വിവാഹത്തോട് നോ പറഞ്ഞ അനുഷ്ക, ദേഷ്യപ്പെട്ട് വിരാട്; ഇടയിൽ ഹോട്ട് ഫോട്ടോ ഷൂട്ടും; താരങ്ങളുടെ പഴയ ബ്രേക്ക് അപ്പ്

വ്യക്തിപരമായ കാര്യങ്ങൾ പുറംലോകത്തോട് പങ്കുവെക്കാനാ​ഗ്രഹിക്കാത്ത താരമാണ് അനുഷ്ക. ബോളിവ‍ുഡിലെ മുൻനിര നടി ആണെങ്കിലും ബോളിവുഡ് പാർട്ടികളിലോ ആഘോഷങ്ങളിലോ അനുഷ്കയെ കാണാറില്ല. ഇക്കാര്യങ്ങളിൽ വളരെ കാർക്കശ്യം കാണിക്കുന്ന നടിയാണ് അനുഷ്ക. 2013 ലാണ് വിരാട് കോലിയും അനുഷ്കയും പരിചയപ്പെടുന്നത്.

ഒരു പരസ്യ ചിത്രീകരണത്തിനിടെയായിരുന്നു കണ്ട് മുട്ടൽ. ഈ പരിചയം പിന്നീട് പ്രണയമായി മാറുകയായിരുന്നു. ഏറെ നാളത്തെ ​ഗോസിപ്പുകൾക്ക് ശേഷം 2014 ൽ തങ്ങൾ ഡേറ്റിം​ഗിലാണെന്ന് അനുഷ്കയും വിരാടും തുറന്നു പറഞ്ഞു.

എന്നാൽ പ്രണയകാലത്ത് ഇടയ്ക്ക് ഇരുവരും തമ്മിൽ പ്രശ്നങ്ങളും ഉണ്ടായിട്ടുണ്ട്. 2016 ൽ ഇരുവരും ബന്ധമുപേക്ഷിക്കാനും ഒരുങ്ങിയിരുന്നു. അനുഷ്കയോട് വിവാഹക്കാര്യം വിരാട് കോലി സൂചിപ്പിച്ചതായിരുന്നു പ്രശ്നത്തിന്റെ തുടക്കം, പെട്ടന്ന് വിവാഹം കഴിക്കാം എന്ന ആവശ്യത്തിന് അനുഷ്ക സമ്മതം പറഞ്ഞില്ല. കരിയറിന്റെ തിരക്കുകളിലായതിനാൽ കുറച്ചു കൂടി കഴിഞ്ഞിട്ട് മതിയെന്നായിരുന്നു അനുഷ്ക പറഞ്ഞത്. ഇത് വിരാട് കോലിക്ക് ഇഷ്ടപ്പെട്ടില്ലത്രെ.

ഇതിനിടെ ഒരു മെൻസ് മാ​ഗസിന് വേണ്ടി അനുഷ്ക ചെയ്ത ഹോട്ട് ഫോട്ടോഷൂട്ടും വിരാട് കോലിക്കിഷ്ടപ്പെട്ടില്ല. തർക്കത്തിലായ ഇരുവരും ഇൻസ്റ്റ​ഗ്രാമിൽ പരസ്പരം അൺഫോളോ ചെയ്തു. മാധ്യമങ്ങളിൽ ഇത് വലിയ തോതിൽ വാർത്തയായി. എന്നാൽ അധിക കാലം ഈ പിണക്കം നിലനിന്നില്ല.

ഇരുവരും വീണ്ടും സ്നേഹത്തിലായി. സോഷ്യൽ മീഡിയയിൽ രണ്ട് പേരും വീണ്ടും ഫോളോ ചെയ്തു. തന്റെ 28ാം പിറന്നാളിന് അനുഷ്കയെ വിരാട് കോലി എയർപോർട്ടിൽ ചെന്ന് സ്വീകരിക്കുകയും ചെയ്തു. ഇതോടെ വീണ്ടും വിരാട്-അനുഷ്ക പ്രണയം ബി ടൗൺ മാധ്യമങ്ങൾ ആഘോഷമാക്കി.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

2017 ഓടെ ഇരുവരും വിവാഹം കഴിക്കുകയും ചെയ്തു. വിവാഹ ശേഷവും അനുഷ്ക സിനിമാ അഭിനയം തുടർന്നു. എന്നാൽ മകൾ ജനിച്ചതോടെ അനുഷ്ക കരിയറിൽ നിന്നും വിട്ടു നിന്നു. 2018 ൽ പുറത്തിറങ്ങിയ സീറോ ആണ് അനുഷ്കയുടെ അവസാനം റിലീസ് ചെയ്ത സിനിമ.

നാല് വർഷത്തെ ഇടവേളയ്ക്ക് ശേഷം ചക്ഡാ എക്സ്പ്രസ് എന്ന സിനിമയിലൂടെ തിരിച്ചു വരാനൊരുങ്ങുകയാണ് അനുഷ്ക ശർമ്മ. സമൂഹ മാധ്യമങ്ങളിൽ സജീവമായ അനുഷ്കയും വിരാടും ഒരുമിച്ചുള്ള ഫോട്ടോകളും ഇടയ്ക്കിടെ പങ്കുവെക്കാറുണ്ട്.