'ഒന്നിനും സ്വാത‌ന്ത്ര്യം ഇല്ല... എല്ലാത്തിനും നിബന്ധനകളാണ്', പിതാവിന്റെ അതിരുകടന്ന സ്നേഹത്തെ കുറിച്ച് ഖുശി

ബോണി കപൂറിനെ ശ്രീദേവി ആ​ഗ്രഹിച്ച് സ്വന്തമാക്കിയതാണ്. ആ വിവാഹവും വിവാദമായിരുന്നു. രണ്ട് മക്കളേയും ഭാര്യയേയും ഉപേക്ഷിച്ചാണ് ബോണി കപൂർ ശ്രീദേവിയെ വിവാഹം ചെയ്തത്. ശ്രീദേവിയുെട പകർപ്പ് പോലെ രണ്ട് മക്കളാണ് ഇന്ന് ബോണി കപൂറിന്റെ ജീവവായുവായി ഉള്ളത് ജാൻവിയും ഖുശിയും. മക്കൾക്ക് വേണ്ടി ഓരോന്ന് തെരഞ്ഞെടുരക്കുമ്പോഴും ആയിരം വട്ടം ബോണി കപൂർ ചിന്തിക്കും. ശ്രീ ഇല്ലാത്തതിന്റെ പേരിൽ‌ മക്കൾക്ക് മോശമായി ഒന്നും സംഭവിക്കരുത് എന്ന നിർബന്ധം ബോണിക്കുണ്ട്. ശ്രീദേവിയെപ്പോലെ ബോളിവുഡിലെ താരറാണി പട്ടത്തിലേക്ക് ജാൻവിയേയും ഖുശിയേയും എത്തിക്കുക എന്നതാണ് ഇപ്പോൾ‌ ബോണിയുടെ ലക്ഷ്യം.

ജാൻവിയുടെ സിനിമാ പ്രവേശനം കാണാൻ നിൽക്കാതെയാണ് ശ്രീദേവി പോയത്. ജാൻവിയുടെ ആദ്യ ചിത്രത്തിന്റെ ഷൂട്ടിങ് പൂരോ​ഗമിക്കുമ്പോഴായിരുന്നു ശ്രീദേവിയുടെ മരണം. അനിയത്തി ഖുശി ഇതുവരെ അഭിനയത്തിലേക്ക് ചുവടുവെച്ചിട്ടില്ല. പക്ഷെ മോഡലിങിൽ സജീവമാണ്. താരപുത്രിയായതിനാൽ ഖുശി അമ്മയുടേയും ചേച്ചിയുടേയും ആരാധകർക്ക് പ്രിയപ്പെട്ടവളാണ്. പിതാവ് ബോണിയുമായി വലിയൊരു സൗഹൃദം അച്ഛൻ എന്നതിലുപരിയായി ജാൻവിയും ഖുശിയുമായും കൊണ്ടുനടക്കുന്നുണ്ട്. എന്നാൽ ചിലപ്പോഴൊക്കെ അച്ഛന്റെ സ്നേഹം ഓവറായി തോന്നാറുണ്ട് എന്ന് തുറന്ന് പറഞ്ഞിരിക്കുകയാണ് ഇളയവൾ ഖുശി. ഒന്നിനും സ്വാതന്ത്രമില്ലെന്നും എല്ലാ കാര്യങ്ങളിലും അച്ഛന് നിബനകൾ ഉള്ളതിനാൽ ഇടയ്ക്കൊക്കെ അരോചകമായി തോന്നാറുണ്ട് എന്നാണ് ഖുശി പറഞ്ഞത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

നേഹാ ധൂപിയ അവതാരകയായ പരിപാടിയിൽ പങ്കെടുത്ത് കൊണ്ടാണ് പിതാവിൽ ഇഷ്ടമല്ലാത്ത സ്വഭാവങ്ങളെ കുറിച്ച് ഖുശി പറഞ്ഞത്. എവിടെ പോകാൻ ഇറങ്ങിയാലും ഒരു സമയം പറയുമെന്നും അതിനുള്ളിൽ തിരിച്ച് വരണമെന്ന് നിർബന്ധമാണെന്നും ഖുശി പറയുന്നു. 'സംവിധായകൻ കരൺ ജോഹറിനെ ഒരുപാട് ഇഷ്ടമാണ്. അദ്ദേഹത്തിന്റെ എല്ലാ സിനിമകളും വർക്കുകളും ഞാൻ അന്ധമായി പിന്തുടരാറുണ്ട്. എന്നാൽ ഞാൻ സിനിമയിലേക്ക് എത്തിയാൽ എന്റെ നായകനെ അച്ഛനാണ് നിശ്ചയിക്കുക. എല്ലാ കാര്യത്തിലും കർഫ്യു ആണ്. ഞാൻ എവിടെയാണ്? ഞാൻ ആരുടെ കൂടെയാണ്? എന്നൊക്കെ അന്വേഷിച്ച് കൊണ്ടിരിക്കും.‌ ഒരിക്കൽ എന്റെ അച്ഛൻ എന്റെ സുഹൃത്തിന് ഒരു സന്ദേശം അയച്ചു... മോളെ നിന്റേയും ഖുഷിയുടെയും ഒരു ഫോട്ടോ അയക്കൂ... എന്ന്. എനിക്ക് ആൺസുഹൃത്ത് ഉണ്ടെന്ന ചിന്ത അച്ഛന് ഉണ്ടെന്നാണ് തോന്നുന്നത്' ഖുശി പറയുന്നു. ജാൻവി കപൂറിന്റെ ഏറ്റവും പുതിയ സിനിമ മിലി നിർമിച്ചത് ബോണി കപൂറാണ്. ഹെലൻ എന്ന മലയാള സിനിമയുടെ ബോളിവുഡ് റീമേക്കാണ് മിലി.