'അവളെ കണ്ടപ്പോൾ മാലാഖയെപ്പോലെ'; നീലം കോത്താരിയുമായി ​ഗാഢപ്രണയം അവസാനം സുനിതയെ വിവാഹം ചെയ്ത ​ഗോവിന്ദ!

ബോളിവുഡിലെ മുന്‍നിര നായകന്‍മാരില്‍ ഒരാളായി തിളങ്ങിയ നടനാണ് ഗോവിന്ദ. രസകരമായ നൃത്തച്ചുവടുകളും കോമഡിയുമായി ബോളിവുഡിൽ ഗോവിന്ദ നടനം നിറഞ്ഞുനിന്ന കാലമായിരുന്നു തൊണ്ണൂറുകൾ. നായകനായി കത്തി നിന്ന കാലത്ത് ഒപ്പം അഭിനയിച്ച നായികമാരോട് പലപ്പോഴായി ​ഗോവിന്ദയ്ക്ക് പ്രണയവും തോന്നിയിരുന്നു. പലതും താരം പിന്നീട് തുറന്നുപറയുകയും ചെയ്തിരുന്നു. ഹം സാത്ത് സാത്ത് ഹേ എന്ന സിനിമയിൽ സൽമാൻ ഖാന്റെ സഹോദരിയുടെ വേഷത്തിൽ പ്രത്യക്ഷപ്പെട്ട നീലം കോത്താരിയുമായി ഒരിടയ്ക്ക് കടുത്ത പ്രണയത്തിലായിരുന്നു ​ഗോവിന്ദ.

സുന്ദരമായ മുഖവും നിഷ്കളങ്കതയും കൊണ്ട് നീലം കോത്താരി വളരെ പെട്ടന്നാണ് പ്രേക്ഷകരുടെ ഹൃദയം കീഴടക്കിയത്. ഇന്ന് ഈ പ്രായത്തിലും നീലം കോത്താരിയുടെ സൗന്ദര്യം കണ്ട് ആരാധകർ അത്ഭുതപ്പെടുന്നുണ്ട്. നീലം കോത്താരിയെ സംബന്ധിച്ചിടത്തോളം ഒരു നടിയായത് വളരെ യാദൃശ്ചികം മാത്രമായിരുന്നു.

ഹോങ്കോങ്ങിൽ ജനിച്ച് വളർന്ന നീലം കോത്താരി മുത്തശ്ശിയെ കാണാനായി മുംബൈയിലെത്താറുണ്ടായിരുന്നു. അങ്ങനെ ഒരിക്കൽ അവൾ മുംബൈയിൽ എത്തിയപ്പോൾ വിധി അവളെ അഭിനേത്രിയാക്കി. അച്ഛനെ അറിയിക്കാതെയാണ് ആദ്യ സിനിമയിൽ നിലം അഭിനയിച്ചത്. മുത്തശ്ശിയെ കാണാൻ ഇടയ്ക്കിടെ മുംബൈയിൽ വരുമായിരുന്നു നീലം കോത്താരി.

ഒരിക്കൽ അതേ രീതിയിൽ അവൾ അവളുടെ മുത്തശ്ശിയെ കാണാൻ വന്നു. സിനിമാ സംവിധായകനായ രമേഷ് ബഹലും അവർ താമസിക്കുന്ന അപ്പാർട്ട്മെന്റിന്റെ അടുത്തുള്ള അപ്പാർട്ട്മെന്റിലാണ് താമസിച്ചിരുന്നത്. അദ്ദേഹത്തിന്റെ മകൾ നീലത്തിന്റെ നല്ല സുഹൃത്തായിരുന്നു.

രമേഷ് സഹോദരി അക്കാലത്ത് അദ്ദേഹത്തിന്റെ ജവാനി എന്ന സിനിമയിൽ ജോലി ചെയ്യുകയായിരുന്നു, പക്ഷെ അദ്ദേഹത്തിന് അദ്ദേഹത്തിന്റെ സിനിമയിലേക്ക് നായികയെ ലഭിച്ചിരുന്നില്ല. പിന്നീട് യാദൃശ്ചികമായി നീലത്തെ കണ്ടപ്പോൾ ഇതാണ് എന്റെ സിനിമയിലെ നായികയെന്ന് അ​ദ്ദേഹത്തിന് തോന്നി. ആദ്യ കാഴ്ചയിൽ തന്നെ നടിയാകാൻ നീലത്തിന് അങ്ങനെ അവസരം വന്നു.

ഈ ചിത്രത്തിലാണ് നീലവും ഗോവിന്ദയും ആദ്യമായി സ്ക്രീനിൽ ഒരുമിച്ച് എത്തിയത്. ഇതിനുശേഷം ഇരുവരും ഇൽസാം എന്ന ചിത്രത്തിലും ഒന്നിച്ചു. നീലവും ഗോവിന്ദയും നിരവധി സിനിമകളിൽ ഒരുമിച്ച് പ്രവർത്തിച്ചിട്ടുണ്ട്. ഇരുവരുടെയും അവിഹിത ബന്ധങ്ങളും ആ സമയത്ത് ചർച്ചയായിരുന്നു. നീലത്തെ ആദ്യമായി കണ്ടപ്പോൾ അത്ഭുതം തോന്നിയെന്ന് ഗോവിന്ദ ഒരു അഭിമുഖത്തിൽ പറഞ്ഞിരുന്നു.

ആ സമയത്ത് അവൾ ഒരു മാലാഖയെപ്പോലെയായിരുന്നുവെന്നും ​ഗോവിന്ദ മുമ്പ് പറഞ്ഞിരുന്നു. ഗോവിന്ദ അന്ന് നീലവുമായുള്ള പ്രണയം വളരെ സീരിയസായാണ് എടുത്തിരുന്നത്. അദ്ദേഹം നീലത്തെ വിവാഹം കഴിക്കാൻ വളരെ അധികം ആഗ്രഹിച്ചിരുന്നു. എന്നാൽ പിന്നീട് സുനിത അദ്ദേഹത്തിന്റെ ജീവിതത്തിലേക്ക് കടന്നുവന്നു. അതുപോലെ തൊണ്ണൂറുകളിൽ ബോബി ഡിയോളിന്റെയും നീലം കോത്താരിയുടെയും ബന്ധത്തെക്കുറിച്ചുള്ള വാർത്തകളും വളരെ അധികം പ്രചരിച്ചിരുന്നു.

ഏകദേശം അഞ്ച് വർഷത്തെ ബന്ധത്തിന് ശേഷം ഇരുവരും വേർപിരിഞ്ഞു. സ്റ്റാർഡസ്റ്റിന് നൽകിയ അഭിമുഖത്തിൽ തന്റെയും ബോബിയുടെയും ബന്ധം മൂന്നാമതൊരാൾ കാരണമല്ല തകർന്നതെന്നും ഇരുവരും സ്വന്തം ഇഷ്ടത്താൽ വേർപിരിഞ്ഞതാണെന്നും നീലം തന്നെ വെളിപ്പെടുത്തിയിരുന്നു.

നീലം കോത്താരിയുടെ ആദ്യ വിവാഹം വിജയിച്ചിരുന്നില്ല. അതുകൊണ്ട് പിന്നീട് ഏറെ നാളത്തെ പ്രണയത്തിനൊടുവിൽ 42ആം വയസിൽ നീലം വീണ്ടും വിവാഹിതയായി. താരം സമീർ സോണിയെയാണ് പിന്നീട് വിവാഹം കഴിച്ചത്. ഒരു ഇന്ത്യൻ ചലച്ചിത്ര ടെലിവിഷൻ നടനും സംവിധായകനും മുൻ ഫാഷൻ മോഡലുമാണ് സമീർ സോണി.

നീലത്തിന് ഒരു കുഞ്ഞുണ്ട്. 2001ൽ പുറത്തിറങ്ങിയ കസമാണ് നീലം കോത്താരി അഭിനയിച്ച് പുറത്തിറങ്ങിയ അവസാന സിനിമ.‍ പ്രായം അമ്പത്തിനാല് ആയെങ്കിലും ഒരു നായികയാകാനുള്ള സൗന്ദര്യം ഇപ്പോഴും നീലം കോത്താരിക്കുണ്ട്.