ഷാര്‍മിളയെ കണ്ടതോടെ നടി സിമിയുമായുള്ള പ്രണയം അവസാനിപ്പിച്ച് സൂപ്പര്‍താരം; മന്‍സൂര്‍ അലി ഖാന്റെ പ്രണയകഥ

ഇന്ത്യന്‍ ക്രിക്കറ്റിലെ ഏറ്റവും പ്രായം കുറഞ്ഞ ക്യാപ്റ്റനായിരുന്നു മന്‍സൂര്‍. ഷാര്‍മിള ബോളിവുഡില്‍ നിന്നും ആദ്യമായി ബിക്കിനി ചിത്രം പുറത്ത് വിട്ട് തരംഗമായ നടിയുമായിരുന്നു. 1969 ഡിസംബര്‍ 27 നാണ് ഇരുവരും വിവാഹിതരാവുന്നത്. നടന്‍ സെയിഫ് അലി ഖാന്‍ അടക്കം മന്‍സൂര്‍-ഷാര്‍മിള ദമ്പതിമാരുടെ മക്കള്‍ ഇന്നത്തെ ബോളിവുഡിലെ സൂപ്പര്‍ താരങ്ങളാണ്.

ഷാര്‍മിളയെ മന്‍സൂര്‍ കണ്ടുമുട്ടുന്ന സമയത്ത് സിമി ഗ്രോവലുമായി താരം ഡേറ്റിങ്ങിലായിരുന്നു. മന്‍സൂറിന്റെ വ്യക്തിത്വം അറിഞ്ഞാല്‍ ഏതൊരു പെണ്‍കുട്ടിയും അദ്ദേഹത്തെ സ്‌നേഹിച്ച് പോവും. എങ്കിലും അദ്ദേഹം സിമിയെ ഭ്രാന്തമായി പ്രണയിച്ചിരുന്നു. ഇരുവരും ഒന്നിച്ച് പരിപാടികളില്‍ പങ്കെടുക്കുന്നതും മറ്റുമൊക്കെ ശ്രദ്ധേയമായിരുന്നു. വൈകാതെ ഇവരുടെ വിവാഹം അനൗണ്‍സ് ചെയ്യുമെന്ന് കരുതി എല്ലാവരും കാത്തിരിക്കുകയായിരുന്നു. എന്നാല്‍ ഷാര്‍മിളയെ മന്‍സൂര്‍ കണ്ടുമുട്ടിയതോട് കൂടി വിധി മറ്റൊന്ന് ആവുകയായിരുന്നു.

ഷാര്‍മിളയുമായിട്ടുള്ള വിവാഹത്തിന് മുന്‍പ് തന്നെ സിമിയുമായുള്ള എല്ലാ ബന്ധവും മന്‍സൂര്‍ അവസാനിപ്പിച്ചിരുന്നു. ടൈംസ് ഓഫ് ഇന്ത്യ പുറത്ത് വിട്ട റിപ്പോര്‍ട്ടില്‍ ഇതേ കുറിച്ച് വ്യക്തമായി സൂചിപ്പിച്ചിരുന്നു. പ്രണയം അവസാനിപ്പിക്കാമെന്ന് പറയാനായി മന്‍സൂര്‍ സിമിയുടെ അപാര്‍ട്ട്‌മെന്റിലേക്ക് എത്തിയ താരത്തെ നടി സ്വീകരിച്ചു. 'എന്നോട് ക്ഷമിക്കണം, നമ്മള്‍ തമ്മിലുള്ളതെല്ലാം ഇവിടെ അവസാനിപ്പിക്കുകയാണ്. ഞാന്‍ മറ്റൊരാളെ കണ്ടുമുട്ടി'. എന്നാണ് മന്‍സൂര്‍ സിമിയോട് പറഞ്ഞത്.

പെട്ടെന്ന് തന്നെ കുടിക്കാന്‍ ലൈം ജ്യൂസ് നല്‍കി നടി വിഷയം മാറ്റി. എന്നാല്‍ തനിക്കത് വേണ്ടെന്നും പോവുകയാണെന്നും പറഞ്ഞ് മന്‍സൂര്‍ പുറത്തേക്കിറങ്ങി. സിമി കൂടുതലായി ഒന്നും പറയാതെ അദ്ദേഹത്തിന് പിന്നാലെ ലിഫ്റ്റിന്റെ അടുത്തേക്ക് വന്നു. അവിടെയപ്പോള്‍ ഷാര്‍മിളയും ഉണ്ടായിരുന്നു. രണ്ട് പേരും പരസ്പരം കണ്ടപ്പോള്‍ ഒന്നും സംസാരിക്കാതെ മുഖത്തോട് മുഖം നോക്കുക മാത്രമേ ചെയ്തുള്ളു. പിന്നീടാണ് ഷാര്‍മിളയെ മന്‍സൂര്‍ വിവാഹം കഴിക്കുന്നത്. വര്‍ഷങ്ങള്‍ക്കിപ്പുറം താരദമ്പതിമാര്‍ സിമിയെ കണ്ടുമുട്ടിയതൊക്കെ വാര്‍ത്തകളില്‍ നിറഞ്ഞിരുന്നു.