ചുണ്ടുകളുടെ ഭം​ഗിക്ക് ശിൽപ്പ ഷെട്ടിയുടെ ബോടോക്സ്; സിനിമയെ വരെ ബാധിച്ചു; തുറന്ന് പറഞ്ഞ അനിൽ കപൂർ

നടന്റെ മകളായ സോനം കപൂർ ബോളിവുഡിലെ മുൻ നിര നായിക നടിയാണ്. മകൻ ഹർഷവർധൻ കപൂറും സിനിമകളിൽ അഭിനയിക്കുന്നുണ്ട്. മൂത്തമകൾ റിയ കപൂർ ഫാഷൻ സംരഭകയാണ്. മികച്ച നടനെന്നതിനപ്പുറം നല്ല കുടുംബസ്ഥനായും അനിൽ കപൂർ അറിയപ്പെടുന്നു. വിവാദങ്ങളിൽ നിന്നും കഴിവതും മാറി നിൽക്കുന്ന നടനാണ് അനിൽ കപൂർ.

എന്നാൽ മുമ്പാെരിക്കൻ നടി ശിൽപ്പ ഷെട്ടിയെ പറ്റി അനിൽ കപൂർ പറഞ്ഞ വാക്കുകൾ ചർച്ചയായിരുന്നു. 2010 ലായിരുന്നു സംഭവം. കോഫി വിത്ത് കരണിൽ അതിഥിയായി എത്തിയതായിരുന്നു അനിൽ കപൂർ. പ്ലാസ്റ്റിക് സർജറി, ബോടോക്സ് തുടങ്ങിയ സൗന്ദര്യ വർധക മാർ​ഗങ്ങൾ സ്വീകരിച്ച താരങ്ങളിൽ ആരുടെ ലുക്കാണ് ഇഷ്ടപ്പെടാത്തത് എന്ന് റാപിഡ് ഫയർ റൗണ്ടിൽ കരൺ ജോഹർ ചോദിച്ചു.

ശിൽപ ഷെട്ടി ചെയ്ത ലിപ് ജോബ് തനിക്കിഷ്ടമായിരുന്നില്ലെന്ന് അനിൽ കപൂർ പറഞ്ഞു. ഇരുവരും അന്ന് ബദായ് ഹോ ബദായ് സിനിമയിൽ അഭിനയിക്കുകയായിരുന്നു. സിനിമയുടെ ചിത്രീകരണത്തിനിടെ ശിൽപ്പ ചുണ്ടിൽ വരുത്തിയ മാറ്റം സിനിമയുടെ തുടർച്ചയെയും ബാധിച്ചെന്ന് അനിൽ കപൂർ പറഞ്ഞു. എന്നാൽ ലിപ് ജോബ് ചെയ്ത ആദ്യ ഘട്ടത്തിലായിരുന്നു ഇങ്ങനെ തോന്നിയതെന്നും പിന്നീട് ശിൽപ്പയുടെ ചുണ്ടുകൾ മനോഹരമായെന്നും അനിൽ കപൂർ പറഞ്ഞു.

ശിൽപ്പ ഷെട്ടി മുഖത്ത് വരുത്തിയ മാറ്റം നേരത്തെ വലിയ ചർച്ചയായിരുന്നു. മൂക്കിനും ചുണ്ടിനും നടി പ്ലാസ്റ്റിക് സർജറി ചെയ്തിരുന്നു. വിഷയം വലിയ തോതിൽ ചർച്ചയായതോടെ ശിൽപ്പ തന്നെ ഇത് തുറന്ന് പറയുകയും ചെയ്തു.

ഞാൻ നോസ് ജോബ് ചെയ്തിട്ടുണ്ട്. അതിലെന്താണിത്ര കാര്യം എന്നായിരുന്നു ശിൽപ്പയുടെ പ്രതികരണം. സിനിമകളിൽ ഇപ്പോൾ സജീവമല്ലാത്ത ശിൽപ്പ ഇപ്പോൾ റിയാലിറ്റി ഷോകളിൽ ജ‍ഡ്ജായി എത്താറുണ്ട്. ഫിറ്റ്നസിൽ വലിയ ശ്രദ്ധ കൊടുക്കുന്ന നടി ലൈഫ് സ്റ്റെെൽ ഇൻഫ്ലുവൻസറായും ബോളിവുഡിൽ അറിയപ്പെടുന്നു.