്നില്ല. ഇവരുടെ മകളായ കുഞ്ഞു ആരാധ്യയും ഇപ്പോള്‍ ബോളിവുഡിലെ കുഞ്ഞുസെലിബ്രിറ്റിയാണ്.