നടിയുടെ ആ മോശം സ്വഭാവമാണ് രണ്‍ബീറിനെ ചൊടിപ്പിച്ചത്, പിന്നെ സംഭവിച്ചത്...

ഒരിക്കല്‍ അമീഷയുടെ പെരുമാറ്റത്തില്‍ ദേഷ്യം പൂണ്ട് രണ്‍ബീര്‍ പാര്‍ട്ടി വിട്ട ഒരു സംഭവവും ഉണ്ടായിട്ടുണ്ട്. രണ്‍ബീറുമായി ആരും കാണാതെ സ്വകാര്യസംഭാഷണം നടത്താന്‍ ശ്രമിച്ച അമീഷയ്ക്ക് പക്ഷെ, വലിയ പ്രഹരമാണ് കിട്ടിയത്. അനേകം സെലിബ്രിറ്റികളുടെ സാന്നിദ്ധ്യത്തില്‍ അമീഷയ്ക്ക് രണ്‍ബീറിനോട് മാത്രമായി എന്താണ് പറയാനുള്ളത് എന്ന് ചോദിച്ച് നിരവധി ഗോസിപ്പുകള്‍ അക്കാലത്ത് ഇരുവരേയും കുറിച്ച് ഉയര്‍ന്നിരുന്നു.

കരീന കപൂറിന്റെയും കരിഷ്മ കപൂറിന്റെയും അച്ഛനും നടനുമായ രണ്‍ധീര്‍ കപൂറിന്റെ 70-ാം പിറന്നാളിന് സംഘടിപ്പിച്ച പാര്‍ട്ടിയായിരുന്നു അത്. പക്ഷെ, രസം അതല്ല, അമീഷ പട്ടേലിനെ ആ പാര്‍ട്ടിയിലേക്ക് ക്ഷണിച്ചിരുന്നില്ല. ആര് ക്ഷണിച്ചിട്ടാണ് അമീഷ വന്നതെന്ന് അന്ന് എല്ലാവരും അത്ഭുതപ്പെട്ടിരുന്നു.

കാരണം കരീനയുമായി അത്ര നല്ല ബന്ധമല്ല അമീഷയ്ക്കുള്ളത്. പിന്നെ എന്താണ് വരവിന്റെ ഉദ്ദേശ്യം എന്ന് എല്ലാവര്‍ക്കും അറിയേണ്ടതുണ്ടായിരുന്നു. പക്ഷെ, അമീഷ വന്നപാടേ രണ്‍ബീറിനെ മാറ്റിനിര്‍ത്തി രഹസ്യമായി സംസാരിക്കാന്‍ തുടങ്ങി. എന്തുകൊണ്ടോ രണ്‍ബീറിന് അത് ഇഷ്ടപ്പെട്ടില്ല. പാര്‍ട്ടി വിട്ട് രണ്‍ബീര്‍ ഉടന്‍ തന്നെ വീട്ടിലേക്ക് മടങ്ങുകയും ചെയ്തു.

പാര്‍ട്ടിയില്‍ പങ്കെടുക്കാനെത്തിയ അമീഷ രണ്‍ബീറിനെക്കൊണ്ട് നിര്‍ബന്ധിച്ച് ഇരുവരുമൊന്നിച്ചുള്ള ഒരു ചിത്രം ഫോട്ടോഗ്രാഫര്‍മാരെക്കൊണ്ട് പകര്‍ത്തിയിരുന്നു, ഇതും അന്ന് ഗോസിപ്പ് കോളങ്ങളില്‍ വ്യാപകമായി പ്രചരിച്ചിരുന്നു. ഇരുവരും തമ്മിലുള്ള അടുത്ത ബന്ധത്തെ കുടുംബാംഗങ്ങള്‍ പോലും സംശയദൃഷ്ടിയോടെയാണ് നോക്കിക്കണ്ടത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

പക്ഷെ, അതില്‍പ്പിന്നെ അമീഷ പട്ടേലുമായി അകലം പാലിക്കുന്ന രണ്‍ബീറിനെയാണ് കണ്ടത്. അധികം വൈകാതെ നടി ആലിയ ഭട്ടുമായി സ്‌നേഹബന്ധം ആരംഭിക്കുകയും ചെയ്തു. കഴിഞ്ഞ ഏപ്രില്‍ 14-നായിരുന്നു രണ്‍ബീര്‍ കപൂര്‍- ആലിയ ഭട്ട് വിവാഹം.

അതേസമയം 47-കാരിയായ അമീഷ പട്ടേല്‍ ഇപ്പോഴും അവിവാഹിതയായി തുടരുകയാണ്.