'പതിമൂന്നാം വയസിൽ രജനികാന്തിന്റെ രണ്ടാനമ്മയായി'; ശ്രീദേവിയല്ലാതെ മറ്റാരും ഇതിനൊന്നും തയ്യാറാകില്ല!

രാജ്യം 2013ൽ പദ്മശ്രീ നൽകി ആദരിച്ചിട്ടുണ്ട്. അപാര റേഞ്ച് ഉള്ള നടിയായാണ് ശ്രീദേവി അറിയപ്പെട്ടിരുന്നത്. ആ പറഞ്ഞതിൽ ഒട്ടും അതിശയോക്തി ഇല്ലെന്ന് അവരുടെ ചുരുക്കം സിനിമകൾ മാത്രം കണ്ടിട്ടുള്ള ആര്‍ക്കും എളുപ്പത്തിൽ മനസിലാക്കാം.

ദക്ഷിണേന്ത്യൻ ചിത്രങ്ങളിലൂടെ തുടങ്ങിയ ശ്രീദേവിയുടെ ജൈത്രയാത്രയിൽ എണ്ണം പറഞ്ഞ ചില ചിത്രങ്ങൾ അവർ ചെയ്‌തിരുന്നു.

പതിനാറ് വയതിനിലെ, സിഗപ്പ് റോജാക്കൾ, വാഴ്വേ മായം, മൂന്നാംപിറൈ അങ്ങനെയങ്ങനെ. ഹിന്ദി, മലയാളം, തമിഴ്, തെലുങ്ക്, കന്നട ഭാഷകളിലായി നിരവധി സിനിമകളില്‍ ശ്രീദേവി അഭിനയിച്ചിട്ടുണ്ട്.

നാലാം വയസില്‍ തുണൈവന്‍ എന്ന ചിത്രത്തില്‍ ബാലതാരമായി അഭിനയ രംഗത്തേക്ക് വന്ന ശ്രീദേവി ദേവരാഗം, കുമാര സംഭവം ഉള്‍പ്പെടെയുള്ള 26 മലയാള സിനിമകളില്‍ അഭിനയിച്ചിട്ടുണ്ട്.

1971 പൂമ്പാറ്റ എന്ന ചിത്രത്തിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാര്‍ഡ് ലഭിച്ചിരുന്നു. രണ്ട് സംസ്ഥാന ചലചിത്ര പുരസ്‌കാരങ്ങളും ആറ് ഫിലിം ഫെയര്‍ പുരസ്‌കാരങ്ങളും ശ്രീദേവിക്ക് ലഭിച്ചിട്ടുണ്ട്.

1976ല്‍ മുണ്ട്ര് മുടിച്ച് എന്ന തമിഴ് ചിത്രത്തിലാണ് ആദ്യം നായികയായി ശ്രീദേവി അഭിനയിക്കുന്നത്. 1983ലെ ഹിമ്മത് വാല ആണ് ആദ്യത്തെ ബോളിവുഡ് ചിത്രം.

അമ്പത് വര്‍ഷം നീണ്ട അഭിനയ ജീവിതത്തില്‍ എണ്ണമറ്റ കാഥാപാത്രങ്ങളെ ആരാധാകര്‍ക്ക് സമ്മാനിച്ച ശ്രീദേവി ഇന്ത്യന്‍ സിനിമയിലെ ആദ്യ വനിത സൂപ്പര്‍ സ്റ്റാര്‍ എന്നാണ് അറിയപ്പെട്ടത്. മലയാളത്തിനും ശ്രീദേവി സമ്മാനിച്ചിട്ടുണ്ട് എക്കാലത്തും ഓര്‍ത്തുവെക്കാവുന്ന ചില കഥാപാത്രങ്ങള്‍.

തുടക്കത്തിൽ ഹിന്ദിയില്‍ ഒരു വാക്കുപോലും സംസാരിക്കാന്‍ ശ്രീദേവിക്ക് അറിയുമായിരുന്നില്ല. പക്ഷെ ശ്രീദേവി കഴിവുകൊണ്ട് ബോളിവുഡും പിടിച്ചടക്കി. വിവിധഭാഷകളിലായി ഇത്രയും പേരെടുത്ത മറ്റൊരു അഭിനേതാവും ഇന്ത്യന്‍ സിനിമയിലില്ല.

മിസ്റ്റര്‍ ഇന്ത്യയുടെ ചിത്രീകരണ സമയത്താണ് ശ്രീദേവി ബോണി കപൂറുമായി അടുക്കുന്നത്. മോന കപൂറുമായുള്ള ബന്ധം പിരിഞ്ഞതോടെ ബോണിയും ശ്രീദേവിയും വിവാഹിതരായി.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

സിനിമയിലെ തുടക്കകാലത്ത് നടൻ രജനികാന്തിന്റെ രണ്ടാനമ്മയായി ശ്രീദേവി അഭിനയിച്ചിരുന്നുവെന്നത് അധികമാർക്കും അറിയാവുന്ന ഒരു വിവരമായിരിക്കില്ല. 1976ല്‍ പുറത്തിറങ്ങിയ മുണ്ട്ര് മുടിച്ച് എന്ന സിനിമയിലായിരുന്നു രജിനകാന്തിന്റെ രണ്ടാനമ്മയായി ശ്രീദേവി അഭിനയിച്ചത്.

അന്ന് വെറും പതിമൂന്ന് വയസ് മാത്രമായിരുന്നു ശ്രീദേവിയുടെ പ്രായം. എന്നിട്ടും പക്വതയോടെ താരം കഥാപാത്രത്തെ മികച്ചതാക്കി.

വൃദ്ധനായ വ്യക്തിയുടെ ഇരുപത്തിയഞ്ച് വയസുകാരി ഭാര്യയായിരുന്നു ശ്രീദേവിയുടെ കഥാപാത്രം. ചിത്രത്തിൽ നടൻ കമൽഹാസനും ഒരു സുപ്രധാന കഥാപാത്രത്തെ അവതരിപ്പിച്ചിരുന്നു.