ഡെലിവെറി ബോയ് തന്നതല്ല, ഐവിഎഫിലൂടെയാണെന്നതിൽ അഭിമാനം; മൂന്ന് കുഞ്ഞുങ്ങളുടെ അമ്മയായതിനെക്കുറിച്ച് ഫറ

കരിയറിനൊപ്പം തന്നെ ഫറാ ഖാന്റെ വ്യക്തി ജീവിതവും എപ്പോഴും വാർത്തകളിൽ നിറയാറുണ്ട്. 2004 ലാണ് ഫറാ ഖാൻ വിവാഹം കഴിക്കുന്നത്. കരിയറിന്റെ തിരക്കുകളിൽ ആയതിനാൽ വൈകിയാണ് ഫറ വിവാഹം കഴിച്ചത്.

ശിരിഷ് കുന്ദർ ആണ് ഫറാ ഖാന്റെ ഭർത്താവ്. ഐവിഎഫ് ട്രീറ്റ്മെന്റ് വഴി ആണ് ഫറാ ഖാനും ഭർത്താവും കുഞ്ഞുങ്ങളെ സ്വീകരിച്ചത്. മൂന്ന് കുഞ്ഞുങ്ങളാണ് ഇവർക്ക് ഐവിഎഫിലൂടെ പിറന്നത്.

ഐവിഎഫിലൂടെ കുഞ്ഞുങ്ങളെ സ്വീകരിച്ചതിൽ താൻ അഭിമാനിക്കുന്നു എന്ന് ഫറാ ഖാൻ മുമ്പൊരിക്കൽ ‌ പറഞ്ഞിരുന്നു. 2016 ൽ ഒരു വന്ധ്യതാ ക്ലിനിക്കിന്റെ ലോഞ്ചിനിടെ സംസാരിക്കുകയായിരുന്നു താരം.

'ഇതിൽ (ഐവിഎഫിൽ) അഭിമാനം കൊണ്ട് ആളുകൾ മുന്നോട്ട് വരേണ്ടത് പ്രധാനമാണ്. അത് ഇങ്ങനെ ചെയ്യണം എന്ന് ആ​ഗ്രഹിക്കുന്നവരും എന്നാൽ അതിന് ഭയപ്പെടുകയും ചെയ്യുന്നവർക്ക് ധൈര്യം നൽകും'

'ഐവിഎഫിലൂടെയാണ് എന്റെ കുഞ്ഞുങ്ങൾ പിറന്നതെന്ന് ഞാൻ അഭിമാനത്തോടെ പറയും. പിസ മാൻ ഡെലിവറി ചെയ്തതല്ല. ഞാനൊരു നടി അല്ല. എനിക്ക് 43 വയസ്സിലാണ് കുഞ്ഞുങ്ങൾ ജനിച്ചത്. കാരണം ചില സമയത്ത് നമ്മൾ കരിയർ ഉണ്ടാക്കുന്നതിന്റെ തിരക്കിൽ ആയിരിക്കും. പിന്നാടാണ് കാര്യങ്ങൾ മനസ്സിലാക്കുക,' ഫറാ ഖാൻ പറഞ്ഞതിങ്ങനെ.

കരിയറിന്റെ തിരക്കുകൾക്കിടയിലും കുടുംബത്തോടൊപ്പമുള്ള സമയത്തിന് ഇന്ന് ഫറാ ഖാൻ പ്രധാന്യം നൽകുന്നു. മക്കൾക്കൊപ്പമുള്ള ചിത്രങ്ങൾ ഫറാ ഖാൻ പങ്കുവെക്കാറുണ്ട്. സിരിഷ് കുന്ദറുമായുള്ള ഫറയുടെ വിവാഹം അന്ന് ഏറെ ചർച്ച ആയിരുന്നു.

ഫറാ ഖാനെക്കാൾ എട്ട് വയസ് കുറവാണ് സിരിഷിന്. ഫറാ ഖാനെക്കൂടാതെ ബോളിവുഡിലെ നിരവധി താരങ്ങൾ വാടക ​ഗർഭ ധാരണത്തിലൂടെ ആണ് കുഞ്ഞുങ്ങളെ സ്വീകരിച്ചത്.

പ്രീതി സിന്റ, പ്രിയങ്ക ചോപ്ര, ഷാരൂഖ് ഖാൻ-​ഗൗരി (ഇളയ മകൻ), കരൺ ജോഹർ, നയൻതാര തുടങ്ങിയ താരങ്ങൾ വാടക ​ഗർഭധാരണം വഴി കുഞ്ഞുങ്ങളെ സ്വീകരിച്ചു. കരിയറിന്റെ തിരക്കുകൾ മൂലം വിവാഹം വൈകിയവരാണ് പലപ്പോഴും വാടക ​ഗർഭധാരണത്തെ ആശ്രയിക്കാറ്.

വലിയ തുക ഇവർ ഇതിന് ചെലവഴിക്കുകയും ചെയ്യുന്നു. അടുത്തിടെ നയൻതാര വാടക ​ഗർഭധാരണത്തിലൂടെ കുഞ്ഞുങ്ങളെ സ്വീകരിച്ചത് വലിയ ചർച്ച ആയിരുന്നു. തെന്നിന്ത്യൻ സിനിമാ താരങ്ങൾക്കിടയിൽ പൊതുവെ ഈ രീതി ഇല്ലായിരുന്നു.