ഷാരുഖ് ഖാനും സല്‍മാനും തമ്മില്‍ വഴക്കായതോടെ ഐശ്വര്യ റായിയും റാണിയും തമ്മിലുള്ള സൗഹൃദവും പിരിഞ്ഞു, കഥയിങ്ങനെ

എന്തുകൊണ്ടാണ് ചല്‍ത്തെ ചല്‍ത്തെ സിനിമയില്‍ നിന്നും ഐശ്വര്യ റായിയെ മാറ്റി റാണിയ്ക്ക് ആ വേഷം ലഭിച്ചത് എന്നായിരുന്നു നടിയോട് ചോദിച്ചത്. 'അത് യാദൃശ്ചികം മാത്രമാണ്' എന്നാണ് റാണി നല്‍കിയ മറുപടി. എന്നാല്‍ അതിലൂടെ വലിയ നഷ്ടങ്ങളാണ് ഉണ്ടായത്. ഐശ്വര്യയുമായിട്ടുള്ള സൗഹൃദത്തില്‍ വിള്ളലുണ്ടാക്കി. ആ സിനിമ നഷ്ടപ്പെട്ടതിന് പിന്നാലെ ഐശ്വര്യ റായി സല്‍മാന്‍ ഖാനുമായിട്ടുള്ള പ്രണയബന്ധം വേര്‍പ്പെടുത്തി. അദ്ദേഹത്തിനൊപ്പം ഒരിക്കലും അഭിനയിക്കുകയില്ലെന്ന് പ്രതിഞ്ജ എടുക്കുകയും ചെയ്തു.

എന്റെ ക്ഷേമത്തിനും, എന്റെ വിവേകത്തിനും, എന്റെ അന്തസ്സിനും, എന്റെ കുടുംബത്തിന്റെ അന്തസ്സിനും ആത്മാഭിമാനത്തിനും വേണ്ടി. മതി! ഇനി ഞാന്‍ മിസ്റ്റര്‍ സല്‍മാന്‍ ഖാനൊപ്പം പ്രവര്‍ത്തിക്കില്ല. സല്‍മാന്‍ എന്ന അധ്യായം എന്റെ ജീവിതത്തിലെ ഒരു പേടിസ്വപ്നമായിരുന്നു, അത് അവസാനിച്ചതില്‍ ഞാന്‍ ദൈവത്തോട് നന്ദി പറയുന്നു എന്നാണ് അന്ന് ഐശ്വര്യ റായി പറഞ്ഞത്. മാത്രമല്ല സല്‍മാന്‍ ഖാനെ കുറിച്ചുള്ള നിരവധി വെളിപ്പെടുത്തലുകളും ഐശ്വര്യ നടത്തിയിട്ടുണ്ട്.

എല്ലാവരും എന്റെ നിലപാടിനെ തെറ്റായി ചിത്രീകരിക്കുകയും എന്റെ സ്വഭാവത്തെ കുറിച്ചും അടിസ്ഥാനരഹിതമായിട്ടുള്ള ആരോപണം ഉന്നയിക്കുകയും പല കിംവദന്തികള്‍ പ്രചരിപ്പിക്കുകയും ചെയ്തിരുന്നു. മാത്രമല്ല ആരോഗ്യകരമായിട്ടുള്ള തന്റെ തൊഴില്‍ ജീവിതം നശിപ്പിക്കാന്‍ ശ്രമിക്കുകയും ചെയ്തു. എന്നിരുന്നാലും അത്രയും ഭയാനകവും അശ്ലീലവുമായ അനുഭവങ്ങളിലേക്ക് കടന്ന് ചെല്ലാന്‍ ഞാന്‍ വീണ്ടും ആഗ്രഹിക്കുന്നില്ല, എന്ന് തുടങ്ങി സല്‍മാനെതിരെ ഗുരുതര ആരോപണങ്ങളാണ് ഐശ്വര്യ വെളിപ്പെടുത്തിയത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

പ്രണയിച്ചിരുന്ന സമയത്ത് തന്നെ അദ്ദേഹം ശാരീരികമായിട്ടും മാനസികമായിട്ടും ഉപദ്രവിച്ചതിനെ പറ്റിയും സിനിമാ ലൊക്കേഷനുകളില്‍ പ്രശ്‌നങ്ങള്‍ ഉണ്ടാക്കുന്നതിനെ കുറിച്ചുമൊക്കെ നടി തുറന്ന് പറഞ്ഞിട്ടുണ്ട്. അതേ സമയം ഇപ്പോഴത്തെ ഐശ്വര്യയുടെ ഭര്‍ത്താവും നടനുമായ അഭിഷേക് ബച്ചനുമായി റാണി മുഖര്‍ജി പ്രണയിച്ചിരുന്ന കാലവും ഉണ്ടായിരുന്നു. വളരെ ശക്തമായ പ്രണയമായിരുന്നെങ്കിലും അത് വിവാഹത്തിലെത്തുന്നതിന് മുന്‍പ് പിരിയുകയായിരുന്നു.