കുഞ്ചാക്കോ ബോബൻ മൊമന്റ് ബോളിവുഡിലും!! ഒടുവിൽ ബിഗ്ബിക്കും കിട്ടി ആ പണി, കാണൂ

കുഞ്ചാക്കോ ബോബൻ മൊമന്റിൽ ബച്ചൻ

കുഞ്ചാക്കോബോബൻ മൊമന്റിൽ പെട്ടത് ഇന്ത്യൻ സിനിമയുടെ ഇതിഹാസമായ സാക്ഷാവ്‍ അമിതാഭ് ബച്ചനാണ്. ഗ്ലാസ് ഗോവിൽവെച്ചായിരുന്നു സംഭവം. നടപ്പാതയിലൂടെ സഞ്ചരിക്കുകയായിരുന്ന ബച്ചന്റെ അടുത്തേയ്ക്ക് കാർ നിർത്തി ഒരാൾ പുറത്തേയ്ക്ക് കൈവീശി കാണിച്ചു കൊണ്ട് ചോദിച്ചു. ഹലോ സൽമാൻഖാൻ സുഖമല്ലേ? എന്ന്

ബിഗ്ബിയുടെ റിയാക്ഷൻ

ഷാരൂഖാനും അമിതാഭ് ബച്ചനും അതിഥികളായി എത്തിയ ഒരു ടിവി ഷോയ്ക്കിടെയാണ് ബിഗ്ബി ഇക്കാര്യം തുറന്ന് പറഞ്ഞത്. ആ സംഭവത്തിനുളള ബിഗ്ബിയുടെ റിയാക്ഷൻ എന്തായിരുന്നു എന്നു മാത്രമാണ് എല്ലാവർക്കും അറിയേണ്ടിരുന്നത്. അതിനെ കുറിച്ച് ചോദിച്ചപ്പോഴണ് ആ രസകരമായ മറുപടി പറഞ്ഞത്. ഞാനും തിരിച്ച് കൈ വീശി അഭിസംബോധന ചെയ്തതിനു ശേഷം വീണ്ടും നടത്തം തുടരുകയായിരുന്നു. അതല്ലാതെ എന്റെ മുന്നിൽ മറ്റൊന്നും ചെയ്യാനില്ലായിരുന്നെന്നും ബിഗ് ബി ചിരിച്ചു കൊണ്ട് പറഞ്ഞു. ഷാരൂഖിന്റെ ചോദ്യത്തിനു ബിഗ്ബിയുടെ മറുപടിയ്ക്കും കൂട്ട ചിരിയായിരുന്നു സദസ്സിൽ നിന്ന് ലഭിച്ചത്.

എങ്ങനെ സംഭവിച്ചു

അമിതാഭ് ബച്ചന്റേയും സൽമാന്റേയും ഈ രസകരമായ കഥ ബോളിവുഡിൽ പാട്ടായിരിക്കുകയാണ്. എല്ലാവരും തമാശ രൂപേണേ ചിരിച്ചു തള്ളുകയാണ്. എന്നാൽ ഇത് എങ്ങനെ സംഭവിച്ചു എന്നാണ് എല്ലാവരും ചോദിക്കുന്നത്. നമ്മളെയൊക്കെ മാറി പോകാം. എന്നാൽഅമിതാഭ് ബച്ചനെ എങ്ങനയൊണ് മാറുകയെന്നാണ് എല്ലാവരുടേയും ചോദ്യം. താരങ്ങൾ ഇത് തുറന്ന് ചോദിച്ചിട്ടുണ്ടുമുണ്ട്.

മലയാളത്തിലെ കുഞ്ചാക്കോ ബോബൻ മൊമന്റ്

മലയാളത്തിൽ നിരവധി കുഞ്ചാക്കോബോബൻ മൊമന്റ്സ് സംഭവിച്ചിട്ടുണ്ട്. താരങ്ങൾ ഇതൊക്കെ തുറന്നു പറഞ്ഞിട്ടുമുണ്ട്. ഉണ്ണിമുകുന്ദൻ അല്ലേ എന്ന് ചോദിച്ചു കൊണ്ട് ടൊവിനോയുടെ അടുത്തേയ്ക്ക് ആരാധിക ഓടിയെത്തുകയും സംസാരിക്കുകയും ചെയ്ത കഥ ടൊവിനോ തന്നെ മുൻപൊരു അഭിമുഖത്തിൽ പറഞ്ഞിരുന്നു. അതുപോലെ തന്നെ സമാനമായ അനുഭവം നടൻ പൃഥ്വിരാജും പങ്കുവെച്ചിരുന്നു.