അർജുനൊപ്പം മലൈകയെ കണ്ട ഭർത്താവിന്റെ സഹോദരൻ; പുകവലിക്കാനെന്ന് പറഞ്ഞ് തടി തപ്പി അർജുൻ

മലൈകയ്ക്ക് പ്രായം 48 ആണ്. അർജുനാവട്ടെ 37 ഉം. വിവാഹ മോചിതയും കൗമാരക്കാരനായ മകന്റ അമ്മയുമാണ് മലൈക. അർജുൻ അവിവാഹിതനായ ബോളിവുഡിലെ യുവനടൻമാരിൽ ഒരാളും. പ്രായ വ്യത്യാസം ഒരിക്കലും തങ്ങളുടെ ബന്ധത്തെ ബാധിച്ചിട്ടില്ലെന്നാണ് മലൈകയും അർജുനും നേരത്തെ വ്യക്തമാക്കിയത്. ഇത്തരം പഴഞ്ചൻ ചിന്താ​ഗതികൾ മാറ്റേണ്ട സമയമായെന്നും മലൈക പറഞ്ഞിരുന്നു.

നടനും നിർമാതാവുമായ അർബാസ് ഖാനായിരുന്നു മലൈകയുടെ മുൻ ഭർത്താവ്. ഇരുവരും 2017 ഓടെ വേർപിരിഞ്ഞു. പിന്നീടാണ് അർജുൻ കപൂർ മലൈകയുടെ ജീവിതത്തിലേക്ക് കടന്ന് വരുന്നത്. നടൻ സൽമാൻ ഖാന്റെ സഹോദരനാണ് അർബാസ് ഖാൻ. അർജുനും മലൈകയും തമ്മിലുള്ള ബന്ധത്തിൽ സൽമാന് നീരസമുണ്ടായിരുന്നെന്നും സൽമാനും അർജുനും തമ്മിൽ അസ്വാരസ്യങ്ങൾ ഉണ്ടായിരുന്നെന്നും നേരത്തെ റിപ്പോർട്ടുകൾ ഉണ്ടായിരുന്നു.

ഇതിനിടെ മലൈകയെയും അർജുനെയും സംബന്ധിച്ച് മറ്റൊരു ​ഗോസിപ്പും ബോളിവുഡിൽ പ്രചരിച്ചിരുന്നു. പ്രണയത്തിന്റെ തുടക്കകാലത്ത് മലൈകയെയും അർജുനെയും മലൈകയുടെ ഭർത്താവിന്റെ സഹോദരൻ സൊഹൈൽ ഖാൻ അവിചാരിതമായി ഒരു പരിപാടിയിൽ ഒരുമിച്ച് കണ്ടിരുന്നത്രെ. അനവസരത്തിലെ ഈ കണ്ടുമുട്ടൽ മൂന്ന് പേരെയും പരുങ്ങലിലാക്കിയത്രെ.

ഉടനെ തന്നെ മലൈകയും അർജുനും അപരിചതരെ പോലെ പെരുമാറാൻ തുടങ്ങി. ഇടയ്ക്ക് പുകവലിക്കട്ടെയെന്ന് പറഞ്ഞ് അർജുൻ ഇവിടെ നിന്നും മാറുകയും ചെയ്തു. സൊഹൈൽ ഖാൻ രണ്ട് പേരെയും കണ്ടെങ്കിലും സംസാരിച്ചില്ല. കുറച്ച് കഴിഞ്ഞ് അദ്ദേഹവും പോയി.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

മലൈകയുമായുള്ള പ്രണയത്തിൽ അർജുൻ കപൂറിന്റെ പിതാവ് ബോണി കപൂറിനും എതിർപ്പുണ്ടായിരുന്നത്രെ. എന്നാൽ പിതാവുമായി അകൽച്ചയിലായിരുന്ന അർജുൻ ഇതൊന്നും ശ്രദ്ധിച്ചില്ല. സൽമാൻ ഖാന്റെ സ​ഹോദരി അർപിത ഖാൻ ആയിരുന്നു അർജുൻ കപൂറിന്റെ മുൻ കാമുകി. ഈ ബന്ധം അവസാനിച്ചതോടെയാണ് മലൈകയുമായി അർജുൻ അടുക്കുന്നത്. അർജുൻ തന്റെ കുടുംബത്തിന് ചീത്തപ്പേരുണ്ടാക്കുന്നെന്ന് ആരോപിച്ച് സൽമാൻ ഖാൻ ബോണി കപൂറിന് മുന്നറിയിപ്പ് നൽകിയിരുന്നത്ര.

എന്നാൽ ഇതൊന്നും മലൈക-അർജുൻ ബന്ധത്തെ ബാധിച്ചില്ല. 2019 ലാണ് തങ്ങൾ പ്രണയത്തിലാണെന്ന് ഒരുമിച്ചുള്ള ഫോട്ടോയിലൂടെ അർജുനും മലൈകയും ആരാധകരെ അറിയിച്ചത്. ബോണി കപൂറിന്റെ ആദ്യ ഭാര്യയിലെ മകനാണ് അർജുൻ കപൂർ. അൻശുള എന്ന സഹോദരിയും അർജുനുണ്ട്.